Kal. Ian. iii. f., l. 15, Anno Domini 1488.
Abb Atha Truim d'h-eg in bliadhain-si.
Domnall, mac Domnaill, mic Neill Gairb h-Ui Domnaill, do ghabail i múr Mainisthrech Esa Ruaidh le clainn Aedha Gallda, mic Neill Gairb, in bliadhain-si, iii. Idus Ianuarii. Ocus a crochadh {fol. A 102a} an la arna mharach leisin muinntir
Brian, mac Briain Buide Mic Gilla Fhinnein d'h-eg.
h-Enri h-Ua Sealbaigh, .i. canntaire dob' fherr a n-Gaidheltacht Leithe Cuinn, d'h-eg in bliadhain-si.
Donn, mac Domnaill Ballaigh Meg Uidhir, d'h-eg in bliadhain-si.
Crech mor do denum ar h-Ua Neill in bliadhain-si, .i. ar Conn, mac Enrí, le clainn Meg Mathgamna, .i. le Glaisne & le Brian. Ocus Colla, mac Mic Domnaill, do argaín doibh ann & mac Briain (.i. Cathal), mic Rughraidhe Meg Mhathgamna, do marbadh umpo-san leisin toraidh & daine aili nach airimhter sunn.
Rémunn, mac Pilib Mheg Uidhir, d'h-eg in bliadhain-si, 7 Kalendas Marcii, iar martra fhoda.
Domhnall Gorm, mac Alexandair, mac Mic Domnaill, do marbadh i tús an Earraigh le clainn in Abbaidh mic Alexandair, do Clainn Domnaill fein.
Uaithne, mac Mael Ruanaigh h-Ui Cerbaill, tanusti Eile, d'h-eg.
Feradhach, mac Mic Domnaill Gallóglach, .i. mac Raghnaill Mic Domnaill, do marbadh le Coin Uladh, mac Seaain Buidhe h-Ui Neill, in bliadhain-si, i tús in Earraigh, ar greiss oidce.
h-Ua Ceallaigh, .i. Mailechlainn, mac Aedha, mic Briain h-Ui Ceallaigh, d'h-eg i cinn leth-raithi tar eis a rightha.
h-Ua Flannagain Tuaithi Ratha, .i. Toirrdelbach, mac Gilla Issu h-Ui Fhlannagain, d'h-eg in bliadhain-si & h-Ua Flannagain do dhenum ina ínadh do Ghillibert mac Cormuic, mic Gilla Isu h-Ui Fhlannagain.
h-Ua Tuathail, .i. Emunn h-Ua Tuathail, do marbadh a feall le clainn Taidhg h-Ui Braín roim Nodlaig.
Mac h-Uí Murchadha, .i. mac tigherna h-Ua-Feilme, .i. Mathgamain, mac
Seaan Buidhe (no, Óg) h-Ua h-Eadhra & a mac do marbadh le clainn h-Ui Eadhra (.i. le Ruighri & le h-Aedh) in bliadhain-si.
Tadhg, mac Aedha, mic Toirrdelbaigh Carraigh h-Ui Conchobuir, d'h-eg in bliadhain-si oidhchi Chasg.
Mairghreg Dalatun, ingen Ainntriu Dalatun, .i. bean h-Ui Fherghail, .i. ben Domnaill Buidhe, mic Domnaill, mic Sheaain, mic Domnaill h-Ui Fhergail, d'h-eg in bliadhain-si.
Seaan Caech, mac Maghnusa, mic Eogain h-Ui Conchobuir, do marbadh in bliadhain-si, a n-diaigh Nodlaig, le clainn Feidhlimthe, mic Eogain h-Ui Conchobuir.
Tadhg, mac Mailechlainn, {fol. A 102b} mic Tighernain h-Ui Ruairc, d'h-eg in bliadhain-si.
h-Ua Neill (.i. Conn) do ligen Neill, mic Seaain Buidhe h-Ui Neill, asa laimdechus in bliadhain-si, im fheil Brenaind. Ocus braighde eile do ghabail as, ím a dhís mac fein & im mac eile Seaain Buidhe, .i. Enrí.
Domhnall, mac Neill h-Ui Neill, do marbadh a Fínntamhnach le Rughraidhe, mac Airt h-Ui Neill & le clainn Neill, mic Airt h-Ui Neill.
h-Ua Ferghail do ghairm in bliadhain-si do Conmac, mac Seaain, mic Domnaill, mic Seaain, mic Domnaill h-Ui Fherghail, i n-adhaigh Rughraidhi, mic Cathail h-Ui Fherghail.
{fol. B 93c}Brian, mac Aedha Buidhe, mic Briain Ballaigh h-Ui Neill, d'h-eg do 'n galur breac i n-Earruch na bliadhna-sa.
Mairia, ingen Domnaill Ballaigh Mic Domnaill, .i. in bean do bi ag Conn, mac Aedha Buidhe h-Ui Neill, d'h-eg do 'n ghalur cetna.
Ri Fer Manach d'h-eg in bliadhain-si, .i.
Caipidil na m-Brathar Minur do Obseruancia do beith i n-Dun na n-Gall in bliadhain-si um fheil Pedair.
Mac an Baird Oirghiall d'h-eg an bliadhain-si: .i. Nuadha Mac an Bhaird & a mac do ghabail a ínaidh, .i. Aedh.
Diarmaid, mac Seaain Luirg, mic Toirrdelbaigh an Fina h-Ui Domnaill, d'h-eg i tús Fhoghmuir.
Conchobur, mac Dubhthaigh h-Ui Duibgeannain, do bathadh ar Loch Bradain i Muinntir Eolais in bliadhain-si.
Bean h-Ui Fergail (.i. Chonmaic), .i. Mauda, ingen Mic Fheorais (.i. Seaan), d'h-eg in bliadhain-si.
Mailechlainn, mac Meg Fhlannchaidh, do marbadh in bliadhain-si le clainn Taidhg, mic Cathail, mic Tigernain Oig h-Ui Ruairc.
Maidm do thabairt ar h-Ua m-Briaín, .i. ar Concobur, mac Toirrdelbaigh, le h-Iarla Desmuman, .i. le Muiris, mac Tomais, mic Shemuis, mic Geroid Iarla, ar tarraing Toirrdelbaigh, mic Taidhg h-Ui Briain.
Caisdel clainni Muircertaigh Meg Eochagain, .i. caislen Bile Ratha, do brisedh le h-Iarla Chille Dara.
Mac Maghnusa do dhenum in bliadhain-si do Chathal Óg, mac Cathail Oig, mic Cathail Móir Mic Maghnusa, le Mag Uidhir, .i. le Seaan, mac Pilib Meg Uidhir & le maithibh Fer Manach archeana. Ocus Mac Briain Mic Magnusa do ghairm in bliadhain cetna do 'n Gilla Dubh, mac Tomais Óig, mic Briain, .i. in cethrumhadh la do mhí August. (Ocus do bhi inad chinn-fine aige re h-ocht m-bliadhna roime 's a leth.)
Eogan, mac Ir Meg Radhnaill, do marbadh {fol. A 102c} lena derbrathair fein, .i. le h-Uilliam, mac Ir & lena mac & le Maghnus, mac Ir,
Uilliam in Fhedha, mac mic Mic Fheorais, .i. mac Seaain, d'h-eg in bliadhain-si.
Mac Mic Fheorais fein, .i. Seaan, tigherna Clainni Feoruis, .i. fer suairc, daenachtach, d'h-eg in bliadhain-si.
Cu Uladh, mac Seaain Buidhe h-Ui Neill, do marbadh le h-Art, mac Enri, mic Eogain h-Ui Neill, i Foghmur na bliadhna-sa.
Bean righ Alban, .i. bean Semuis Sdibhard, .i. ingen righ Lochlann, do chur cum bais in bliadhain-si le neim. Ri Alban fein, .i. Semus Sdibhard, do marbadh i cath ina dhiaigh-so in bliadhain cetna lena mac fein, .i. Semus Óg Sdibhard. Ocus moran do tighernaibh uaislibh Alban do marbadh maille fris ann, ar son nar' thairber sé do 'n mac an dream ar ar' liamnadh neim do thabairt dia mhathair.
Da mac Neill, mic Seaain Buídhe h-Ui Neill, .i. Eogan & Aedh, do crochadh le h-Ua Neill, .i. le Conn, mac Enri, mic Eogain h-Ui Neill, gairid roim fheil Michil.
Art, mac Neill Charraigh, mic mic Muircertaigh Oig h-Ui Neill, do marbadh le clainn Enri, mic Enri, mic Eogain h-Ui Neill, ar greis oidhce, .i. Emunn & Feilim.
Eogan, mac h-Ui Ruairc, .i. mac Feidhlím, mic Donnchaidh, mic Tighernain Oig, mic Tighernain Moir h-Ui Ruairc, do marbadh ar osadh le h-Eogan, mac h-Ui Ruairc aili, .i. mac Tighernain, mic Taidhg, mic Tighernain Moir h-Ui Ruairc, in bliadhain-si.
h-Ua Neill, .i. Conn, mac Enri, do dhul co teach h-Ui Domnaill in bliadhain-si a n-diaigh Samhna & Meg Uidhir, .i. Seaan, mac Pilib, mic Tomais Meg Uidhir, do dul leis ann & sith tairisi, cairdeamail do denum d'h-Ua Neill &
Sith do dhenamh do h-Ua Neill & do clainn Sheaain Buidhe h-Ui Neill timceall na Samna in bliadhain-si.
h-Ua Conchobuir do dhenum in bliadhain-si le h-Ua n-Domnaill, .i. le h-Aedh Ruadh, d'Fheidhlimidh Finn, mac Taidhg, mic Toirrdhelbaigh Ruaidh h-Ui Concobuir & lena raind fein i Connachtaibh.
h-Ua Raighilligh, .i. Seaan, mac Toirrdelbaigh, mic Seaain h-Ui Raighilligh, do loscadh baile Emuind, mic Domnaill Bain h-Ui Raighilligh, in bliadhain-si i n-diaigh Shamhna.
Eogan, mac Mail Mhordha h-Ui Raighilligh, .i. tigherna Mhullaigh Laighill, d'h-eg in bliadhain-si.
Mag Aengusa, .i. Brian, mac Airt Meg Aenghusa, d'h-eg in bliadhain-si & a derbrathair, .i. Aedh, do oirdneadh ina inadh.
Mag Raghnaill d'h-eg {fol. A 102d} in bliadhain-si, .i. Conchobur, mac Murchaidh Meg Raghnaill, do slicht Mailechlainn & Mag Raghnaill do denum ina inad do Mhailechlainn, mic Uilliam Meg Raghnaill, do 'n t-shlicht cetna.
Toirrdelbach, mac Taidhg Mic Mathghamhna, .i. fer is innraca, shasta, deghordaighi do fhollamhnaigh a thighernus do bí 'sa Mumain, d'h-eg in bliadhain-si.
Ruaidhri, mac h-Ui Conchobuir Dhuinn, d'h-eg in bliadhain-si.
Mac an t-Shabhaisigh d'h-eg in bliadhain-si, .i. Patraig Sabhais.
Mael Muire, mac Taidhg Oig h-Ui Uigind, .i. sai fhir dana, d'h-eg in bliadhain-si.
(Ruaighri, mac Tomais, mic Gilla Crisd, .i. tigherna h-Ua Dhrona, d'eg um Epiphain na bliadhna-so, .i. Anno Domini 1488.)