{fol. B 117d} Kal. Ian. for Dardain, l. xx. Anno Domini M. d. xl.
Clann Ui Buighill, .i. Concobur & Niall Ruagh, do tuitim re ceille a n-Errach na bliadhna-so.
Abb Arda Macha, .i. Gilla Padraig O Donnguilli, d'h-eg in bliadhain-si.
Graine Og, ingin Ui Uiginn, .i. ben Fedhlím Ui Doibhilen, d'h-eg an bliadhain-so.
Seaan, mac Donnchaidh, mic Remainn Meg Uidhir, do mharbadh le Domnall n-Glinnach O Neill um fheil Padraig na bliadhna-so.
Da mac Briain, mic Domnaill Ui Neill, .i. Domnall & Feidhlim, a nh-eg in bliadhain-so.
Aedh Gruamdha, mac Uilliam, mic an Espuic Ui Gallchabair, .i. fer ler' tuit O Buighill, do marbadh le Clainn m-Buigill.
h-Ua Neill do tiacht
Seachan, mac Cuinn h-Ui Domnaill, do marbadh le clainn Murchaidh Mic t-Shuibhne na Thuathand an bliadhain-si.
{fol. B 118a} Clann Ui Domnaill, .i. Donnchadh Cairbrech & Eignechan & Seaan Luirg, do thiacht a cend Ui Domnaill le h-arrcis in Caluaidh. Ocus na tri Mic Suibne & in da h-Ua Fhirgil & h-Ua Domnaill da n-gabhail & do crochadh Seaain (.i. mic Briain, mic Aodha Ballaigh).
Oedh Mac Domnaill do dul d'h-eg.
Tomas Mac Magnussa, .i. in t-Afisdel, do dul d'h-eg.
Plaig do beth a n-Arda Muinntire Luinin & Neime O Luinin d'eg & a bean & clann.
Pilib Og, mac Pilib, mic Briain & mac Neill Gairb Ui Domnaill do thiacht ar creith a Muindtir Feodachain & Domhnall Óg h-Ua Doibilen & clann Cormaic Mic Almunain do crochadh doibh & daine maithe uaisle do marbadh leo, .i. Torrdelbach, mac Tomais Maeil Mic Samhraghaín & Fer Dorca, mac Aodha, mic Tomais cetna, do marbadh ann.
O Dochardaigh do dul d'h-eg an bliadain-so, .i. Gearailt, mac Domnaill, mic Feidlím Ui Dochartaigh & O Dochartaigh do denamh d'Fheilim, mac Concubhuir Carraigh.
Sluaghadh do denam leis h-Ua n-Domnaill & leis h-Ua Neill docum Gall & bailte do brisad doibh ann, .i. baile Atha Ría & an Uaimh. Ocus an sluagh Ghoidhel do filliudh & foslongport do gabail a Fern Magh. Ocus an Ghiustís Saxanach & maithe Gall da leanmain & brisedh ar na tiarnaibh
Niall Og h-Ua Buighill do marbadh le Concubur, mac Ui Buigill.
Dundara Mac Caba, .i. mac in Gilla Duibh Mic Caba, .i. consubal slichta Pilib Meg Uidhir, d'h-eg in bliadain-so.
Mac Samhraghain do marbadh a feall an bliadhain-so & h-Aithne do righadh ina ínadh.
h-Ua Caside d'h-eg in bliadhain-si, .i. Gilla na Naem, ollumh slichta Pilib Meg Uidhir.
Da mac Aodha Mergidh Ui Neill, .i. Conn, mac Aodha & Domnall Dainechair, do marbadh re Macc Uibelín, .i. Rudhrai Macc Uibelin, a taebh afhos do Bel Fersti & e a n-dul ar siubal a n-Aird Uladh & iatsan ar {fol. B 118b} m-beth a toraidhecht fair[gap: text illegible]