Corpus of Electronic Texts Edition
Annals of Ulster otherwise Annala Senait, Annals of Senat (Author: [unknown])

Year U1489

U1489.0

{fol. B 93d} Kal. Ian. for Dardain, l. xx. ui., Anno Domini 1489.

U1489.1

Mac Uibhilin, .i. Seinícin Ruadh, mac Risdeard Mic Uibhilin, do marbadh a feall le Ualtar, mac Cormuic, mic Sheínícín Mic Uibhilin, in la-sin fein.


p.338

U1489.2

Maghnus, mac Aedha Ruaidh mic Rughraidhe Meg Mathgamna, d'h-eg in la cetna in bliadhain-si.

U1489.3

Conchobur, mac Glaisne h-Ui Raighilligh, d'h-eg do bidhg i Ceanantus in bliadhain-si.

U1489.4

Remunn, mac Uaithne, mic Ferghail, mic Tomais, mic Mathgamna, mic Gilla Isu Ruaidh h-Ui Raighilligh, d'h-eg in bliadhain-si do 'n plaidh, im fheil Brighde.

U1489.5

h-Ua Gobhann d'h-eg in bliadhain-si, .i. Mathgamain, mac Toirrdelbaigh h-Ui Gobhann.

U1489.6

Mac Mael Mhartain d'h-eg in bliadhain-si, .i. Seaan.

U1489.7

Dá mac Maine Buidhe Mic Caba do marbadh le clainn Toirrdelbaigh Ballaigh Mic Caba in bliadhain-si, i n-diaigh fheili Brighde, .i. Failghi & Toirrdelbach & mac Glaisne, mic Aedha Colaich Mic Caba, .i. Aedh.

U1489.8

Maileachlainn, mac Muircertaigh, mic Eogain h-Ui Neill, do marbadh le clainn Briaín (.i. Brian na Coilledh), mic Eogain h-Ui Neill, i tús Earraigh na bliadhna-sa.

U1489.9

Connla h-Ua Maelatuile, .i. fisigi h-Ui Raigilligh, d'h-eg im fheil Brighde na bliadhna-sa.

U1489.10

Rughraidhe, mac Daibhith h-Ui Mordha, .i. tanusti Laighisi, d'h-eg in bliadhain-si, .i. in Cetain ria m-Bealltaine.

U1489.11

Siuban, ingen Emuinn, mic Risderd Buitiller, .i. ben Mic Murchadha, righ Laighen, {fol. A 103a} .i. Murchaidh Bhallaigh, mic Airt Caemanaigh, d'h-eg in bliadhain-si.

U1489.12

Mac an Bhulbaigh, .i. tigherna Criche Bulbach a cois Berbha, d'h-eg in bliadhain cetna.

U1489.13

Mac Gilla Phadraig, ri Osraighe, .i. Seaffraigh, mac Finghin Mic Gilla Padraig, iar na beth dall aimsir roime-sin, d'h-eg in bliadhain-si a n-diaigh Nodlaig.

U1489.14

Creach do dhenam do chloind Cuinn, mic Aedha Buidhe, mic Briain Bhallaigh h-Ui Neill, (.i. Niall & Art) ar


p.340

Enri, mac Enri, mac Eogain h-Ui Neill & Cathair h-Ua Concobhair do mharbadh ann, .i. marcach maith do muinntir Enri, sechtmhuin a n-diaigh Bhealltaine.

U1489.15

Athairne h-Ua h-Eoghusa d'h-eg in bliadhain-si, .i. mac Seaain h-Ui Eoghusa, .i. fer dana & fogluinnti maith & macamh onorach eter Gallaibh & Ghaidhealaibh & bud bhinn lamh & bel.

U1489.16

h-Ua Neill d'h-eg in bliadhain-si, .i. Enri, mac Eogain, mic Neill Oig h-Ui Neill, ar caithim a aisi gu sona, sénamail, aithesach, oirbertach, 17 Kalendas Iulii.

U1489.17

h-Ua Cerbuill d'h-eg in bliadhain-si, .i. Seaan, mac Mail Ruanaigh h-Ui Cerbhuill, ri Eile.

U1489.18

Feidhlimidh Og, mac Feidhlim, mic Ferghail, mic Tomais, mic Mathgamna, mic Gilla Isu Ruaidh h-Ui Raighilligh, d'h-eg in bliadhain-si do 'n phlaidh.

U1489.19

Ros, mac Uaithne h-Ui Mhordha, do marbadh le Cathair, mac Laisich, mic Cathair h-Ui Dhimasaigh.

U1489.20

Bicair Daim Innsi for Loch Eirne d'h-eg in bliadhain-si, .i. Nicolas, mac Nicolais h-Ui Cathusaigh.

U1489.21

Mac h-Ui Chathain do ghabail le h-Ua Neill (.i. Conn) in bliadhain-si, .i. Goffraigh, mac Seaain, mic Aibhne, mic Diarmada h-Ui Cathain.

U1489.22

{fol. A 103b}h-Ua Neill, .i. Conn, mac Enrí, do dhul a n-Oirecht h-Ui Cathain & millti mora do dhenum ann & braighdi do thabairt uaidhibh.

U1489.23

h-Ua Domnaill, .i. Aedh, mac Neil Ghairbh, do dhul ar Trian Conghail a n-deredh Fhoghmuir na bliadhna-sa. Ocus creacha mora do dhenum do isin Ruta ar Mac Uíbilin & mac h-Ui Domnaill do lot ann, .i. Conn & caisdel Beil Fersdi do ghabhail leis h-Ua n-Domnaill do 'n dul-sin & techt slan dia thigh.

U1489.24

h-Ua Raighilligh, .i. Seaan, mac Toirrdhelbaigh, mic Seaain h-Ui Raighilligh & h-Ua Ferghail, .i. Conmac, mac Seaain, mic Domnaill, mic Sheaain, mic Domnaill h-Ui Ferghail, do dhenum


p.342

creichi a Muigh Breghmhuine a n-deredh Fhoghmuir na bliadhna-sa & Donnchadh, mac Briain Caich, mic Domnaill Bhuidhe h-Ui Fherghail, do mharbadh umpa.

U1489.25

Tomaltach, mac Briain Mic Donnchaidh do mharbadh a n-diaigh Shamna in bliadhain-si le h-Aedh, mac Domnaill Chaim Mic Donnchaidh & lena clainn.

U1489.26

Aedh, mac h-Ui Conchobuir, .i. mac Fheidhlime Fhinn, mic Thaidhg, mic Toirrdelbaigh Ruaidh, do ghabail le clainn h-Ui Cheallaigh in bliadhain-si.

U1489.27

Toirrdelbach, mac h-Ui Concobuir, .i. mac Fheidhlim Fhinn, do marbadh an bliadhain-si a n-diaigh Samna le mac Mic Dhiarmata, .i. le Tadhg, mac Ruaidhri Mic Diarmada.

U1489.28

Eogan, mac Feidhlime, mic Eogain, mic Domnaill, mic Muircertaigh h-Ui Conchobuir, do marbadh leisin Calbach Caech, mac Domnaill, mic Eogain h-Ui Conchobhair, a tus Geimridh na bliadhna-sa. Ocus da mac Muircertaigh, mic Eogain h-Ui Conchobuir, .i. Muircertach Og & Seaan, do marbadh isna laithibh cetna lena comghael fein.

U1489.29

{fol. A 103c}Maghnus, mac Cathail Oicc mic Maghnusa Meg Uidhir, (.i. Mac Maghnusa) do eg in bliadhain-si, fiche oidche ria Nodlaig: .i. mac bruigaidh lan do eslabra & do deirc & do tegh n-oidhedh.

U1489.30

Bresim madma for Art, {fol. B 94a} mac Ui Neill (.i. mac Cuinn, mic Enri), les h-Ua Cathain (.i. Seaan, mac Aibhne, mic Diarmada) & lena derbrathair aile, .i. Tomas, du i torchair Diarmait, mac Maghnussa, mic Maghnusa, mic Diarmata h-Ui Cathain, la forgabhala Briain, mic Domnaill Ui Neill & marbtha sochaidhe do ceithern & la h-airitin araile. Sechtmain ría Nodlaigh insin.

U1489.31

Colman h-Ua Mailechlainn (.i. mac Airt, mic Cormuic Bhallaigh) do marbadh i n-Gemridh inna bliadhna-sa la Cond, mac Airt, mic Cuinn, mic Cormuic Ballaigh h-Ui Moilechlainn.

U1489.32

h-Ua Baighill, .i. Toirrdelbach, do ecc &


p.344

gar ria Nodhlaigh atbail.

U1489.33

An Calbach, mac h-Ui Domnaill (.i. mac Aedha, mic Neill Gairbh), do abhailt eter da Notlaigh, 14 anno sue etatis.

U1489.34

Emann Coech, mac Baiter, mic Uilliam Mic Feorais, .i. dalta Briain, mic Fergail Ruaidh Ui h-Uiginn, d'h-eg in bliadhain-si.

U1489.35

Maurchadh, mac Ruaidhri Mic Suibne, do marbadh la h-Iarla Desmuman, .i. le Muiris, mac Tomais, mic Semais & a derbhrathair, .i. Moel More, do airitin ann beos: .i. i nd-Eli Ui Cerbaill do-ronath in sin.

Diarmait, mac Taidhg, mic Domnaill Oig Meg Carrthaigh (.i. mac Meg Carrthaigh Moir), do marbadh in bliadhain-si lasind Iarla cetna h-isin.

U1489.36

Tomas Butillir, .i. mac Risderd Bua{fol. A 103d}licc, do marbadh le Seáan, mac Emainn, mic Risdertt Butiller, in bliadhain-si.

U1489.37

Paitricin, mac in Ridere Ciarraigh (.i. mac Seaain), do mharbadh la Mác Carrthaigh Mor in bliadhain-si, .i. Tadhg, mac Domnaill Oig.

U1489.38

h-Ua Fialain do ec in bliadhain-si, .i. Eogan, mac Eogain Ui Fialain, .i. in la arna barach tareis feili na Croiche ind Fhogmair.

U1489.39

Risderd, mac Felim, mic Fergail h-Ui Raighilligh, do marbadh la mac Seon Oicc Pluingced, da la taréis fésta na Croiche noim isind Fhoghmur.

U1489.40

(Torrdealbhach Ua Buighell (.i. O Buigell) & Torrdealbach ele, a mac, d'eg isan bliadhain-so.)