Corpus of Electronic Texts Edition
Annals of Inisfallen, Pre-Patrician Section (Author: unknown)

entry 35

Kalendas. Meicc Miled do gabail h-Erenn. (Míl) macc Bile a n-athair. Cethri me(icc Miled), .i. Ir ocus h-Eber & h-Erimon & Dond, & [gap: extent: illegible for rest of line] in cúiced. Iss ed tra dorímther i n-Gabail h-Erend: is dia secht m-bliadan .xx. iar n-ec [gap: extent: illegible for rest of line]ech meicc Iardonala co tancatar meic(c) Míled Espain meicc Bili meicc Brige (mc.) Némi m. Dáthó m. Bregaint m. Brat(h)a a Scíthia &rl. usque ad Adam. Docomlai iar(um) Míl m. Bili a Scithia for longais iar n-guin Refláir m. Némí oc cosnam flaithemnachta, cethri bárca ar muirchoblach, cóic lánamna déac cecha bárce & amus {folio 2a}(forcr)aid cen mnui. Ansai(t tri mis i n)Inse Deprofáne. Tri mis aile (for fairge) co ráncatar co Forand rig n-E(gi)pt foroegeglaind i suidiu. (Ansait) .uiii. m-bliadna la Forand i n-Egept [gap: extent: illegible for rest of line] araillset a n-ildana & a n-ilgnima. Luid Scotta ingen Foraind co Mil mc. (m-)Bile isind ochtmad


p.6

bliadain. Badte Forand iar sein cona shluag i m-Muir Romuir. O ro-fitir cona muintir in sein, docomlaiset for muir a l-lín cetna ocus Scotta ingen Foraind leis co n-gabsat tir i n-Inis Deprofáne. Ansat tra mís inti. Imraiset iarum timchell Scithia co inbiur Mara Caisp. Gabsait tost teora nomad for Muir Chaisp fri (n)dord na muirmurand conda tes(airg) Caicher drui. Raiset iarum (sech rin)d Slebe Rifi antuaid co (n-gabsat) i n-Dacia. Ansait mis (and. As-bert Cai)cher drui friusom: Co (risam Erind ni) anfam de. Rois(et iarum) sech Gothiam & sech Germain do Bregaint co n-gabsat Espain. Ba folumsidi fora cind. Ansait i suidiu .xxx. bliadan ina attreib, & is do shuidiu ro ainmnigedsom, .i. Míl Espane, & is and ro genatar dá macc Míled, .i. h-Erimon & Ír; ; & it h-e in da shóssar. In dá shinser immurgu, .i. Dond & h-Eber. Tair rogenatarside, .i. Dond isin Scithia & h-Eber i n-Egept. Dosfanic tám oenlaithi i n-Espain conda apdatar dá lánamain déc díb ima tri rigu, .i. Míl & Uice & Occe. Docomlaisset iarum ocht lanamna .xl. & cethri amuis la maccu Míled & la Scoit ingin Foraind forsin fairce dochum {folio 2b}n-Érend. Dosforbart ainbthine mór & scarais (in) m-bairc i r-rabi Dond [gap: extent: rest of line], & batar-side lucht a barc(e ocna Du)machaib isind arrci tiar d(ia n-apar) Tech Duind. Rannsatar iar (sain Meicc Miled h-)Erind ettarru amal (as-bert) [gap: extent: rest of line] na senchaide.