Corpus of Electronic Texts Edition
Annals of Ulster otherwise Annala Senait, Annals of Senat (Author: [unknown])

Year U1493

U1493.0

Kal. Ian. f. iiii., l.x., Anno Domini M. cccc. xc. iii.

U1493.1

Mairgreg, ingen Meg Uidhir, .i. ingen Tomais Oig, mic an Gilla Dhuibh Meg Uidhir, .i. bean Mic Gilla Ruaidh, .i. Domnaill, mic Mail t-Shechlainn, mic an Gilla Bhallaigh Mic Gilla Ruaidh, d'h-eg in bliadhain-si a n-diaighodlaig.

U1493.2

Domnall,

p.368

mac Eogain, mic Eogain, mic Neill Oig h-Ui Neill, do marbadh le cuid do muinntir Airt, mic Cuind, mic Enri h-Ui Neill, an bliadhain-si.

U1493.3

h-Ua Neill, .i. Conn, mac Enri, mic Eogain h-Ui Neill, {fol. A 106c} do marbadh 6 Idus Ianuarii lena derbhbrathair fein, .i. le h-Enri {fol. B 95b} Óg, felonice. Ocus Colla, mac Somairle Moir Mic Domnaill, do marbadh ar an lathair cedna a fochair h-Ui Neill.

U1493.4

Ruaidhri, mac Briain, mic Taidhg Mic Donnchaidh & Daibith, mac Mail Ir, mic Emaind an Mhachaire Mic Goisdelbh, do mharbadh le cloind h-Ui Eaghra Buidhe, .i. le Seaan & le Cormac & le Maghnus.

U1493.5

Brian, mac Neill Gallta, mic Briain Ballaigh h-Ui Neill, do marbadh le Brian, mac Muircertaigh Meg Aengusa, a Foghmhur na bliadhna-sa, a n-dighail a athar.

U1493.6

Uilliam, mac Cathail h-Ui Fherghail, do mharbadh le Barun Dealgna im Samhain na bliadhna-sa.

U1493.7

Iarla Cille Dara, .i. Geroid, mac Tomais, do dhul do teach righ Saxan an bliadhain-si maille re culaidh & re bredacht mhoir a n-diaigh Samhna.

U1493.8

Rughraidhe, mac Feidhlime h-Ui Raighilligh, d'h-eg.

U1493.9

Conchobar, mac h-Ui Dhalaigh Breifnígh, d'h-eg, .i. mac Sheaain h-Ui Dhalaigh.

U1493.10

h-Ua Manchain, .i. Aedh Ruadh, mac Aedha Leith & a derbhbrathair eile, .i. Tadhg Find, d'eg roim Chaisc.

U1493.11

Troid eter Cinel Feradhaigh fein a Clochar (h-Ua n-Daimhín) & Aedh, mac Mic Cathmail, .i. mac Emaind, mic Briain Mic Cathmail, do marbadh ann & Brian, mac Toirrdhealbaigh, mic Aengusa, mic an Ghirr, do marbadh ann fos, .i. an Domnach roim Bealltaine.

U1493.12

Mac Con Midhe, .i. Tadhg, mac Concobair Ruaidh, mic Echmarcaigh, .i. sai

p.370

fhir dana & fhoghlainntigh, do marbadh in la roim fheil Brenaind a purt Rosa Gabraidh, ag Inis Sgeillind, le bodach da muinntir fein, .i. mac h-Ui Clumain. (Ocus mac h-Ui Clumhain do crochadh la [gap: illegible/extent: 1 word] ar in lathair-sin fein, .i. le Seaan, mac Filib).

U1493.13

Mac Uibilin, .i. Geroid, mac Risderd Mic Uibilin, do marbadh le [gap: left blank], mac Seinicin Charraigh Mic Uibilin & Mac Uibilin do dhenam do Ualtar, mac Cormaic, {fol. A 106d}mic Seinicin Mic Uibilin.

U1493.14

Conn, mac Feidlimidh Fhinn, mic Taidg, mic Toirrdhelbaigh Ruaidh h-Ui Conchobair & Tomaltach Og, mac Tomaltaigh Mic Diarmada, do marbadh, an Luan re m-Bealtaine, le clainn Ruaidhri Mic Diarmada.

U1493.15

Gearalt Bacach, mac Seaain, mic Mic Tomais, do marbadh le Mac Murcadha.

U1493.16

Aedh, mac Domnaill Caim, mic Mic Donnchaidh, do marbadh le Gailengachaibh.

U1493.17

Caiterfhina, ingen Aedha Ruaidh Meg Mathgamna, do eg, .i. bean h-Ui Raighilligh, .i. bean Toirrdelbaigh, mic Sheaain, mic Eogain h-Ui Raighilligh & araile.

U1493.18

h-Ua Neill do denam do Enrí Occ, mac Enri leis h-Ua Cathain & leis h-Ua Mellain a n-aghaidh Domnaill, mic Enrí h-Uí Neill, a shinnserbrathar budein, da n-derna h-Ua Domnaill tigherna roime-sin.

U1493.19

Cuntae Cille Dara & Ceall Dara fein do loscadh le mac Iarla Urmuman in bliadhain-si.

U1493.20

An t-Officel h-Ua Luchairen, .i. Eogan, saí cleirigh gan uiresbaidh, do ég in bliadhain-si.

U1493.21

Ua Mordha, .i. Conall, mac Daibith h-Ui Mhordha, do marbadh an bliadhain-si fa caislen Baile na m-Bathlach a Crich Bulbach le cuid do muinntir Iarla Cille Dara, .i. Geroid, mac Tomais ampersir; h-Ua

p.372

Mordha do dhenam do Niall, mac Domnaill h-Ui Mhordha.

U1493.22

{fol. B 95c}An da h-Ua Neill, .i. Domnall mac Enri, mic Eogain, mic Neill Oig h-Ui Neill & a derbhbrathair eile, .i. Enri, mac Enrí, mic Eogain, do thegmhail da cheile & tachar atorra ag an Glasdrumaind (4 Kalendas Iulii, scilicet, in uigilia Petri Apostoli) & brisedh ar Domnall cona muinntir. Ocus Mac Domnaill, .i. consabul galloglach h-Ui Neill, do marbadh ann, .i. Raghnall, cona triur mac, .i. Somairle & Ruaidhri & Tuathal & Emunn, mac Mic Domnaill Moir, .i. mac Colla, mic Toirrdealbaigh, mic Gilla Espuic & mac Ruaidhri, mic Aedha Ballaigh Mic Domnaill, .i. Colla & Feradhach, mac Domnaill Mic Domnaill & da mac Donnchaidh Mic Domnaill, .i. Dubgall & Donnchadh Og {fol. A 107a} & fos Emonn, mac Seaain Buidhe h-Ui Neill & Aedh Breifnech, mac Seaain, mic Airt h-Ui Neill & h-Ua h-Aedha, .i. Fer Dorcha, mac an Ballaigh h-Ui Aedha & da mac an Persuin h-Ui Aedha, .i. Pilib & Toirrdhelbach & Seaan, mac Mailechlainn h-Ui Aedha & moran eile nach airimther sunn & co h-airighi do Clainn Domnaill & do Muinntir Aedha. Ocus do gabadh ann: .i. Niall, mac Seaain Buidhe h-Ui Neill & Aedh, mac h-Ui Neill, .i. mac Domnaill, mic Enri & Donnchadh, mac Mic Cathmhail, .i. mac Briain, mic Con Muide Mic Cathmhail, & moran aile maille friú.

U1493.23

h-Ua Domnaill, .i. Aedh Ruadh, mac Neill Gairbh, do dhul, sluadh mor, a Trian Conghail a Foghmur na bliadhna-sa & Ichtar Chonnacht uile do dhul leis ann, fa Domnall, mac Eogain, mic Domnaill, mic Muircertaigh h-Ui Conchobuir & fa h-Ua Ruairc, .i. fa Fheidhlim, mac Donnchaidh, mic

p.374

Tighernain Oig h-Ui Ruairc & fa Eogan, mac Tighernain, mic Taidg h-Ui Ruairc. Ocus a dhul a Claind Aedha Buidhe & a Leth Cathail & a n-Oirrtheraibh & a n-Uibh Eathach. Ocus sluaidh di-airmidhe do breith fair & d'eirghe dho roime & 'na dhiaigh, im h-Ua Neill, .i. ím Enri, mac Enri, mic Eogain h-Ui Neill, & fa Mag Mhathgamna, .i. Aedh Og, mac Aedha Ruaidh, mic Rughraidhe Meg Mathgamhna & fa Mag Aenghusa, .i. fa Aedh, mac Airt, mic Aedha Meg Aenghusa. Ocus h-Ua Domnaill d'imchar & d'fhulang an anfhorlaind-sin gu calma, cobhsaidh & impodh do orrthaibh sin & tri fir dheg do mharbadh leis dibh, fa marcach maith do muinntir Meg Mathgamna, .i. Seaan Ruadh, mac Donnchaidh, mic Eimhir Meg Mathgamna. Ocus, muna beth foigsi na h-oidhci doibh, ro badh sraenmhaidm roim h-Ua n-Domnaill. Ocus h-Ua Domnaill do theacht dia thigh do 'n turus-sin co cosgurach, acht nach tuc sith, no osadh, no umla lais.

U1493.24

h-Enri, mac Maeílechlainn, mic Muircertaigh h-Ui Neill & Muircertach, mac Coirpri, mic Aedha h-Ui Neill, do dhul ar greis ar Enri, mac Briain, mic Eogain h-Ui Neill & sé 'na luighi a n-uthar a choissi do brisedh roime-sin. Ocus Enri, mac Briain h-Ui Neill & a bean, .i. ingen Con Uladh h-Ui Neill, do marbadh leo ann & Enrí, {fol. A 107b} mac Mhaeilechlainn & Muircertach, mac Cairpri h-Ui Neill, do marbadh an oidhche chetna, suil do sgarsad frisin n-greis-sin & daine eile nach airimter sunn do thuitim etorru. (Ocus, ge do bhi cos Einri, mhic Briain, bristi, acc dul d'Einri, mac Mhaoilechlainn, chuigi chum a mharbhtha, is dearbh c-cur' coimhnigh se in tan-sin ar a uaisli fein, amhail ro coimnicc c-cu minic roime-sin a n-am aigh & iorcchuili

p.376

uili, .i. tucc leim luthmhar, lanmhear c-cu ferccach, forniatta do 'n chleith ar a raibh a n-urthus a coissi & do ghab in sgein sccothger ina laimh c-cu luthmar & tuc sathadh sanntach, sarchalma ina bhanbhruinne do Einri, mac Maoilechlainn, di & ro ba marbh fa chétoir h-é: .i. gur' b' í sin tuitim in da Einri-si re ceile.)

U1493.25

Mac h-Ui h-Anluain do marbadh, .i. Seaan h-Ua h-Anluain, le clainn Aedha h-Ui Neill a toraidhecht creiche in bliadhain-si.

U1493.26

Gilla Padraig, mac Pilib, mic Con Chonnacht Meg Uidhir, d'h-eg.

U1493.27

Finnghuala, ingen h-Ui Conchobair Fhailghi, .i. ingen an Chalbaigh, mic Murchaidh h-Ui Conchobair, bean Neill, mic Thoirrdelbaigh an Fhina h-Ui Domnaill & do bi ina diaigh-sin ag Aedh Buidhe, mac Briain Ballaigh h-Ui Neill & do coimed a fedhbacht co maith ina dhiaigh-sin re naí m-bliadhna xl.at co h-innraic, craibdhech, onorach, a h-eg a tus Fhoghmhair na bliadhna-sa.

U1493.28

Mac Cartain d'h-eg an bliadhain-si, .i. Padraig, mac Aedha Ruaidh Mic Cartain.

U1493.29

Brisedh ar h-Ua Conchobair Fhailghi, .i. ar Chathair, mac Cuinn, mic an Calbaigh, le Mag Eochagain, .i. le Semus, mac Connla, mic Aedha Buidhe. Ocus mac h-Ui Conchobhair, .i. Tadhg, mac Cathair & mac Toirrdelbaigh Ballaigh h-Ui Conchobair & mac Airt h-Ui Conchobair & da mac Aedha h-Ui Maenaigh do ghabail ann & ceithri fichit each do buain dibh.

U1493.30

Toirrdelbach, mac Taidgh h-Ui Conchobhair & Cathal, mac Muircertaigh, mic Fheidhlim h-Ui Concobuir, do crochadh leis h-Ua Conchobhair, .i. le Cathair, mac Cuinn, mic an Calbaigh, a n-diaigh Lughnasaidh.

U1493.31

Niall, mac Seaain Buidhi h-Ui Neill, do eg ina laimdeachus.

U1493.32

h-Ua h-Anluain,

p.378

.i. Emunn Ruadh, mac Murchaidh h-Ui Anluain, do marbadh le clainn Aedha, mic Eogain h-Ui Neill & araile.