{fol. A 115a} Kal. Ian. ui. f., l. ix., Anno Domini M. d. i.
Mac Meg Uidhir do mharbadh an bliadhain-si, .i. Tomas, mac Tomais Oig Meg Uidhir, mic an Gilla Duibh (.i. Mag Uidhir), ar Sliabh Beathadh le clainn Briain, mic Remuinn Meg Mathgamna, co n-ar di-airnidhe ina timcell. Ocus is iad so na maithi ro marbadh ann ina fhochair: .i. Gilla Isu, mac Emuínn Meg Uidhir
Rughraidhe, mac Ui Concobuir Failghi, .i. mac Cathair, mic Cuind, mic an Calbaigh, d'h-eg.
Rughraidhe, mac Meg Mathgamna (.i. mac Brian, mic Remaind), dó marbadh le clainn Meg Aengusa an bliadhain-si.
Mac Caba d'h-eg an bliadhain-si, .i. Ruaidhri, mac Enri Mic Caba.
Ruaidhri, mac Aedha Ballaigh Mic Domnaill, d'h-eg, .i. ceand coirighti galloglach do muinntir Ui Neill.
Niall, mac Airt, mic Eogain Uí Neill, d'h-eg mí ria Nodlaic: .i. saí cinn-fedhna.
Somhairli, mac Alastrainn Oig, mic Alastrainn Moir Mic Caba, d'h-eg gar ría Nodlaig.
Ingen Mic Mhaghnusa d'h-eg in bliadhain-si, .i. Mór, ingen Cathail Oig, mic Cathail Mhoir Mic Maghnusa, .i. ben h-Ui Fhialain, .i. Fherghail; saí mhna gan fhrasabhradh.
Aibne, mac h-Ui Cathain, .i. mac Seaain Ui Cathain, do marbadh in bliadhain-si l' a derbrathair feisin, .i. Brian Find.
Crecha mora la clainn Aedha Ui Neill for Mag Mathgamna, .i. Ros, mac Maghnusa, in bliadhain-si.
Gilla na Naem Mac Domnaill (.i. Mac Domnaill Clainni Ceallaigh, .i. mac Cormaic, mic Airt, mic Domnaill) do marbadh la Feidhlim, mac Donnchaidh, mic Tomais Oig Meg Uidhir, a tus Samraidh na bliadhna-sa.
Seaan, mac Rosa Espuic, mic Tomais OicMeg Uidhir, nech do bi ina cananach coradh i Clochar & ina persun & ina aircindech i nd-Achaidh Urchuire, d'h-eg {fol. B 99d} i n-Id Iuin na bliadhna-sa, mane die Dominico: .i. aen macamh ro ba shuarca, shubaltaighe a Leth Cuinn & ro pa treighidhe i n-gach ealadhain, iter leigheann & Gaidhilg & a treighibh tuatta airchena & fer thighi aidhedh coitchinn.
Maidm mor i n-Ard Macha in bliadhain-si (.i. la feili Padraig do shunradh) for Albanchaibh: .i. tri fichit do marbadh dib le slicht Aedha h-Ui Neill & le h-Art, mac Aedha h-Ui Neill & lena braithribh . Ocus is iad dob' fhearr do marbadh ann, .i. mac an tigherna Aíg & tri mic Colla, mic Alaxandair Mic Domnaill, .i. Toirdelbach & Donnchadh & Ludar.