Corpus of Electronic Texts Edition
Annals of Loch Cé A.D.1014-1590 (Author: [unknown])

p.2


1]

Annal LC1014

LC1014.0

Kl. Ináir for aoíne, ui. xx. L.; xu.; ceithre
2] bliadna x. & mile aoís an Tigerna in
3] tan sin.

LC1014.1

Slúaighedh lá mac Amhlaoíbh & lá
4] Máol Mórdha, & Galla, & Laighne, a
5] Midhe & a m-Breghaibh, & iársin go
6] termann Féichín, go ruccsat bú díarmhidhe
7] & broide adbal leó.

LC1014.2

Féil Grighóir ría n-Inid is in
8] bhliadhoin-si, & mioncháisc a samhradh, ionnus na h-aicheis
9] ó chéin mháir.

LC1014.3


10] Mór-thionól fher Muman & Midhe, & deiscert
11] Connacht lá m-Brían m-Bóromha mac Cinnéidigh .i. rí
12] Ereann, for Ghallaibh Atha Clíath, & for Laighnaibh,
13] día t-tabhairt fó a réir amail dus-fucc ríamh, ór ro
14] aghain & ró áirdéirigh cogadh comhfhúasmadach etir
15] Brían & Ghallaibh Atha Clíath, & Laighnibh, an tan-sin.
16] sin. Gabhais Brían longport ig Clúain Tarbh, i sen-Muigh
17] Ealta, ré h-Ath Clíath atthúaidh. Nír bho bern
18] báoghail aghaidh for Ath Clíath an ionbudh-sin ; bá
19] lámh i ned gríbhe aghaidh fair. Nír bho h-iomgabhail
20] deabhtha, seoch ba chuingedhaibh gleithne & ughra móire
21] saighin ar an sochroide do-rocht ann an ionbudh-sin,
22] óir do-rochtatar ann tréin-fhir thoghaidhe & áirsighe

p.4


1] innsi Bretan, ó Caóir Eabhroigh, & ó Caoír Eighist,
2] & ó Caoír Goníath. Do-rúachtadar ann fós forgla
3] ríogh & taoíseach, curadh & caith mhílidh, & láth
4] n-goile, & trein-fir thúaiscert in domain, etir Dhubh-Lochlonnach
5] & Fhionn-Lochlonnach, a sochraide &
6] a m-báidh Ghall, go rabhadar a n-Ath Clíath ag mac
7] Amhlaoíb, ag fritheólamh chogaidh & chathaighthe do
8] Gaoídhealaibh. Do-rochtadar ann Síoghraidh Fionn
9] & Síoghraidh Donn, dhá mhac Lothair íarla Innsi
10] h-Orc, co slúaghaib Innsi h-Orc imaille friú. Do-rochtadar
11] ann, imorro, slóigh dímhóra a h-Innsibh Gall,
12] & a Manuinn, & as na Rennoib, & a Breathnoibh,
13] & a Plémennoibh. Do-rúachtadar ann fós
14] Brodar .i. íarla Caoíre Eabhroigh, go sluaghoibh dímhóra,
15] & Uithir Dubh .i. mílidh Caoire Eighist, & Grisíne
16] corad Pléimionnaibh, & Greisiam á Normannaibh. Do-rúachtadar
17] ann, dono, míle láoch do Dhubh-Danaroibh
18] dána, róithréna, ro chalma, go scíathoibh & go stargghaibh,
19] & co lúirechoibh iomdha ó tháfinn leó. Ro bhádar
20] ann, imorro, slóigh dhímhóra & gasradh óg allata
21] Fine Gall, & na cendaighe tangadar a tíribh Franc,
22] & a Sagsoibh, & a Bretoin, & Rómhán. Do-rúacht
23] ann, dono, Máol Mórrdha mac Murchadha mic
24] Finn .i. áirdrígh chúigedh Laighen; go ríoghaibh, go d-taoisechaibh,
25] & go t-tréinfheroibh Laighen ; go macáomhaibh,
26] & go n-giollannraidh maráon riú isin sochraide
27] chédna.
28] Bá mór trá an sochraidhe & in tionól tánic ann.
29] Bá bádhach & bá borrfadhach an choimhéirghe do-rónsat

p.6


1] sunn .i. annradh & anghluinn Gall & Gaoídheal
2] Laighen, an aghaidh chatha na Muimhnech, & do dhiongmháil
3] docroide Bríain Bóromha dhióbh; conadh .ui. catha
4] comhmóra coimhlíon na n-Danár .i. cath ag coimhéd an
5] dúinidh allá astigh, & cúig catha ag lámhach i n-aghaidh
6] na n-Gaoídhiol.
7] Niór thionóil, imorro, Brían slóigh ináid sochraide
8] i nd-aghaidh an mor-sluaighed-sin íarthair dhomain &
9] Gall, acht Muimhnig amháin, & Moeil Shechlainn co
10] b-feraibh Midhe ; uair ni torrachtadar chuige Ulaidh,
11] ináid Airghiallai, na Cinel n-Eogain, ina Cinel Conaill,
12] ina Connachta, acht h-I Maine & h-I bFiacrach, &
13] Cenel Oedha, uair nír bho maith annsin etir Brian &
14] Tadhg an Eich Ghil, mac Cathail, mic Conchobair, rí
15] Connacht. Conidh aire-sin ro erig Tadhc dul la Brian
16] isin cath sin Cluana Tarbh.
17] Ad-cí, imorro, Indeirghe mac Uradhain .i. gilla gradha
18] do Brian, a n-aisling an aghaid riasan chath, senadh
19] cleírech n-iomdha, indar lais, dochum an longpuirt,
20] & síad ag cantain t-shailm-chedail & t-shaor-leighinn ;
21] & ro fiarfaid Indeirghe cia na cleirig. ‘Sénán mac
22] Geirrchinn sin,’? ar na cleirigh. ‘Cidh dus-fuc alle ó na
23] eglais fein conicce so h-é’, ol Indeirghe. ‘Feich dlighes
24] do Brian’, ol an cleireach; ‘da n-iarradh tánic sunn’.

p.8


1] ‘Ro iocfaidis ris iga thigh’, ol Indeirghe, ‘ceinoch roichfedh
2] lais a thocht sunn. Ammarach tig amm a n-iocad re
3] Sénan’, ol an clerech, ‘& is eigin friss’. Tiaghuid uadh
4] iarsin. Indisses, imorro, Inderge do Brian ant
5] aisling at-condairc, & bá messaide a menma lais
6] a chluinsin.
7] At-connairc, dna, Diarmaid .H. Corcrain .i. fer
8] gradha Domnaill mic Diarmada, & ro boi-sium ag
9] marbadh na n-Gall a n-Inis Cathaig aidhche aine Chasg,
10] and aisling cedna do Brian, & seacht m-bliadna
11] dhec ar xx riasan aidhche oeine sin inar marbad
12] Brian ad-conncus ind aisling-sin.
13] Tánic Oebinn, ingen Duinn Oilen, seal beg ria n-iarmeirge
14] ind aidhche-sin, ó Shíd Craige Leithe, d' agallam
15] Briain, gur innis do go d-tiotfadh arna bharach. Ro
16] fhiarfaid Brian di cia dha macaib budh ri dha eis,
17] & cia lín dibh no marbhfidhe isin cath imaroen risium.
18] In ced-mac do chídhfir is e bus rí ar h-eisi, ar si.
19] Conidh uime-sin ro chuir-sium fios ar cend Murchadha,
20] co d-tiossad dia agallam ria g-cach sul ad-rissad an
21] sluaig. Ni thánic Murchad ann con rus-gaibh a leine
22] uime. Is annsin do-chluin Donnchadh meda Briain
23] ag iomagallam re a gilla gradha, & nir an re a
24] edach uile do ghabháil uime, acht tanic co h-oponn co
25] tuc a lamh ar cuaille na h-imdhaide a raibhe an rí
26] ina pupuill, gur fhiarfaid do Brian cidh do-ghenum;
27] in ar na crechaib no raghadh, no isin longport no

p.10


1] anfad. Adubairt Brian, imorro, ó dho tuc aithne ar
2] ghuth n-Donnchada, uair rob olc lais a thorrachtuin
3] chuige ar tus; is cuma lem, ar sé, cidh be ní do-néis,
4] oir ni dot' iarradh ro bha. Tanic Donnchad,
5] imorro, asin pupuill tria luinne iarsin, & do-rala
6] Murchad dho i n-dorus na puiple, & ni tuc nech
7] dhíbh taimhthech di aroile.
8] O ro-siacht, imorro, Murchad co raibhe ag iomagallam
9] re Brian, ro ráidh imorro Brian frís: eirg,
10] ar sé, it leabaid co ti an la, & an ni ro bud mian
11] lem-sa nir chedaigh Dia duit e. Ro bhuí trá gach michelmain
12] a cinn a cheli doibh amhlaid sin no go tanic maiden
13] an laoi cona lan-shoillsi .i. oeine Chasg. Is annsin ro
14] cuired cath crodha comoirderc etorra dibhlinuib, da
15] na frith indsamail a n-Erinn. Maighidh for Gallaib
16] & for Laighnib a tossach, conros-dileghuid uile
17] co leir, in quo bello cecidit ex aduersa caterua
18] Gallorum, Maol Mordha mac Murchada, airdrigh
19] Laigen, & Domhnall mac Fergaile, rí na b-Forthuath,
20] & Brogharbhan mac Conchobhair, ri .H. b-Failghe.
21] Cecidit uero a Gallis, Duphghall mac Amhlaibh, &
22] Sighrud mac Lotair, iarla Insi h-Orc, & Gilla
23] Ciaráin mac Glúin Iaruinn, rigdhamhna Gall, Uithir
24] Dubh, &a Suairtghair, & Donnchad .H. h-Eruilbh,
25] & Grissíne, & Luimne, & Amhlaibh mac Laghmainn,
26] & Brodar .i. toissech na luingsi Lochlainne,
27] qui occidit Brian, et se mile etir mharbad &
28] badhad. Do-rorchuir ann, din, a b-frithghuin in chatha-sin
29] ó Goeidhelaibh, Brian mac Ceindeidig mic Lorcain,
30] airdrigh Goeidel Erenn & Gall Brettan,
31] & August iarthair tuaiscert Eorpa uile, & a

p.12


1] mac .i. Murchad, & a mac-sidhe .i. Toirrdhelbach mac
2] Murchada, & Conaing mac Duinn Cuan, mic Ceindeidigh,
3] ridhamhna Muman, & Mothla mac Domhnaill,
4] mic Faolain, rí na n-Déisi Muman; Eochaidh mac
5] Dunadhaigh, & Niall mac Cuinn, & Cu Dhuiligh
6] mac Ceinnedigh, tri coeimte Briain; & Tadhc mac
7] Murchada h-I Ceallaigh, ri .H. Maine; Moel Ruanaidh
8] .H. h-Eidhin, ri Eighne; Geibhendach .H. Dubhagain, rí
9] Fera Mhaighe, & mac Bethaid mic Muireghaigh
10] Chloein, rí Ciarraighe Luacra, & Domhnall mac
11] Diarmada, ri Corca Baiscinn; Sgannlan mac Cathail,
12] rí Eoghanachta Loca Léin, & Domnall mac Eimhín
13] mic Cuinnigh Mhóir, mórmhaor Mair i n-Albain, et alii
14] multi nobiles.
15] Is ann boi an t-airdrigh .i. Brian mac Ceinneidigh,
16] & Conaing mac Duinn Cuan, ar cúl na cath ag
17] cantain a salm, & ag denam irnaide, con rus-terno
18] fear dhian dassochtach Danmargach ar iomgabhail
19] an bhaiss as an maidhm, go rainic gus an maighin
20] a m-boí an ri. O dho airigh an Danmargach an rí
21] a m-baogal ros-nocht a cloidhemh, & ro dhichend airdri
22] Erenn & ros-dichend Conaing mur an cedna, &
23] torchuir féin a b-frithghuin in comhruic-sin.
24] Luidh, trá, Maol Muire mac Eochada .i. comfhorba
25] Patraic, co sruithibh & mionnuibh conice Sord
26] Coluim Cille, co t-tuc ass cuirp Briain & Murchada
27] a mic, & cend Conaing, & cend Mothla,
28] con ros-adhnocht a n-Ard Macha a n-ioluid nuí. Dí aidhche,
29] umorro, dhó-sum & do th-shamad Padraig ag aire na
30] g-corp propter honorem regis positi.

LC1014.4

Dúnlaing mac Tuathail, rí Laigen, dh' éc.

LC1014.5

Cath edir
31] Cian mac Maoil Mhuaidh & Domnall mac Duibh Dhá Boirend,
32] co torchair ann Cian, & Cathal, &

p.14


1] Raghallach, tri mic Mail Mhuaidh, & ár ádhbail impa.

LC1014.6

Cathal mac Domnaill, rí .H. n-Echach, do marbad la
2] Donnchad mac Briain.

LC1014.7

Maidhm ría Tadhg mac Briain
3] for Donnchadh mac Briain, dú nar fargbadh Ruaidri
4] mac Donnagan, rí Aradh.

LC1014.8

Sloiged la .H. Maol Doraid
5] & la .H. Ruairc a Magh n-Aói, go ro mharbhsat
6] Domnall mac Cathail, & gur innraisset in magh,
7] & go rucsat gialla Connacht, licet non in eadem
8] uice.

LC1014.9

Maidhm for Dál n-Araidhe ría n-Ulltaib, ubi multi
9] occisi sunt.

LC1014.10

Flaithbertach mac Domnaill, comarba
10] Ciárain & Finnén, & Ronán, comarba Fechin,
11] & Conn .H. Dígráidh in Cristo dormierunt.

LC1014.11

Ad
12] Imdha trá airisi na bliádnai-sa.

Annal LC1015

LC1015.0


13] Kl. Enair .uii. f.; L. iiii.; coig bliadna dhéc ar
14] mile ais in Tigerna.

LC1015.1

Domnall mac Duibh Dha Boirend
15] do mharbad la Donnchad mac Briain i cath.

LC1015.2

Flaitbertach
16] .H. Neill do tocht a Midhe do chabhair Maoil t-Seclainn.
17] Mail Seclainn iarum ar sloigheadh a Laighne, gur
18] ro ort Laighne, & go dtuc bóruimhe & eidire
19] Laighen lais.

LC1015.3

Niall mac Fergaile mic Connaich a suo
20] genere occisus est, o Uibh Tuirtre.

LC1015.4

Muircertach
21] .H. Lorcáin, aircinnech Lotra, dhéc.

LC1015.5

Aodh .H. Ruairc,
22] rí Breffne, do marbad la Tadhc an Eich Ghil mac
23] Cathail, rí Connacht, dolóse .i. ag Loch Neill a Mad
24] Oi, do fhoessam na bachla Iossa, conid edh o sin tallad
25] righe ar a claind, chenmothá Oedh amháin.

p.16

Annal LC1016

LC1016.0


1] Kl. Enair i.f; L. xuiii.; se bliadna dhec &
2] mile ais in Tigerna.

LC1016.1

Mac Líag, ard-ollam Erenn,
3] mortuus est.

LC1016.2

Cath edir Ulltoib is Dál Araidhe, gur
4] mhuigh for Dal n-Araidhe ; do fuit ann Domnall .H.
5] Loingsigh, rí Dál n-Araidhe, & Niall mac Duibh Thuinne,
6] & Conchobar .H. Domnallain, rí .H. Tuirtri.

LC1016.3


7] Niall mac Eochada, & Coscrach mac Muireghaig
8] mic Flainn, rí Fera Maighe h-Itha, a suis occisi sunt.

LC1016.4


9] Donn Cuan mac Dúnlaing, rí Laighen, & Tadhc .H.
10] Riain, rí .H. n-Drona, do mharbad lá Donnchad mac
11] Gilla Patraic for lár Leithghlinne.

LC1016.5

Dún Lethghlaissi
12] do uile loscad.

LC1016.6

Cluain Ferta & Cenantus do
13] loscad.

LC1016.7

Airbertac mac Coisi Dóbhrán, airchinnech Rois
14] Ailitreach, do eg.

LC1016.8

Síth an Erinn.

Annal LC1017

LC1017.0


15] Kl. Enair iii.f.; L. xxuiii.; seacht mbliadna
16] dhéc & mile ais in Tigerna.

LC1017.1

Aonghus mac Cairre
17] chalma, ridhamna Temrach, mortuus est.

LC1017.2

Fergal mac
18] Domnaill mic Conchobair, rídhamna Ailig, do mharbhadh
19] o Cénel Eogain féin.

LC1017.3

Flann .H. Beice, ri .H. Méth,
20] a suis occisus est.

LC1017.4

Cormac .H. Lorcáin, rí h-I nEchach,
21] do marbhadh o Uíbh Trena.

LC1017.5

Donnchad mac Donnchada
22] h-I Conghalaigh, rídhamna Erenn, a suis occisus est.

LC1017.6

Muiredach .H. Duibheoin, rí .H. mic Cuais Bregh, do
23] mharbhad la Flaithbertach .H. Neill.

LC1017.7

Ar Gall &
24] Laigen imm Odhbha la Maeil Seclain.

LC1017.8

Oengus mac
25] Flainn, airchinnech Lainne Léire; Cormac .H. Maoil
26] Midhe, airchinnech Dromma Ráithi, mortui sunt.

LC1017.9

Gilla
27] Coluim mac Muiredhaigh .H. Mail Trea, & Oedh .H.
28] h-Eradháin, rí H. m-Bressail Macha, mortui sunt.

LC1017.10

Gilla Crist .H. Lorcain, tigerna Caille Fallamain, do
29] marbad a Cenantus.

p.18

Annal LC1018

LC1018.0


1] Kl.. Enair iiii. f.; L. x.; ocht mbliadna dhéc &
2] mile ais in Tigerna.

LC1018.1

Broen mac Moel Mhórdha, rí
3] Laigen, do dhalladh i n-Ath Cliath la Sitreac mac
4] Amhlaibh.

LC1018.2

Moelan mac Eicnigh .H. Lorcain, rí Gaileng
5] & Tuath Luighne uile, do marbad do Saithnibh.

LC1018.3

Slóigedh
6] la Cénel Eogain go Cill Fábhric, gur marbhsat droing
7] mhóir, & co b-fharguibhsat Gilla Crist mac Conaing
8] mic Conghalaig, muire Cloinne Sinaich.

LC1018.4

Domhnall .H.
9] Coeindelbhain, ri Loeghaire, & Caismhidhe .i. rechtaire
10] Moeil t-Seclain, do marbad la Fira Ceall & Ele
11] tairsiugh creiche.

LC1018.5

In rétla mhongach do athrugad in
12] hoc anno, fria re coeicidhis, in aimsir fhoghmhair.

Annal LC1019

LC1019.0


13] Kl. Enair u. f.; L. xxi.; nói mbliadna dhéc &
14] mile ais in Tigerna.

LC1019.1

Ailén mac Oisséin, rí Mughorn,
15] & Oissein .H. Cathusaigh tigerna Saithne, do marbad
16] la Gailengaib.

LC1019.2

Cill Dara uile do loscad do thenedh
17] dhaith.

LC1019.3

Domnall mac Mail t-Seclainn, comarba Finnen
18] & Mo Cholmóg, in Cristo quieuit.

LC1019.4

Ardghar & Archú,
19] meic Máil t-Sechlainn mic Moel Ruanaigh, da righdhamhna
20] Oiligh, a suis occisi sunt.

LC1019.5

Mathghamain mac Conaing
21] mic Duinn Cuan, ridhamhna Muman, do ég.

LC1019.6

Flaithbertach
22] H. Neill do theacht a tír Conaill, gur ro ort
23] Tír nEnna & Tír Lúghdech.

LC1019.7

Ruaidri .H. h-Aillellain,
24] ri .H. n-Echach, do marbadhla Fira Fernmaidhe.
25] Ro marbadh, imorro, dhá mac Cinnédich .i. Conghalach
26] & Gilla Muire, iná dhighuil fó cédóir.

LC1019.8

Erghe do
27] tabairt do Uíbh Caisséin do Donnchad mac Briain
28] gur ro tercad a bhos des de.

LC1019.9

Damhliag Dermuighe do
29] brissedh la Muircertach .H. Carraigh for Moel Mhuaidh,

p.20


1] rí b-Fer Cell, & a thabairt ass ar éigin, & a
2] marbadh iarum.

Annal LC1020

LC1020.0


3] Kl. Enair .ui. f.; L. ii.; fiche bliadna ar mile ais
4] in Tigerna.

LC1020.1

Ceall Dara cona derthighibh do loscad.

LC1020.2


5] Glionn Da Locha cona dherthoighibh do loscad.

LC1020.3

Cluain
6] Iraird & Cluain Mic Nóis, & Sord Coluim Cille,
7] tertia parte crematae sunt.

LC1020.4

Flaithbertach .H. h-Eochada
8] do dhalladh la Niall mac Eochada.

LC1020.5

Gilla Cíarain mac
9] Oiseine, rí Mughdhorna fri ré oen-laoi, do marbhadh la .H.
10] Mic Cuais Bregh.

LC1020.6

Ard Macha uile co léir do loscad .i.
11] in damhliag mór cona thuighe do luaidhe, & an cloigtech
12] cona chlogaib, & an Sabhall, & an Toai, & Carbad
13] na n-Abadh, & an t-shen-chathair prociuptu st- a teirt
14] Kl. Iuin, an luan ria Cingcis.

LC1020.7

Moel Muire mac
15] Eochada, comarba Patraic, cend cleirech iarthair
16] Eorpa uile, in .xx. anno principatus sui, i teirt noin
17] Iúin, dia h-oeine ria Cingcís, in Cristo quieuit.

LC1020.8

Amalgadh
18] a g-comfhorbus Patraic, do reir thuaithi & eglaise.

LC1020.9

Finnlaoch mac Ruaidri, ri Alban, a suis occisus est.

LC1020.10

Oedh .H. h-Innrechtaigh, rí .H. Méth, do marbhadh do Uíbh
19] Nialláin.

Annal LC1021

LC1021.0


20] Kl. Enair .i. f.; L. xiii.; bliadain ar fichit ar mile
21] ais in Tigerna.

LC1021.1

Maidhm ría n-Ughaire mac Dúnlaing,
22] rí Laigen, for Sitrioc mac Amhlaibh, rí Atha Clíath ocon
23] Deilgne Mo Ghoróg.

LC1021.2

Frois cruithnechta do ferthain in
24] Ossraighibh in hoc anno.

LC1021.3

Creach la mac Oedha h-I Neill
25] dar Uíbh Dorthainn. Badar a Muigh Atechta, & ro
26] marbhsat in Lethderg icon tairrecht, conidh tairthedar

p.22


1] .H. Méth, & Mughorna, & na Saithne, & Fir
2] Fernmaide, & .H. Dorthonn, cona ríghuibh. Ro bhói dna
3] H. Celechain & .H. Lorcain, co n-Uibh m-Breassail,
4] & co n-Uíbh Nialláin, ar a g-cinn a n-Oenach Macha, co
5] comrangadar uile uime, co ruc mac Oedha a ghabháil
6] tairrsibh uile, & ni raibhe acht dá .xx dhéc óglaech,
7] & do-cer sochaide etorra ar lár Aird Macha;
8] sic in libro Duibh Dhá Leithe.

LC1021.4

Branacan .H. Moel Uidhir,
9] airre Midhe, do mharbadh dia belltaine i l-Loch Ainninn.

LC1021.5

Aodh mac Floinn mic Mail t-Sheclainn, rídhamhna Temrach,
10] & Domnall .H. Murchada, occisi sunt.

Annal LC1022

LC1022.0


11] Kl. Enair .ii. f.; L. xxiiii.; dhá bliadain ar xx ar
12] mile ais in Tigerna.

LC1022.1

Mac Cerbhaill, rí Eli, &
13] Domnall .H. Cellaig, rí Fothart, & Sitrec mac
14] Imhair, ri Puirt Lairge, occisi sunt.

LC1022.2

Mac Leighinn
15] mac Cairill, rí Oirghiall, & Flann .H. Tadhcáin,
16] airchinnech Dermaide & Lachtnán comarba Innsi
17] Cain Dega, in Cristo dormierunt; in Ard Macha ad-bath.

LC1022.3

Moeil Sechlainn Mór mac Domnaill, airdrígh Erenn,
18] tuir orduin & oirechuis iarthair dhomuin, do ég is in
19] tress bliadain .xt. regni sui, is in tres bliadain .lxx.
20] aetatis suae, in .iiii. a nonas Septembris, die uidelicet
21] dominico, secunda lúnae.

LC1022.4

Murchomrac forsan bh-fairrge etir Gulla Atha Cliath
22] & Niall mac Eochada, rí Ulad, gur ro mhuigh for na
23] Gallaib, & gur láadh a n-derg-ár, & gur ro doerta

p.24


1] aroile dhíbh archena.

LC1022.5

Muircertach .H. Carra, rídhamna
2] Temhrach, do mharbad on ghuth .i. la Moeil Seclainn.

LC1022.6

Maidhm a Sleíbh Fuaid for Airghialla, la Niall mac
3] Eochada, gur cuiredh derg-ar Oirghiall ann. Mathghamain
4] mac Laighnén, rí Fernmaide, do marbadh do Chathal
5] .H. Críchán for lár Cluana Eoais.

Annal LC1023

LC1023.0


6] Kl. Enáir .iii. f.; L. .ii.; tri bliadna .xx. ar mile
7] ais in Tigerna. Ercra i .xiiii. ergai Ienáir, .iiii. id
8] Enáir, dia Dardaoin; ercra gréine, imorro, i .xxuii.
9] an éscai cedna, dia Dardaoin, cinn coeicidhis, i nói Kl^l^.
10] Febhra.

1023.1

Domnall mac Oedha Big h-Í Máil t-Seclainn
11] do mharbhad o mac Senán .H. Leocán.

1023.2

Donnchad .H.
12] Duinn, rí Bregh, do gabháil do Gallaib ina n-airecht
13] féin, & a breith tar muir.

1023.3

Lochlainn mac Mail Seclainn
14] do marbad a suis.

1023.4

Tadhc mac Briain do
15] marbad o Eilibh.

1023.5

Conchobar .H. Carra do marbad
16] lasna Guta.

1023.6

Leobhailin, ri Breattan, do ég.

1023.7

Oenrec,
17] ri an domain, do éc in pace; dar a éissi ro ghabh
18] righe an domain .i. Cuana.

1023.8

Domnall .H. h-Egra, rí
19] Luighne Connacht, do marbadh lá .H. Concobair .i. rí
20] Connacht.

Annal LC1024

LC1024.0


21] Kll; Enair .iiii. f.; L. xui.; ceitri bliadna xx. ar
22] mile ais in Tigerna.

LC1024.1

Ugaire mac Dunlaing, rí Laigen,
23] & Moel Mordha mac Lorcáin, rí .H. Cinnselaigh; teach
24] do ghabháil forra ag Dubhloch la Donn Sleibhe mac Maol
25] Mórdha, ri .H. b-Faoláin, & a tuitim ann.

LC1024.2

Donnsléibe
26] fein do marbhadh go gar iarsin la h-Ibh Muireghaigh.

LC1024.3

Cath Atha na Croissi a Corann, edir .H. Moel Doraidh .i.
27] rí Ceneoill Conaill, & .H. Ruairc, gur ro mhuigh for

p.26


1] .H. Ruairc, gur ro láadh derg ár Fer m-Breiffne
2] & Connacht la Cenel Conaill.

LC1024.4

Cúan .H. Lócháin .i.
3] prímh-éigess Erenn, do mharbadh lá Tethfa. Do-ríghne
4] Dia firt filedh co follus ar an lucht ro mharbh, óir ro
5] bássaiged a n-droch-oighed iad, & ni ro h-adhnuiced a
6] cuirp gur fhoghuil foeil & foluámain íad.

LC1024.5

Domnall
7] mac Aodha, rídhamhna Oiligh, do marbhadh do Gilla Mhúgra
8] mac Ógáin.

LC1024.6

Maol Dúin .H. Concaille, rí .H. Níalláin, do
9] marbad do Uíbh Dorthaind.

LC1024.7

Moel Ruanaidh .H. Ciardha
10] .i. rí Cairpri, a suis occisus est.

LC1024.8

Crech la mac h-I
11] Neill, gur ro ort .H. Méth & .H. Dorthainn.

Annal LC1025

LC1025.0


12] Kl. Enáir .ui. f.; L. ii.; coic bliadna .xx. ar
13] mile ais in Tigerna.

LC1025.1

Muiredhach mac Mugróin,
14] comarba Ciaráin; Maoil Eoin .H. Toráin, comarba
15] Doire, dormierunt.

LC1025.2

Niall .H. Conchobair, ridhamhna
16] Connacht; Geir Gaola, rí Bregh, occisi sunt.

LC1025.3

Moeil
17] Secluinn Got, rí Mídhe, do éc.

LC1025.4

Sloiged la Flaithbertach
18] .H. Néill a m-Breaghaib & a n-Gallaibh, co tuc gialla
19] Goeideal ó Gallaibh.

LC1025.5

Creach la Cathalán, rí Fernmaide,
20] for Feruibh Manach.

LC1025.6

Creach la Fira Manach fó cédóir
21] co Loch n-Uaithne, gur ro loiscset, & gur ro marbhsat
22] .uii. b-fhir dhég for brú an locha.

LC1025.7

Termonn Feichín do
23] argain do Cathalán .H. Críchán.

Annal LC1026

LC1026.0


24] Kl. Enair .uii. f.; L. xui.; sé bliadna. xx. ar mile
25] ais in Tigerna.

LC1026.1

Sloiged la mac Briain a Midhe, &
26] a m-Breaghaib, go Gollaib & go Laighnib, & go

p.28


1] hOssraigib, go ruc a ngialla.

LC1026.2

Slóigedh la Flaitbertach
2] .H. Neill a Midhe, go tuc a ngialla, & go n-deachaid
3] for leic oigridh a n-Inis Mochta, gur ro indir an inis.

LC1026.3


4] Slóighed la mac Eochada isin úair cedna go Gullaib,
5] gur ro loisc, & co tuc broid mor uaidibh, & seoda
6] dírimhé.

LC1026.4

Moel Ruanaidh .H. Maol Doraidh do dhul ina
7] ailitri.

LC1026.5

Aimergin .H. Mórdha, rí Laighsi, interfectus
8] est.

LC1026.6

Feall la Domnall .H. Cellaigh for Muiredhach
9] .H. Céle, gur ro mharbh ina aireacht feisin.

Annal LC1027

LC1027.0


10] Kl. Enair i.f.;L. xx.; seacht m-bliadna .xx. ar mile
11] ais in Tigerna.

LC1027.1

Ruaidri mac Foghartaigh, rí Deiscert
12] Bregh, do ég i n-ailitri.

LC1027.2

Tadhc mac Gilla Patraig do
13] dalladh lá rí Ossraighe .i. Donnchad mac Gilla Padraig.

LC1027.3

Slóighedh la mac Briain an Orsraighibh, gur ro lásat Ossraighe
14] ár a muinnteri im Dógra mac n-Dunchada, & im
15] Domnall mac Sencháin, & im sochaide mhóir airchena.

LC1027.4

Cathalán .H. Criochán, rí Fernmaide, & Cú Locha .H.
16] Gairbhéith, rí .H. Méith, do comthuitim le 'roile a n-irghail.

LC1027.5

Crech la Cénel n-Eogain a n-Ulltoib, co tucsat bóroma mhóir
17] leó.

LC1027.6

Dún Cuillind a n-Albain do uile loscad in hoc anno.

Annal LC1028

LC1028.0


18] Kl. Enair .ii. f.; L. i.; ocht mbliadna xx. ar mile
19] ais in Tigerna.

LC1028.1

Tadhc mac Echach, airchinnech Cill
20] Dá Lúa; Brían .H. Conchobhair, & Cornán .H. Ruairc,
21] & Flaithbertach .H. h-Eradháin, & Conchobhar mac
22] Eochada, occisi sunt.

LC1028.2

Moel Mochta, rí b-Fer Rois, o
23] Conaillib occisus est.

LC1028.3

Orgain Daimliag la Fira
24] Manach.

LC1028.4

Mac Concuailgne, rí h-í nEchach, do éc.

LC1028.5


25] Sitreac mac Amhlaibh rí Gall, & Flannágan .H.

p.30


1] Cellaigh, rí Bregh, do dhul do Róimh.

LC1028.6

Crech lá Cénel
2] Eogain a tír Conaill, co tucsat gabhála mora leó.

Annal LC1029

LC1029.0


3] Kl. Enáir iiii. f.; L. xii.; noi mbliadna .xx. ar mile
4] ais in Tigerna.

LC1029.1

Donnsleibhe .H. Brogarbháin, rí .H.
5] b-Failge, a suis occisus est.

LC1029.2

Donnchad .H. Donnacán,
6] hí Fernmaide, & mac h-I Geirrce, rí Conaille, do
7] comtuitim a Cill Sleibhe.

LC1029.3

Brian .H. Conchobair,
8] rídhamna Connacht, a suis occisus est.

LC1029.4

Oedh .H.
9] Ruairc & Oenghus .H. h-Aonghusa, & airchinnech
10] Droma Cliabh, & tri fichit duine eli do loscad
11] maille friu, a n-Indis na Lainne.

LC1029.5

Muircertach .H.
12] Canannán, no .H. Maol Doraidh, do marbad do Uibh
13] Canannán.

LC1029.6

Amhlaib mac Sitrec, rí Gall, do erghabháil
14] do Mathghamhain .H. Riagháin, rí Breagh, go b-fhargaibh dha
15] ced dhég bo, & .ui. xx. eoch m-bretnach, & tri
16] xx uinge do ór, & cloidhem Carlusa, & aitire
17] Gaoidel edir Laighnib & Leth Cuinn, & tri fichit
18] uincce d' airged ghil ina h-uinge gheimhlidhe.

LC1029.7

Maol Coluim
19] mac Mail Bríghde, mic Ruaidri, & Maol Brighde .H.
20] Brolchán, prímh-t-shaor Erenn na aimsir, mortui sunt.

Annal LC1030

LC1030.0


21] Kl. Enair .u. f.; L. .xxiii.; trícha bliadna ar mile ais
22] in Tigerna.

LC1030.1

Flaithbertach do teacht o Roimh.

LC1030.2

Ard
23] m-Breacáin do loscad & d' argain do Gallaibh Atha
24] Cliath, & da ced duine do loscad isin daimhliag, &
25] da ced eli do breith a m-broid.

LC1030.3

Cill Dara do loscad
26] tre an b-fhaitchess mná.

LC1030.4

Sloiged la mac Eochada co

p.32


1] Telaigh n-Oc, & nocha d-tárraigh ní.

LC1030.5

Eochaidh .H.
2] Cethenén, comarba Tigernaigh, árd-shoí Erenn a n-egna,
3] a n-Ard Macha quieuit.

LC1030.6

Tadhc an Eich Ghil mac Cathail
4] mic Conchobair, .i. airdrigh Connacht, & an Got, ri
5] Midhe, occisi sunt.

LC1030.7

Ruaidri .H. Canannan do marbad la
6] h-Oedh Ua Néill.

LC1030.8

Tadhc .H. Lorcáin, rí .H. Cennselaigh,
7] do ég ina ailitri a n-Glinn Da Lacha.

LC1030.9

Cú Mhara mac Mic
8] Liag, ard-ollam Erenn, do dhul d' éc.

Annal LC1031

LC1031.0


9] Kl. Enair.ui. f.; L. iiii.; bliadain ar trícha & mile
10] ais in Tigerna.

LC1031.1

Oedh .H. Neill do thocht sluagh mór
11] a timchell mic Eochada soir, co tuc tri mhíle do bhuaibh,
12] & dá ced ar mhíle do bhroid.

LC1031.2

Sloiged la mac Eochada
13] a n-Ibh Echach, gur ro loiscset Cill Combair cona
14] derthoigh, & gur ro marb cethrar do cleirchaib, &
15] go ruc tricha do broid.

LC1031.3

Sloiged la mac Briain a n-Ossraighib,
16] gur ro ládh ár a mhuinntire im Maol Coluim
17] Caonraigech, et alii multi.

LC1031.4

Cadhusach, comarba
18] Caoimghin, do dhallad la Domnall mac Dunlaing.

LC1031.5


19] Creach in t-sneachta la h-Oed Ua Neill a tír
20] Conaill, gur ro mharbh .H. Canannán, ri Cineoil Conaill.

LC1031.6

O Donnacán, rí Aradh Thíre, do marbadh la .H. m-Briain
21] .i. Toirrdhelbach.

Annal LC1032

LC1032.0


22] Kl. Enair .uii. f.; L. xu.; dhá bliadain .xxx. & mile
23] ais in Tigerna.

LC1032.1

Mathgamhain .H. Riaghain, ri Breagh,
24] do marbad do Domnall .H. Ceallaigh, per dolum.

LC1032.2

Gilla
25] Comgháin mac Maol Bríghde, mormháor Muirebe, do
26] loscad co coecait do dhoeinbh imme.

LC1032.3

Domhnall .H.
27] Maol Doraidh, ri Ceneoil Conaill, d' fhagbhail bháis an
28] bliadain-sin.

LC1032.4

Mac Mathghamhna mic Muireghaigh, ri
29] Ciarraighe, & Donnghal mac Duinn Cothaig, rí

p.34


1] Gaileng, occisi sunt.

LC1032.5

Ettrú .H. Conaing, ridhamna
2] Muman, occisus est o mhuinnter Imlecha.

LC1032.6

Maidhm
3] Dromma Bendchair for Ulltaib ria n-Airghialla.

LC1032.7

Maidhm inber Bóinne ria Sitrec mac Amhlaibh, for
4] Conaillibh, & for Uíbh Dorthuinn, & for Uíbh Méith,
5] in ro ládh innár.

LC1032.8

Moel Tuile, espog Aird Macha, in
6] Cristo quieuit.

LC1032.9

Aodh .H. Furreidh do ghabháil na
7] h-espocóide iarsin.

Annal LC1033

LC1033.0


8] Kl. Enáir .ii. f.; L. xx.ui.; tri bliadna trícha
9] ar mhíle aís in Tigerna.

LC1033.1

Maidhm ria Murchad .H.
10] Mail t-Seclainn for Concobar .H. Máil Seclainn, gur rus-marbad
11] Maol Ruanaid Ua Carra Calma, & Lorcán
12] .H. Caoindelbháin, ri Loeghuire, et alii multi.

LC1033.2

Concobar
13] .H. Muireghaigh, rí Ciarraighe, occisus est.

LC1033.3

Aonach
14] Carman la Donnchad mac Gilla Padraig, iar n-gabháil
15] righe Laighen dó.

LC1033.4

Aimergin .H. Cerbhaill, ri Eli, &
16] Cu Mhuman mac Ruaidri h-I Cedfadha, mortui sunt.

LC1033.5

Maidhm lé h-Ele, i torcradar Braon h-Ua Cleirigh, &
17] Muiredach mac mic Gilla Padraig, et alii multi.

LC1033.6

Scrín
18] Pedair & Póil ag tepersin fhola for altóir Padraic
19] i n-Ard Macha, coram omnibus uidentibus.

LC1033.7

Oedh mac
20] Flaithbhertaigh h-I Neill, rí Oiligh, & ridhamna Erenn,
21] post penitentiam mortuus est, oidhche fhéle Aindrias.

LC1033.8

Aodh O Neill mortuus est.