Corpus of Electronic Texts Edition
Annals of Tigernach (Author: [unknown])

Annal T1130

T1130.0

Kl. enair for cétain & .xuiii. fuirre.

T1130.1

Cross-sluaiged la Tairrdelbach h-Úa Concobair la rig Erenn a nn-descert Erenn & ana tuaiscert, co rancatar Toraig, co tucsad


p.53

bái & bruid moir léo, & ro airgsed didiu an loínges teas Dairbriu & Inis Moir, & tucsad bruid léo.

T1130.2

Cú Aifne h-Úa Concobair Failge do eg.

T1130.3

Diarmuid h-Úa Fallomain, taissech Clainde h-Uadach mortuus est.

T1130.4

Seóit Cluana Maic Nois do foillsechadh ar Gallaib Luimnigh iarna n-gaid do Gilla Comgan, & ro crochadh h-é ac Dun Cluana h-Ichtair iarna thidhnacol o Choncobar o Bríain o rig Muman. Ro sir tra an fer-sa Corcach & Les Mór & Port Lairge do dul tar muir soir. In long a faghbadh ínadh ni faghadh-sen gáeth, & ro gebdis na longa aile na bidh-son, uaír do fhastódh Ciaran an long ana triallad-som dul, & do-rad-som a cuibidil fria m-bass annsin, conadh eadh d' fhaicedh Ciaran cona bachaill ic fastadh cacha luíngi ina triallad-som dul. Ro marbastair tra an Coimdhiu & naem-Chiaran an fer-sin.

T1130.5

Maidm Craibe Treithin la Tigernan h-Úa Ruairc for Airrther


p.54

Midhi, du a-torchair Diarmuid h-Úa MaelSéchlainn, rí Airrthir Midhi, & Aengus h-Úa Caendelban rí Laegaire, & Cochall Fliuch mac Maic Sen{folio 21b2}ain, rí Gaileng, et alíí multí.

Annal T1131

T1131.0

Kl. enair for dardain, & .xxíx. fuirre.

T1131.1

Longes la h-Úa Conchobair co R(oss) n-Ailithri, co rancatar c[...] Desmuman & co ro índirsed co mor h-í.

T1131.2

Debaidh etír marc-(sh)luagh Condacht & marc-sluagh Muman, dú a torchair Aedh mac Con Con(n)acht h-Úa Conchobair & O Carrthaigh ollam Con(n)acht, et alíí.

T1131.3

Comluighe do tabairt etir Leith Cuind & Leth Mogha taidhecht a Connachtaib a n-aenfecht. Tancatar didiu Tuaiscert n-Erenn tar Eas Ruaidh .uii. catha co Coirrshliab & co Seghais. Ro thinoil rí Erenn Sil Muredhaigh dia saighidh, cor' cuirsed h-Úi Beicc fian glaslaíth isin Segais dia frithaileam, co tardsad amus forru, cor' bo maidm do Chonall & d' Eóghan & don t-sluagh uile acht cath Ulad do-cúaidh tresin caill ar tus, co tucad ár forro imon n-Garbanach h-Ua mBaigill & am Chond h-Ua Mael Gáithe et alii. & co fargsad a n-eocho & n-airm & a n-édach. Tuc didiu ossadh m-becc an aidchi-sin, co n-dernsad sith re Sil Muiredhaigh, conna tiucbadis a Condachtaib co brath aris a sochraide Leithe Mogha. Do ordaigh didiu Tairrdelbach


p.55

h-Ua Conchobair do lucht an túaisceirt amal no raghdais dia taig .i. Conaill & Eogain tar Eas Rúaidh im mac Maic Lochlainn, & drem do mathaib Connacht dia n-idhnacol, & Ulaid & lucht airrthir tuaisceirt Erenn ar connmedh a Muigh Ái tri la & .iíí. h-aidche co n-dechas da n-idhnacol co h-Ath Fir Dhíadh do eneach Connacht. Co comranic eturro & Tigernan h-Úa Ruairc ríg h-Úa m-Briuin & Conmaicne a Muigh Conaille iar tabairt creiche do a h-Ulltaib da n-essi. Maidhidh for Ulltaib & for Airgiallaib, cor' marbad and Ua h-Eochadha, rí Ulad, & ó Crícháin ri Fernmuige & a mac & O h-Innrechtaig, rí O Méith, et ailíí.


p.56

T1131.4

Concobur Ua Briain do bualadh do Gilla Padraig h-Ua Londgargan .i. fer gradha dófein & a marbad fein ind.

T1131.5

Leth Mogha immorro, tancatar-sen co Tuadhmumain, cor' tinsolat Connachta do tabairt catha doib; acht ni ro légset Tuadhmuma doib. Arai sen tra ro ben cath Iarrthair Condacht fri cath Iarmuman & Cellachain maic mec Carrtaigh, cor' blosc cath Cellachain isin abaind ar teiced, & cor' báidhedh, & cor' marbad co mor, & co n-dechatar gan tsith dia tigh.

Stokes changes the order of entries 4 and 5; the MS order has been restored here.

Annal T1132

T1132.0

Kl. enair fo aine & dechmadh uathadh fuirre. Bisextilis annus.

T1132.1

Mor-choblach la Tairrdelbach h-Ua Concobair, la ríg n-Erenn, for Loch n-Dergderc do innrudh Muman, co n-derna crecha ímda a Mumain & cor' fasaig co mór.


p.57

T1132.2

Sluaiged la Tairrdelbach h-Ua Concobair i m-Mumain, cor' airg & cor' mill Cromadh & do-chuaidh tarais isin Midhe, co tard righi Mide do Murchertach h-Úu Mael Sechlainn, & co tard rige & giallu lais.

T1132.3

Crech la Concobar h-Úa m-Briain a Máenmuigh, cor' airg Cill m-Bían & co ruc bu imda.

T1132.4

IMpodh do Tuadhmumain & do h-Úib Briuin & do Chonmaicnib ar Ua Conchobair.

T1132.5

Fuabairt Atha Luain la Concobar h-Ua m-Briain & la Conmaicnib & la Firu Midhi: tri catha Gaeidilech & grinde Gall do indrudh Connacht, & ni ro léced tairis iat.

T1132.6

Caislén Gaillme do muradh la coblach Fer Muman. Lochlaind h-Ua Lochlaind do marbad doib isin ló cétna. Flaithbertach h-Ua Flaithbertaigh ba taisech an coblaigh.

T1132.7

Athfuabairt Atha luain lasin lucht cétna, acht nochor' foghain doib.

T1132.8

Loscadh Indsi Buinde m-Beithe la Muimnechaib.

T1132.9

Conchobur h-Úa Flaithbertaigh & da h-Ua Mugroin do marbad la sluagh Muman.

T1132.10

Crech-sluaiged la Tairrdelbach h-Úa Conchobair a n-Ib Farga.


p.58

T1132.11

Diarmait mac Maic Eidinén, taissech Clainne Diarmuda mortuus est.

Annal T1133

T1133.0

Kl. enair for domnach .xx.i. fuirre.

T1133.1

Flaithbertach h-Úa Flaithbertaigh do marbad do mac Lochlaind a n-dighail a athar.

T1133.2

Mor-sluaiged la Leith Mogha ule im Cormmac mac maic Carrthaig & im Concobar h-Úa Mael Sechlainn a Condachtaib, cor' marbad leo mac Maic Cathail h-Úi Concobair & Gilla na Naem h-Úa Flaind, taisech Sil Mail Ruáin{folio 22a1} & cor' loisc Dun Mughdorn & Dun Mór, & do impósat gan geill cen t-sith dia tigh.

T1133.3

Righ-rechtaire Erenn .i. Gilla na Naem Ó Birnn, taisech Tiri Bríuin, mortuus est, & a adhnocol a tempoll Rosso Coman.

T1133.4

Da mac Con Condacht h-Úi Chonchobair do badhudh for Loch Rí.

T1133.5

Maidm re Feraib Teftha for Sil Muiredhaigh, dú a-torchair Amlaim mac Airechtaigh h-Úi Radhuib, taisech Clainde Tomaltaig, & Raduban Mac ín Lestair Í Aínlighi.


p.59

T1133.6

Conchobar mac Murcadha h-Úi Mael Sechlainn, rígdamna Midhe, do marbadh do Donncadh mac Gilla Mo Colmoc & do Gallaib.

T1133.7

Mac Gilla Mo Colmóc do marbad do Midheachaib.

T1133.8

Lusca do loscad uile cona templaib do Donnchad mac Murchada h-Úi Mael Sechlainn.


p.150

Annal T1134

T1134.0

Kl. enair for luan & .íí. uathaid fuirri.

T1134.1

Mac Mec Cathail I Chonchobair do marbad le h-Úa n-Egra.

T1134.2

Coisergadh tempaill Cormaic a Caisil le mathaib Erenn, laechaib cleirchib.

T1134.3

Sith do denom o Leth Mogha re Connachtaib iarna cuindchidh o Muiredach O Dubthaigh .i. uasal-espoc na h-Erenn & do mac óghi da comurba Iarlaithe .i. Aedh h-Úa h-Oisin.

T1134.4

Cith cloich-shnechta do ferthain im Caisil na Ríg & a Muig Femin. Uball a m-biad mír duine samail gach cloiche & si trebennach, cor' bo snam dona h-eachaib ar margadh Chaissil & a


p.151

fantaib in muighe archena in la thancatar cleirigh Connacht uaidhib fo dimdhaidh. Cith aile fon cuma cétna o Mungairid co Luimnech, cor' bris gach oirbi i tarla tend co talmuin.

T1134.5

Cocadh mór do fhass i l-Leth Mogha uile tre easgaine cleireach Erenn & Connacht, cor' cuired da cath eaturro .i. cath la h-Osraige ar Mac Murchada & ar Ib Cendsilaig, du inar' marbadh Ugaire h-Úa Tuathail. Cath ele la Mac Murchada co n-Uib Cendsilaig & co n-Gallaib Atha Clíath for Conchobar h-Úa m-Briain & for Osraige & for Gallaib Puirt Lairge, du 'nar' marbad moran & inar' cuired ár mór forro im mac Gilla Muire maic Gilla Guit & im mathaib Puirt Lairge & im mathaib Osraige & im Gilla Caemgen h-Úa Cendétigh do gabadh and.

T1134.6

Ár mor la Deasmumain for Dal Cais im Donncadh mac Maic Murchada h-Úi Briain, & im a mac, et alíí multí, tria amus longpuirt.


p.152

T1134.7

Aed mac maic Taidhg h-Úi Cellaig, rí h-Úa Maine, mortuus est.

T1134.8

Cathach Iarlaithe do sarughudh la Dal Cais. Tuadhmuma d' fhalmochudh isin raithe cétna tria fertaib Iarlaithe.

T1134.9

Mael M' Aedhoic h-Úa Morgair do dhul a cathair Padraic.

T1134.10

Cenel Eogain Tulcha Óc do chocar Mael M' Aedhóic, & teni gelain do loscud da fer déc dib isin inadh ar' cogradar é.

T1134.11

Aedh mac Maic Lochlainn h-Úi Chochlain rí Delbna Eathra, mortuus est.

T1134.12

Murchad h-Ua h-Egra & a ben .i. ingen Tairrdelbaig h-Úi Chonchobair, do marbad do Thaichleach h-Úu Eagra.

Annal T1135

T1135.0

Kl. enair for mairt & .xuíi.

T1135.1

Cathal mac Taidg h-Úi Chonchobair occisus est o Feraib Teftha iarum.

T1135.2

Ros Coman do loscud, & a h-airchíndeach & a fer léigind do


p.153

marbadh o Feraib Brefne.

T1135.3

Muirchertach O Cadhla occisus est o feraib Muman.

T1135.4

Maidm aenaigh Maenmuighe la Concobur mac Tairrdelbaig ar Uib Maíne, dú ín ro marbad Conchobur h-Úa Cellaig & Ó Maíndín, rí Soghain, et alíí.

T1135.5

Ua Maille occisus est o mac Domnaill h-Úi Dubda a n-dam líag Nuachongbala, & a ghaí fein día marbadh-som tria fhirt Colaim Cille isin raithe cétna.

T1135.6

Cunga & Enach n-Duín & Ros Comaín do loscud.

T1135.7

Cu Mara Mór do marbadh tre fhert cathaire Iarlaithe do sarugud.

T1135.8

Ruaidhrí h-Úa Canandan, rí Cheneoil Chonaill occisus est o Chenél Eogain.

T1135.9

Mael Issa h-Úa h-Ainmire, espoc Puirt Laírge quieuit.

T1135.10

Hua Madadhan, rí Sil n-Anmchadha & h-Úa Maine, do marbad a fill do mac Gilla Caemgen h-Úi Cendédigh.

T1135.11

Domnall Gerrlamach, mac maic Muirchertaigh in clericatu quieuit.

T1135.12

Cinaeth h-Úa Baigill, espoc Clochair, quieuit.


p.154

T1135.13

Enri ri Saxan mortuus est.

Annal T1136

T1136.0

{folio 22a2}Kl. enair for cétain & .iiii.xx. fuirre millisimus .c.xxxuí. annus ab Incarnatióne Dominí.

T1136.1

Aed mac Domnaill h-Úi Chonchobair occisus est cona aes grada iar fell dona Tuathaib fair.

T1136.2

Ruaidri h-Úa Concoboir & Uada h-Úa Con Cenaind do gabail la Tairrdelbach h-Úa Conchobair ar comairge chomurba Iarlaithe & h-Úi Dubthaigh & na Bachla Buidhi & h-Úi Domnallain. Galar do gabail Tairrdelbaig isin ló-sa, co raibe fada 'na laighe.

T1136.3

Domnall mac maic Lochlainn, rí Tuaisceirt Erenn, do marbadh la Cenel n-Eogain.

T1136.4

Domnall h-Úa Dubthaig in t-espoc .i. comurba Ciarain, do éc.

T1136.5

Néidhe h-Úa Mael-Conaire, in senchaidh quieuit.

T1136.6

Aed h-Úa Fínd, aird-espoc na Brefne, quieuit a n-Inis Clothrand.

T1136.7

Aed mac Tairrdelbaig h-Úi Concobair do dallad la derbrathair fen .i. la Concobar & la Diarmuid mac Taidg h-Úi Mael Ruanaid.


p.155

T1136.8

Domnall h-Úa Caendelban, rí Laegaire, do marbadh do Tighernan h-Úu Ruairc.

T1136.9

Crech Locha Cairrgin la Feraib Teftha, & ro loiscet a chaislén.

T1136.10

Cluain Iraird do argaín do Bregnechaib & do Feraib Fernmuighe.

T1136.11

Muirchertach mac Neill maic Lochlainn do rigadh andsin.

Annal T1137

T1137.0

Kl. enair for aine & .u. uathaid fuirre.

T1137.1

Coblach mor la Tairrdelbach h-Úa Concobair la ríg n-Erenn for Loch Rí, & do tinoladh Conmaicne & Fir Teftha a fuaratar do ethraib .i. .uíí. fichit serrcend, dia fuabairt, & ni caemnacair ní doib.

T1137.2

Mor, ingen Murchadha h-Úi Briain, ben Murchadha h-Úi Mael Sechlainn, do éc.

T1137.3

Tairrdelbach h-Úa Briain do gabail dia brathair.

T1137.4

Domnall mac Murcadha h-Úi Mael Sechlainn do marbadh do Airrther Midhi & dona Saidnib.

T1137.5

Domnall h-Úa Conaing, aird-espoc Muman quieuit.


p.156

T1137.6

Crech la Tigernan h-Úa Ruaircc & la Firu Brefne a Connachtaib tar Ath indsín t-Sruthra, cor' airg Cland Uadach a n-Druim Drestan & cor' marbad Ailill mac Gille Enan, & tar Ath luain dia tigh.

T1137.7

Mac in Lestair h-Úi Ainlighe, taisech Ceneoil Doftha do marbad d' Ua Grada & do Luighnib.

T1137.8

Dall Find Edha .i. Gilla Muire, o coin allta mortuus est.

T1137.9

Condachta didiu do fasugud o Eas Ruaidh co Sinaind & co h-Echtaigh Muman, & a cur fén a n-Íarthur Condacht.

Annal T1138

T1138.0

Kl. enair for satharn & .uí. dec fuirri.

T1138.1

Úada O Conchenaind do dallad la Tairrdelbach h-Úa Concobair, ina mignimaib fén do dalladh.

T1138.2

Mathgamain h-Úa Concobair, rí Cíarraige & Corco Duibni, tanaisti ríg Muman, quieuit.

T1138.3

Creach i Midhe la Tighernan h-Úa Ruairc, cor' marb Aedh h-Úa Con Fiacla.

T1138.4

Maidm Berna na Bo Maile la Tighernan h-Úa Ruairc & re


p.157

Delbna Moír, ínar' marbadh Domnall O Cíardha, rí Cairpri.

T1138.5

Cormac mac maic Carrthaig do marbad do Tairrdelbach O Briain .i. da cliamuin & da cairdes Crist & da altraind a fill .i. índsaigtheach Erenn uile & rí Leithe Moga co comlan.

T1138.6

Conchobar O Bríain a n-aird-rigi Muman.

T1138.7

Amlaim Mor mac Firbisigh, ollam O Fiachrach uile re senchus & re filidhecht, & sái clerigh co m-bethaigthib ecailsi imda, & togha do Cunga, & a ec and iar m-buaidh ongtha & aithrige.

Annal T1139

T1139.0

Kl. enair for domnach & .xxuíí. fuirri.

T1139.1

Cu Condacht O Dálaigh, o Lecain Midi, in fer dana is ferr do bái a n-Erinn, do ég ína senoir.

T1139.2

Donnchad O Mail Muaidh, rí Fer Cell, do marbadh la Murcadh h-Úa Mael Sechlainn. Murchad h-Úa Mail Muaid rí aile Fer Cell, do loscud ó Uib Luaínim a tempull Rathain.


p.158

T1139.3

Mac Ragnaill maic Muiredhaigh, taisech Muntire h-Eolais, do marbadh la Tigernan h-Úa Ruairc.

T1139.4

IN t-Suca do tochailt la Tairrdelbach O Choncobair co tanic i Turloch Desceirt in Muighe & Turlach Aeda, co n-derna locha mora dib & co n-deachaidh a n-Abaind na h-Eidhnighe & a Loch Rí, & ro bái tínol Connachtach ac denom an gnima-sin.

T1139.5

Aedh h-Úa Cadhla, rí Conmaicne Mara, do marbadh da muintir fen a fill.

T1139.6

Gilla Padraic mac Gilla na Naem h-Úi Fergail do marbad{folio 22b1} da brathair fén .i. do Murchadh.

Annal T1140

T1140.0

Kl. enair for luan & nómad uathaid fuirre.

T1140.1

Eochaidh h-Úa Cellaig, aird-espoc fer Midhi, mortuus est.

T1140.2

Mael M' Aedoic Ó Morgair do taidhecht o Roim.

T1140.3

Tir Da Glass do loscud d' Uib Maíne & do Feraib Teftha & do cethernaib Conchobair maic Tairrdelbaig, & taissi Colaim maic


p.159

Crimthaind d'fhagbail doib a r-rind mothair iar m-brisidh na scrine i r-raibe.

T1140.4

Droiched Atha Lúain do denom la Tairrdelbach h-Úa Concobair, cor' airg da lan-buailigh déc do Teftha, & derg-ár na Midhech la Sil Muredaigh, co torachtatar .ííí. fichit cend aen-baile, acht chena tucadh ár aile ar Sil Muiredhaigh. Muiredhach mac maic Muredhaigh h-Úi Fhinachta, taisech Clainne Murchertaigh & clainne Condmuigh & cend ceille & comairle Sil Muredaigh ule, do marbadh a frithguin and.

T1140.5

Droiched aile la Tairrdelbach h-Úa Concobair ar Ath Luaín, & coblach Connacht ica denom, cor' gabsat giallu Fer Teftha & cor' indarbsad Murchadh h-Úa Mail Sechlainn a Mumain.

T1140.6

An fer léighind h-Úa Catharnaigh mortuus est.

Annal T1141

T1141.0

Kl. enair for cétain & xx.i. fuirre.


p.160

T1141.1

Gilla na Naem h-Úa Fergail do eg ina senoír & a adnacol a n-Ínis Clothrand.

T1141.2

Domnall mac Ruaidhri h-Úi Mail Muaidh, rí Fer Cell, do marbadh do Uib Luanaim.

T1141.3

Concobar, mac Donncadha, maic Domnaill h-Úi Mael Sechlainn, do marbadh a n-gemil la Murcadh h-Úa Mail Sechlainn.

T1141.4

Art h-Úa Mael Sechlainn, rígdamna Temrach mortuus est.

T1141.5

Secht fir dég do rigraidh Laighen do marbadh & do dalladh la Murcadh mac Murchadha, im Domnall mac Faelain & im Murchertach mac Gilla Mo Colmóc & im Murchad h-Úa Tuathail & im tri macu Mec Gorman.

Annal T1142

T1142.0

Kl. enair for dardaín & aenmadh déc fuirre.

T1142.1

Concobar mac Diármuda h-Úi Briáin, rí Tuadhmuman & Desmuman & Lethe Mogha & fer índsaighe Erenn, do gabail galair & a ég de a Cill Da Lua a n-ailithre. Toirrdelbach a derbrathair do gabail righe Muman.

T1142.2

Gilla Sinítan mac maic Amalgaidh, taisech Callraigi in Chalaidh, do marbad do Bregmuíne.


p.161

T1142.3

Donnchadh h-Úa Concobair, ri Ciarraigi, do marbad la Coin Mara mac Conmara.

T1142.4

Dondchad mac maic Carrthaig la Sil Muredaigh occisus est.

T1142.5

Mac Fergail h-Úi Mael Mhuaidh, rí Fer Cell, do marbad o mac Ruaidhri h-Úi Mael Muaidh a n-Durmaig Coluim Chille.

T1142.6

Fer léigind Aird Macha .i. Cathusach h-Úa Geir Cháerach quieuit.

Annal T1143

T1143.0

Kl. enair for aíne & ail déc fuirre.

T1143.1

Murchadh h-Úa Mael Sechlainn, ard-flaith Temrach, a báss co felltach.

T1143.2

Donnchadh h-Úa Con Chenaind do ég.

T1143.3

Tairrdelbach h-Úa Bríain & Fir Muman do techt a Connachtaib co Ruaidhbethigh, cor' marbad foirenn mór dib and, im h-Úa n-Domnaill ríg Corco Baiscind, & ro h-escradh Gilla Brenainn mac maic Flaind h-Úi Murcadha, taisech lochta tighe Tairrdelbaig h-Úi Choncobair, gerait gaiscid Chonnacht uile, co rus-díchendsad Mumnigh. Gairid iarsin co rancatar Mumnigh an Ruaidbeithech cétna, cor' cuirset Connachta a n-ár, & cor' marbad and h-Úa Concobuir Ciarraigi, & co nn-dechatar drem ar dasacht dib.


p.162

T1143.4

Aithrighadh Murcadha h-Úi Mael Sechlainn & a índarba a Mumain la Tairrdelbach h-Úa Concobair la ríg n-Erenn, & Conchobar mac Tairrdelbaig a mac fen do righadh for Midhi o Sinaind co fairrge.

T1143.5

Mor-thinol ac cleirchib Erenn & Connacht uile im Mureadhach h-Úa nDubthaigh, .u. cét sacart & da espoc dég a lín, d' iarraidh fuaslaicthe do Ruaidhri mac Tairrdelbaig h-Úi Choncobair ara athair iarna gabail do Tighernan h-Úa Ruaircc & do Conchobar da brathair fen ria lamaib Tairrdelbaig ína aíndligedh. Ro gell didiu Tairrdelbach co tibredh ar amus na cleirech im belltaine robo neassa doib.

T1143.6

Oigh-síth do dénom lasin ríg la Tairrdelbach & la mac fri re tri n-aidhche ar mís iar m-bliadain co leith in hoc anno.


p.163

T1143.7

Mac Neill{folio 22b2} h-Úi Lochlaind do indarba a Tir n-Eogain & h-Úa Gairmlegaigh do ríghadh 'na ínadh.

T1143.8

Aedh mac Muircertaigh h-Úi Dubda, rí h-Úa n-Amalgaidh & h-Úa Fiachrach mortuus est.

T1143.9

ISin bliadain cétna-sa ruc rí Erenn .i. Tairrdelbach h-Úa Concobair, an baile etir Loch & Cluain I Birnn & itir Loch na n-Én & an abind sair, & tuc Gilla na Naem O Flaind, comurba Comain, ór do fén & da braithrib da cind & Murcadh mac maic Aireachtaigh Húi Raduib ina dilsi do gress.

Annal T1144

T1144.0

Kl. enair for satharn & .xx.ííí. fuirre, & bliadan bisex.

T1144.1

Concobar mac Tairrdelbaig h-Úi Choncobair do marbadh do Uib Dublaich & do Feraib Tulach, & do choccar Fer Midhe uile co h-incleithe ro marbadh, & ac Belach Mune na Sirride ro fellad fair, & sé a rige Temrach 'ga marbad.


p.164

T1144.2

Domnall h-Úa Con Fhiacla, rí Teftha, obit.

T1144.3

Cerball h-Úa Findallan, rí Delbna, do é

T1144.4

Cinaeth Mag Amalgaidh, taisech Callraigi mortuus est.

T1144.5

Sluaiged la Tairrdelbach h-Úa Conchobair a Midhi, coro roind Midhi itir da ríg, tar eis áir & esbadha do tabairt ar Midhechaib cur' bo indamail lai bratha ín tres tuc .i. ar Uib Senchain.

T1144.6

Mac aile Tairrdelbaig do thesdail .i. Tadhg in t-adhbar ríg rob aille & rob fherr & ro bo beodha ro bai ar Erinn.

T1144.7

Mor-sluaighedh & mor-tinol ac cleirchib Erenn .i. comurba Padraic & comarba Coman, & h-Úa Longhargan & Tairrdelbach h-Úa Concobair & Tigernan h-Úa Ruairc & Ua Fergail, do fuaslacadh do Ruaidhrí Húu Chonchobair & do Domnall h-Úu Flaithbertaigh & do Cathal h-Úu Choncobair, & ro foslaiced dib ar cínd a n-etire & a luighe, & ar cenn enigh na cleirech.

T1144.8

Mor-thinol fer n-Erenn, laechaib cleirchib, & la Tairrdelbach h-Úa Conchobair & la Tairrdelbach h-Úa m-Briain, co n-dernsad óg-shith na h-Erenn oired no bedis 'na m-bethaidh, do reír na cleirech


p.165

& na láech.

T1144.9

Donncadh Mac Carrthaig do ég a n-gemil ica brathair.

T1144.10

Gilla Áengusa O Cluman, ollam Condacht re dán, do ég.

Annal T1145

T1145.0

Kl. enair for luan & .íííí. uathaid fuirri.

T1145.1

Tadg mac Toirrdelbaig h-Úi Choncobair mortuus est.

T1145.2

Cocadh mor do eirghe co coitchend etir feraib Erenn, co tancadar Fir Muman sluaiged do chum Midheach & Connacht, cor' eirigh Domnall h-Úa Conchobair & drem do Condachtaib, & Fir Midhe, cor' muidh do Mumnechaib, & cor' cuiredh a n-ar co mor, & ro imposed iarom.

T1145.3

Creach mór do denom do Sil Muiredhaigh a n-Uib Briuín, co tucsat bruid & bú esti.

T1145.4

Creach la h-Uib Briuin a Midhi, co tarla mac Mail Sechlainn & Fir Midhi doib, cor' facsat h-Úi Briuin ar adhbal.


p.166

T1145.5

Amus do tabairt la h-Uib Bríuin & la Connachtaib ar drem do coblach Sil Muiredhaigh & na Tuath, cor' marbadh and Murchadh h-Úa Mael Brenaind, taisech Clainne Concobair, & rí h-Úa m-Briuin na Sínda .i. Donnchad h-Úa Mandachain.

T1145.6

Ruaidhri mac Cathail h-Úi Chonchobair do marbad la Feraib Brefne.

T1145.7

Ruaidrí h-Úa Flaithbertaig do marbad la h-Ua n-Ócan, nó is la Mumnechaib ro marbad.

T1145.8

Maidm mor le cablach I Concobair ar cablach Fer Muman & Gall Luimnigh ac Buindi in Beithi for Sinaind.

T1145.9

Maidm Dune Dubain re Murcadh h-Úa Mael Sechlainn & ria Cairpre h-Úa Ciarda for Feraib Brefne, ubi .ccc. uiri ceciderunt im Serrach h-Úa Condachtaigh & im Cathal h-Úa Cathluain & im h-Úa Cumran.

T1145.10

Find h-Úa Cerbaill, rígdamna Éile, occisus est.

Annal T1146

T1146.0

Kl. enair for mairt & .xu. fuirre, bliadan tanaisti bisex.


p.167

T1146.1

Crech mor la Tairrdelbach h-Úa Concobair tar Ath Luain a Teftha, cor' airg Muintir Mail Fhinna & a n-urmor uile, co tucadh amus fair im cend cleithe Atha Luaín ar drem do deiridh in t-sluaig, cor' thoit cliath an drochaid fúthaib, co baith & cor' marb moran do drochainib and, & tuc ri Erenn na bái bái lais.

T1146.2

Mac Gilla Crist h-Úi Mael-Brenaind do h-ég.

{folio 23a1}

T1146.3

h-Ua Donnchada Gilla Padraic rí Osraigi do Uib Braenan occisus est.

T1146.4

Aird-espoc Laigen quieuit.

T1146.5

Congal mór etir Connachtaib & Firu Muman & h-Úu Briuin & Conmaicne, & Fir Teftha & Midhigh anoír fó Chondachtaib, co tancatar Fir Muman andess, cor' thinolsat Connachta 'na n-aghaidh, cor' moidh for Mumnechaib, cor' marbad dream.

T1146.6

Sluaiged la Tigernan h-Úa Ruaircc co Magh n-Áei tar éis Sila Muiredhaigh, cor' loisc Dun Imdaín & cor' airg Magh n-Aí,


p.168

co riacht co Loch Long, cor' loisc longa h-Úi Conchobair co n-drem do mnaib & do lucht coméda na long, & cor' marbad drem do muntir h-Úi Ruaircc and, im Gilla m-Beraigh mac Duib Dara maic Duib.

T1146.7

Crech mór la Ruaidhri h-Úa Concobair & la Sil Muiredaigh a nDartraighe, cor' airgset uile.

T1146.8

Mac Domnaill h-Úi Choncobair do gabail la Toirrdelbach h-Úa m-Briain tre furail Ruaidhrí h-Úi Chonchobair.

T1146.9

Raghnall mac Turcaill, rí Gall Atha Clíath, co n-imadh cét do marbadh re Descert Bregh.

T1146.10

Domnall O Bráin, rí Breghmuine mortuus est.

T1146.11

Cellach h-Úa Cellaigh, rí Bregh, occisus est o Flaithbertach h-Úu Cathasaigh & o Gallaib Atha Clíath.

T1146.12

Gilla na Naem, mac maic Con Medha h-Úi Láegachan, do thoitim la derbrathair fen .i. Domnall, & Cu Medha a mac quieuit.

Annal T1147

T1147.0

Kl. enair for cétain & .xuíí. fuirre.


p.169

T1147.1

Gilla Mo Conne h-Úa Cathail, rí h-Úa Fiachrach Aidhne, do marbad do mac maic Domnaill h-Úi Chonchobair.

T1147.2

Maidm Atha Luaín for Domnall mac Toirrdelbaig for Uib Maíne ria Feraib Teftha, a n-dorchair mac maic Amalghadha h-Úi Flaínd, et alíí.

T1147.3

Nert Iudhaidhe do thoirned lasna Cristaidhib.

T1147.4

Duarcan h-Úa h-Eagra do marbad d' Ua Gadhra.

Annal T1148

T1148.0

Kl. enair for dardaín, & .uii. uathaid fuirre & bisex.

T1148.1

Mór-choínde la Toirrdelbach Ó Conchobair & la Tigernan h-Úa Ruairc im Sinaind. Domnall h-Úa Fergail cona muntir do chongar h-Úi Ruairc, & ín t-Aithcleireach h-Úa Fergail da bualadh do chloidim, cor' ledair co mor, cor' marbad e fén índ. Eachmarcach mac Branan & Mac Airechtaigh h-Úi Raduib do marbadh and ac dul a n-díaidh h-Úi Ruairc da athmarbad, & eraic h-í Ruairc do búain do Conmaicnib amal ro marbtaís.


p.170

T1148.2

Crech la Tairrdelbach h-Úa Conchobair i n-Airrther Midhe cor' airg Muintir Láeghechan.

T1148.3

Oitir, rí Gall Atha Clíath, do marbadh do macaib Turcaill.

T1148.4

Muiredhach Sindach, rí Teftha, mortuus est.

T1148.5

Sitriuc h-Úa Briain, rí Bregmune, do thoitim le da mac Congalaig h-Úi Bráin a fill.

T1148.6

Mac Fergail h-Úi Mail Muáidh, rí Fer Cell, occisus est o Uib Braccáin.

T1148.7

Mael M' Áedhóc h-Úa Morghair, aird-espoc Erenn & Alban quiéuit.

Annal T1149

T1149.0

Kl. enair for sathurn & .uii.l. xuiii.iiim.c.x.íx.

T1149.1

Torand & saighnén do techt a n-enaír, cor' gab in tene an Íubar Ciaran, coru tre nert daíne ro baidhedh, & cor' marb .xiii. ar cét do chairib fan iubur.

T1149.2

Muirchertach h-Úa Mael Mocherghe, espoc h-Úa m-Bríuin quieuit.


p.171

T1149.3

Crech la Toirrdelbach h-Úa Concobair ar Luighne Connacht cor' airg uile.

T1149.4

Sluaighedh la Murchertach mac Nell maic Lochlaind co Conull & co n-Eóghan & co n-Airgíallaib a n-Ulltaib, cor' índairsed etir cella & tuatha, co rucc braigdi leis iartain.

T1149.5

Cellachan mac Maic Carrthaig mortuus est.

T1149.6

Sluaiged la mac Maic Lochlaínd, co ruc braighdi Tigernain h-Úi Ruairc & Murchaidh h-Úi Mail Sechlainn & Conmaicne & Fer Teftha lais don chur-sin.

T1149.7

Callraighi do argaín o Shil Ronan & a n-índarba a Condachtaib a cinaidh Gilla Ulltan maic maic Carrgamna.