{fol. B 106a} Kal. Ian. ui. f., l. xui., Anno Domini M. d. x. uiii.
An Deganach Mag Uidhir d'h-eg an bliadhain-si; .i. Aodh, mac an Espuic Mhég Uidhir, .i. mac Rosa, mic Tomais Oíg Mhég Uidhir, .i. nech do bi 'n-a
Mac Suibhne Fánad d'h-eg an bliadhain-si; .i. Ruaidhri, mac Mail Muire Mic Suibhne.
Domnall, mac Seaain, mhic Pilib Mhég Uidhir, do crochadh leisin Comarba Mag Uidhir an bliadhain-si.
h-Ua h-Eoghusa d'h-eg an bliadhain-si; .i. Cithruadh, mac Aitheirne Uí Eoghusa, saí fhir dhána & foghlunntech maith & fer tighi n-aidhedh.
Feidhlimidh, mac Briain, mic Concabuir Oíg Mhég Uidhir, d'h-eg an bliadhain-si ar t-fhilled dó ó Chathair San Sem tareis a turais bliadhan na n-gras & a annlucadh a Mainister Muinechain. Duine dob' uaisle & do budh daonachtaighi d'á fine an Feidhlimidh-sin.
Innsoighidh le Pilib, mac Emainn Mhég Uidhir, a Tir Cendfhada ar Enri m-Balb O Néill & oilén Clabaigh do ghabhail leis & braighdi do bi ag Enrí do breth leis dó, .i. Aodh Balbh, mac Cuinn Uí Neill & mac Aodha Mic Gabhfraigh, do bí o Philib fein ann. Ocus Cathal, mac Duinn, mic Emuinn Mheg Uidhir, do mharbadh o Pilib do 'n turus-sin.
Mac Uí Neill, .i. Aodh Balbh, mac Cuinn Uí Néill, d'h-eg a n-deredh Fhoghmuir na bliadhna-si.