Corpus of Electronic Texts Edition
Annals of Ulster otherwise Annala Senait, Annals of Senat (Author: [unknown])

Year U1511

U1511.0

Kal. Ian. iiii. f., l. xx. ix., Anno Domini M. d. xi./p[gt ]

U1511.1

Art Oc, mac Cuinn Ui Neill, do bí a laim ag O Domnaill ag imtecht dó, do ligen do Mhaghnus, mac Ui Domnaill, as a braighdenus can chead d'O Domnaill & a mac, idon Níall Óc, do thecht 'na inadh a n-gill ré comhall.

U1511.2

O Concobuir Fhailghe, .i. Cathair, mac

p.496

Cuinn, mic an Calbaigh, an Gaidhel dob' ferr einech & engnum, clú & oirbert do bi a n-Erinn re a lin, do mharbadh do clainn Taidg Ui Concobuir & do clainn t-Sheaain Ballaigh Uí Concobuir, laim re Mainister Fheórais. Ocus an tír uile andsen do beth fo chumacht Iarla Cilli Dara da éis-sin.

U1511.3

Sluaighedh lais O Néll, .i. Art, mac Aódha, a Tír Conaill, d'ár' loisc Glend Finne & Tir Énna & an Lacan. Ocus téid iarum co h-Innsi & gabhais tennes roger é & impaís día thig & beris braighde Uí Dochartaigh leis.

U1511.4

O Domnaill, .i. Aodh, do thecht o 'n Roim, iar faghail morain cunntaberta ar muir & ar tir & ar faghail grás mór & loghaid na n-uile pecad o 'n Pápa. Ocus fuair a cuairt co h-onorach ac dul & ac teacht ac rígh Saxan & fuair tinnlaici móra; óir ní minic fuair nech d'ár' fhácaib Éire lethéd na h-onora fuair o 'n rígh. Ocus tainic a tír a Cairlind & sé tend o fhiabrus & do bí a fad 'na {fol. B 103b} luighi 'sa Midhe & tic slán da thigh a cenn bliadhna co leth o 'n uair fá' r' imdhigh.

U1511.5

Cenel Feradhaigh do creachadh le Maghnus h-Ua n-Domnaill & crecha mora eile do dhenamh ar t-slicht Toirrdelbaigh Carraig Uí Concobuir leis beós an bliadhain-si.

U1511.6

O Dochartaigh d'h-ec in bliadhain-si, .i. Seaan, mac Domnaill, mic Concabuir & O Dochartaigh do denam do Concabur Charrach.