Corpus of Electronic Texts Edition
Annals of Ulster otherwise Annala Senait, Annals of Senat (Author: [unknown])

Year U1494

U1494.0

{fol. A 107c} {fol. B 95d}Kal. Ian. f. 4., l. xxi. Anno Domini M. cccc. xc. iiii.

U1494.1

Eogan, mac Domnaill Ballaigh Meg Uidhir, do eg a n-Earrach na bliadhna-sa.

U1494.2

Brian, mac Diarmada h-Ui Dubda, do ég.

U1494.3

Mac Ruaidhri, mic Toirrdelbaigh Carraigh h-Ui Concobuir, do marbadh le Seaan, mac Mic Siurtain, a toraidhdeacht creiche.

U1494.4

Domnaill, mac Eogan h-Ui Conchobair, tigherna Slighidh & o Shliabh anuas, do mharbadh le clainn Ruaidhri, mic Toirrdelbaigh Charraigh h-Ui Conchobuir, .i. le Seaan & le Brian, ar greis oidhce a m-badhun chaislein Bona Fhinne, aidchi Aine roim fheil Padraig.

U1494.5

Tuathal, mac Toirrdelbaigh na Mart h-Ui Neill & tri fir deg ina timchell & Murchadh h-Ua Lorcain do mharbadh a n-diaigh Chasc le Cloinn Chana & le cloinn Briain na Coilledh, mic Eogain h-Ui Neill.

U1494.6

Mac Iarla Urmuman do dhul a h-Erinn co teach righ Saxan an bliadhain-si a n-diaigh Nodlaig, a leanmuin Iarla Chille Dara & do chur ina adhaigh th-shoir.

U1494.7

Toirrdelbach, mac Donnchaidh, mic Thomais Meg Samhradhain, do marbadh le cloinn Eogain, mic Thomais Meg Samhradhain & le Fergal, mac Tomais, mic Tomais Meg Samradhain, d'urchur saighdi im Bealltaine. Ocus Emann Mac Sitriug (.i. ceithernach) do cuir an t-saighed.


p.380

U1494.8

Mag Samradhain, .i. Feidlim, mac Tomais Meg Samhradhain, do ghabail le cuid do clainn Briain Meg Uidhir, .i. Ruaidhri & Brian Og & le Pilib, mac Toirrdelbaigh Meg Uidhir & le clainn Remainn Meg Uidhir, .i. Donnchadh & Aedh, ar tarraing derbrathar Meg Samradhain fein, .i. Domnall Bernach. Ocus Fergal, mac Tomais, mic Tomais Meg Samradhain, do marbadh ann & Mael Mordha, mac Failgi, mic {fol. A 107d} Domnaill Bain h-Ui Raighilligh, do ghabail leo ar an lathair cetna, scilicet, 4 Nonas Iunii. Mag Samradhain do ligen as a laimdechus 4 Nonas Iulii.

U1494.9

h-Ua Ferghail, .i. Conmac, mac Seaain, mic Domnaill, mic Sheaain, mic Domnaill, do eg an bliadhain-si, la Sang Mairgreg, Dia Domnaigh: .i. an dara taisech do bi 'sa n-Anghaile an tan-so.

U1494.10

Eoin Bernach, mac Maeil Muire Mic Suibne, do marbadh le Tadhg, mac Cuind, mic Domnaill, mic Eogain h-Ui Neill & le h-Aedh Ruadh, mac Glaisne, mic Remuinn, mic Rughraidhe Meg Mathgamna & moirsheiser galloglach maille fris & a n-adhnacadh a n-Ard Macha.

U1494.11

Maidm for Gallaibh in bliadhain-si le Mag Mhathgamna, .i. Aedh Og, mac Aedha Ruaidh & le h-Ua Raighilligh, .i. Seaan, mac Cathail, mic Eogain, mic Sheaain h-Ui Raighilligh, do inar' marbadh tri fichit do uaislibh Gall la braighdibh & aidiribh imdaibh eile.

U1494.12

Semas, mac


p.382

Mic Magnusa, do marbadh d'urchur saighde le clainn Cormaic Meg Samradhain & Emonn, mac Maghnuis, mic Cormaic, do chuir an t-shaiged.

U1494.13

Mac Mic Maghnusa Meg Uidhir d'h-eg an bliadhain-si, an 7.madh Kalainn do mhi Septimbir, .i. Cathal Og, mac Cathail, mic Cathail Oig eile, mic Cathail Moir, mic Gilla Padraig, ar coimlinadh ocht m-bliadhna deg & secht la fichet a aisi.

U1494.14

Gilla Padraig, mac Mic Maghnusa Meg Uidhir, .i. mac Cathail Oig, mic Cathail Moir, d'h-eg 14 Kalendas Octobris & a adhlucadh a n-Dun na n-Gall in tres la iar n-a eg.

U1494.15

h-Ua Domnaill, .i. Aedh Ruadh mac Neill Gairbh, do beth fa caislen Sligigh a n-deredh Samhraidh & a tus Foghmair na bliadhna-sa. Ocus Eogan, mac Cormaic Carraigh h-Ui Gallchobhair & Uilliam, mac h-Ui Gallchobhair, .i. mac Emuind, mic Domnaill, mic Lochlainn h-Ui Gallcobhair & Domnall Arannach, .i. cenn-fedhna Albanach, do bí a fochair h-Ui Domnaill — a marbadh sin le muinntir an caislein, .i. le Brian Caech, mac Taidgh, mic Eogain, mic Domnaill, mic Muircertaigh h-Ui Concobuir & leisin Calbach Caech, mac Domnaill, mic Eogain & le muinntir Airt.

U1494.16

Geroid Deisi do eg an bliadhain-si, .i. Gallmachamh maith do muinntir baruin Dealbhna.

U1494.17

{fol. A 108a} {fol. B 96a}Alaxandair, mac Gilla Espuic Mic Domnaill, .i. fer inaid Mic Domnaill, do marbadh hoc anno le h-Eoin Cathanach, mac Eoin, mic Domnaill Ballaigh, a prid Id October, a n-Ormhansa.

U1494.18

Iarla Cille Dara, .i. Geroid, mac Tomais do Geraltachaibh & mac mic Iarla Urmuman, .i. Sémus, mac Seaain, mic Shemais Buitiller, do theacht o thigh righ Saxan a n-Erínd im


p.384

Samhain na bliadhna-sa. Ocus ridire Saxanach do thecht leo a n-Erinn ina iustis ar Gallaibh Erenn, .i. Edbard Ponynill. Ocus sith etorra fein.

U1494.19

Cu Uladh, mac Aedha, mic Eogain, mic Neill Oig h-Ui Neill, do eg a n-deredh Foghmhair na bliadhna-sa.

U1494.20

Ingen h-Ui Domnaill, .i. ingen Aedha Ruaidh, mic Neill Gairbh, mic Torrdelbaigh an Fhina, .i. bean Neill, mic Cuind, mic Aedha Buidhe h-Ui Neill, .i. an Ingen Dubh d'eg in bliadhain-si.

U1494.21

Seaan, mac Eogain h-Ui Domnaill, do crochadh le mac h-Ui Domnaill, .i. le Conn, mac Aedha Ruaidh, mic Neill Ghairbh, caicidhis ria Nodlaig.

U1494.22

Mac Mic Uilliam Burc, .i. Uilliam, mac Ricaird, mic Emaind, mic Tomais a Burc, do marbadh fa caislen Sligigh a Samhradh na bliadhna-sa.