{fol. B 117b} Kal. Ianair for Cetaín, l. ix.. Anno Domini M. d. xxx. ix.
Sluaghadh leis h-Ua n-Domnaill gu h-Ichtar Connacht & gan t-fhilliudh dó no gur' thabaigh se cis tri m-bliaghan orra & no gu tug se a m-braighde leis.
Mac Domnaill Galloglach do dhul a ceann slichta Aedha
Ui Neill do chogadh air h-Ua Neill & Art, mac Mhíc Domnaill, do dhenam ghreissi air mhuinntír Feighlimidh
Caeich Ui Neill & noenmar, no deichnemhar, do doeníbh & tri h-eich deg do mharbadh & do losgadh doibh. h-Ua
h-Ua Domnaill do bheth a m-baile Ui Neill fo Iníd na bliadhna.
Feall ghranna do dhenam a n-Oirghiallaibh, .i. Rubraídhe, mac Remaínn Óig Mheg Mhathgamna, do dhul a Mainistír Mhuineachain & siubhal aír ag Brian na Mocheirghi. Brian da thabhairt asa mainistir amach & carrdis-Crist dó rís & a mharbadh gu lochtach. Ocus as e fein do thaníg amach dh'a dheoin fein deis anacail.
h-Ua Neill, .i. Conn, mac Cuinn, mic Enrí, mic Eoghain, do bheth fo Chaisg na bliadhna-sa a n-Dun na n-Gall, a m-bhaile Ui Domnaill, .i. a m-bhaile Mhagnusa, mic Aedha, mic Aedha Ruaidh & sith daingin do dhenam doibh re cheile re n-a línn fein fo minnaibh mhainistreach na m-Bhrathar, fa chur re cheile a n-aghaidh gac aein.
{fol. B 117c} Tuilledh ele dó ghenamh isin m-blíadhain-so, .i.: Corbmac Mhég Uidhir, in t-aen mac righ dob' fhearr lamh & uaisle da raibhe ina comaímsir, do mharbadh lena lucht lenamhna fein, .i. le Cobhthach Mac Samhradhain & le Muinntir Dobhilen & le slicht Aedha, mic Pilib, xxui. die mensis Aprilis.
Sluaghadh leisin Íustís Saxanach ar h-Ua Neill um Bealltaine & a m-beth da oidhche a n-Ard Mhacha & slicht Aedha Ui Neill & Mac Domnaill d'iarradh air gan baile a patruin fein do mhilliudh, no do losgadh & in Iustis do ghabhail a comarle iar sin & osadh coecaise do dhenam doibh ris h-Ua Neill.
Semas, mac Tomais, mic Cormaic
Semas, mac Domnaill Mheg Uidhir & triur da mainntír simul fris do mharbadh le slicht Domnaill Ui Neill & le claínn Murchaidh.
Domhnach Mor Mhaighi Clair do losgadh eter theach & theampol, acht aen teach in t-shagairt.
Torneach & teinnteach is mo d'a n-dearnadh riam roime a mí mheadhon in t-Samraidh-so, do mill moran do na gorthaibh & do 'n bhlath.
Piarurus Ruag Builter, .i. Iarla Urmuman, d'h-eg in bliadhain-so.
h-Ua Briain, .i. Concobur, mac Taidhg Ui Briain, d'h-eg in bliadhain-so.