Corpus of Electronic Texts Edition

Annals of Ulster otherwise Annala Senait, Annals of Senat (Author: [unknown])

Year U1588

U1588.0

{fol. B 117a}Kal. Ian. for Aine, l. ii., Anno Domini M. d. lxxx. 8.

U1588.1

Mac Remuinn Breithfnenigh Meg Uidhir do marbadh eiter da fheil Muire, .i. Giolla Padraig. Ocus a dol re Mag Uidhir do roime-sin & a tuitim re sluagh Uí Domnaill: .i. saoi bíataigh & fear tige-aigheadh & duine do cosnum a cuid do 'n tír i nn-gach en ceim, mar ta ceannus-feadhna & dol a ceann Saxanach gac re la ar son an tire.

U1588.2

{fol. B 117d}In Giolla Dubh, mac Seáin, mic Pilib Meg Uidhir, do marbadh d'aon orchor péiléir lé Saxanchaibh do bí ag Oirgíallaibh, ar n-dol do mac Meg Uidhir, .i. Aodh, mac Con Connacht, mic Con Connacht, mic Con Connacht, ar creich orra. Ocus brisedh ar Oirgíallaibh & ar Saxanchaibh doibh, gan dioghbáil doibh fein, acht in duine maith, uasál-sin, .i. mac Seáain.

U1588.3

{fol. B 118b}h-Ua Concubhair Sligigh, .i. Domhnall, mac Thaoidg, mic Cathail Óig h-Ui Concubhair, do eg in bliadhain-si.