Kalendas. Constantinus filius Constantii & Helenae concubinae in Britania creatus imperator, regnauit annis .xxx. Hic elifantino arreptus est morbo. Magi consilium dederunt ei ut in therma sanguine infantium .iii. c. innocentium plen(a) calide lauaret. Cumque id factum decreuísset, matrum luctú rex misertus est et ait: Non faciam hoc licet sim leprosús perpetuo. Sequente nocte Petrus & Paulus apparuerunt ei dicentes : Uoca sanctum Siluestrem papam & ostendet tibi thermam salútis. Quo facto post ieiunium babtizatus manum de caelo uidit sibi mísam in hora babtismí tangentem, ac subito sa(nus) {folio 8c}abiacta lepra factus est rex. Post hoc dedit licentiam Christianis congregatis in toto orbe terrarum. Igitur de persecutore Christianus (e)fficitur. Et hic congregauit .ccc.x. & octo episcoporum in Neceano urbe ad damnationem Arria(n)ae heressis & ad probandam fidem aeclesiae (&) fecit duas capsas de aere puro (cir)ca corpora apostolorum Petri & Pauli.