Corpus of Electronic Texts Edition

Annals of Ulster otherwise Annala Senait, Annals of Senat (Author: [unknown])

Year U1533

U1533.0

{fol. B 113c} Kal. Ian. for Cetain, l. ii., Anno Domini M. d. xxx. iii.

U1533.1

Mac Diarmada Mhuigi Luirg (.i. Diarmaid an Einigh) do marbadh le cloinn a dherbhrathar féin a feall.

U1533.2

O Cíanain d'h-eg an bliadhain-si, .i.

p.590

U1533.3

Uilliam O Corcrain d'h-eg an bliadhain-si, .i. sai chléirigh & duine maith ealadhna.

U1533.4

Donnchadh, mac Rémainn, mic Maoilechlainn Mic Gaffraidh, d'h-eg an bliadhain-si, .i. duine maith oirechd do muinntir Meg Uidhir.

U1533.5

Feidhlimidh Bacach, mac Néill, meic Cuinn, tigherna Triana Conghail, d'h-eg an bliadhain-si.

U1533.6

Diarmaid, mac Domhnuill Uí Shuilleabáin — O Suilleabain Beirre — fer dilta dámh & deóradh, éiges & ollamhan Erenn, do ég isan m-bliadhain-si.

U1533.7

Fínghin Laighnech, mac Diarmada, mic Domhnuill Meg Cárrthaigh, do ég isan m-bliadhain-si.

U1533.8

Crimthánn, mac Geruilt, mic Domnuill Riabhaigh Caómhánaigh, do marbadh a féall lé n-a derbhbhrathair fein, .i. le h-Art m-Buidhe, mac Geruilt, an bliadhain-si.

U1533.9

Sligech do gabail a feall — mar nár' sailedh — la Sil Concubhuir, .i. la Tadg Óg, mac Taidg, mic Aodha, mic Cathail Cárraigh, an bliadhain-si.

U1533.10

Murchadh Ruad, mac Taidg, mic Bríain Ui Bríain, do marbadh le Domnall (.i. Cleirech), mac Concubhuir, mic Toirrdealbaigh Ui Bríain, isin bliadhain cédna.

U1533.11

Maidm do thabairt ar Mac Diarmada Mhuighi Luircc an bliadhain-si leis O Concabuir Ruadh & lena mac, .i. Toirrdhealbach Ruadh & le Ruaidhri, mac Mic Diarmada.

U1533.12

Maidm do thabairt ar Cloinn Aodha Buidhi & ar Alasdrand Carrach, mac Mic Domnaill, an bliadhain-si le Mac Uibhilin.

U1533.13

Feidhlem Dubh, mac Gilla Padruicc, mic Emuinn Mhég Uidhir, cenn-feghna maith & fer tighi aidhedh, a écc an bliadhain-si.

U1533.14

Rémann, mac Sémais, mic Pilib Mhég Uidhir, do mharbadh an bliadhain-si le Cloinn Gaffraidh fá mhnái Chormuic, mic Donnchaidh,

p.592

U1533.15

Mathghamain O Carmaic d'h-eg an bliadhain-si, sáor maith, onórach & fer tighi aidhedh coitcend, fa bhuaidh Ongtha & aithrighi.

U1533.16

Emann, mac Cuind, mic Neill, mic Airt Uí Neill, do marbadh an bliadhain-si le Mág Uidhir (.i. Cu Connacht) & lena cloinn, .i. Cormac & Brian — .i. saí chinnfeghna & duine maith, uasal an fer-sin — sechtmain a n-díaígh h-Samhna.

U1533.17

{fol. B 113d} Da mhac Fheidhlimthe, mhic Ruaidri Bhacuigh Uí Néill, do mharbadh an bliadhain-si, .i. Eimer & Níall, lé Maghnus O n-Domnaill.

U1533.18

Righ Saxan do dhul a n-aghaidh chredim & moran do nethibh saebha do dhenam do a n-aghaidh na h-eglaisi.