{fol. B 91c}Kal. Ian. u. f., l. i., Anno Domini M. cccc. lxxx. iiii.
Cogadh mor in bliadhain-si eter h-Ua Neill, .i. Conn, mac Enri h-Ui Neill & h-Ua Domnaill, .i. Aedh Ruadh & digbala mora do dhenum atorra.
Gilla Patraig, mac Emuind, mic Tomais Oig Meg Uidhir, do marbadh a feall (scilicet, 6 die mensis Aipprilis) an bliadhain-si lena coicer derbraithrech a cois altora tempuill Achaidh Urchaire: .i. Donn & Seaan & Emonn Og & Art Carrach & Aedh. Ocus da Mhag Uidhir do gairm an bliadhain-si a n-adhaigh Emuind, mic Tomais Oig Meg Uidhir: .i. Seaan, mac Pilib, mic Thomais Moir Meg Uidhir & Tomas, mac Tomais Oig, mic Tomais Moir Meg Uidhir.
Crech do denum an bliadhain-si le Mag Uidhir Og, .i. le Seaan, ar clainn Donnchaidh, mic Thomais Meg Uidhir, .i. ar Pilib & ar Fheidhlim. Ocus Gilla Padraig, mac Tomais, mic Donnchaidh & mac Feidhlim, mic Donnchaidh Meg Uidhir, do marbadh ann & daine eile nac airimther sunn. Ocus Mac Gilla Ruaidh, .i. Brian, mac Domnaill Mic Gilla Ruaidh & da mac Mic Domnaill Clainni Ceallaigh — .i. Cormac & Art — & daine imdha aili do ghabail ann fos: scilicet, 13 Kalendas Septimbris, De h-Aine, hoc factum
Flaithbertach, mac Tomais, mic Pilib Meg Uidhir, do marbadh le Tomas Og, mac Tomais Oig, mic Tomais Moir Meg Uidhir, d'en urchur do gha a purt Airigh Brosca.
Maidm Mona Lagraidhe (8 Kalendas Octobris) in bliadhain-si le cloind Emuind Meg Uidhir ar Mag Uidir Og, .i. Seaan & ar cloind Briain, mic Pilib Meg Uidhir, {fol. A 98c} du inar' marbadh tri mic Briain, .i. Cathal & Cu Connacht & Emonn & Aedh, mac Airt, mic Eogain h-Ui Neill & Eogan, mac Toirrdealbaigh, mic Pilib na Tuaighi Meg Uidhir & a mac, .i. Toirrdhealbach & Remunn, mac Gillibert, mic Cormaic h-Ui Fhlannagain et alii multi & inar' gabadh Pilib, mac Toirrdhealbaigh, mic Pilib Meg Uidhir & Pilib, mac Briain, mic Pilib Meg Uidhir & Gilla Padraig, mac Cathail Oig Mic Magnusa Meg Uidhir. Ocus daine imdha aili, .i. tricha fer, eter gabail & marbadh, — .i. fiche ro marbadh & deichneabur ro gabadh ann.
Remund Mag Mathgamna, ri Oirghiall, d'h-eg a n-Droiched Atha a n-diaigh Samna in bliadhain-si ina laimdechus.
Mailechlainn, mac Concobhair h-Ui Gairmleghaigh & Concobur a derbrathair & cethrur, no coicur, da muinntir do marbadh le cloind Eogain, mic Neill h-Ui Domnaill, a n-díaigh Samna.
Brian Ruadh, mac Cathail, mic Eogain, mic Seaain h-Ui Raighilligh, d'h-eg caicidhis ria Nodlaig.
Mac h-Ui Concobuir Fhailghi, .i. Murchadh, mac Cathair, mic Cuind, mic an Chalbaigh h-Ui Concobuir, do marbadh d'urchur soighdi le clann Emuind Dairsidhe a Crich na
Teampall Cuile Maine do loscadh a n-diaigh Samna.
Seiser do mhuinntir Gilla Patraig, mic Pilib, mic Con Connacht Meg Uidhir, noch do bí co h-easonorach re h-eaglus Tigernaigh, .i. Daire Maelain & risna h-eaglusaibh archeana, do marbadh isin oidhche, tre ínneachadh De & Tighernaigh, a n-Daire Maelain fein, le da mac Emuinn Meg Uidhir (.i. Mag Uidhir), .i. Art Carrach & Brian.
Easpuc Daire d'h-eg gairid roim Nodlaig, .i. Sar Nicol Uasdun.
Níall, mac an Comarba Meg Mhathgamna, d'h-eg ag techt o 'n Roim in Estate.
Aedh Mag Aengusa, secundus de h-Uibh Eathach, do ghabail le righ Oirrther, .i. le h-Emond Ruadh h-Ua n-Anluain, timchell na Samna.
An t-Eidhre & Eoin Cathanach, a mac, do ghabail & in mac dob' fherr aigi, .i. Alexandair Ruadh, do marbadh felonice le h-Aedh Óg, mac Aedha Buidhe, mic Briain Ballaigh h-Ui Neill.
h-Ua Caiside {fol. B 91d} d'h-eg, .i. Tomas, mac Taidhg, mic Oiseb, mic Taidhg Moir, mic Gilla na n-Aingel h-Ui Chaiside.
Uilliam, mac Gilla Patraigh h-Ui Fhialain, d'h-eg 7 Kalendas Iulii.
Seaan h-Ua Fairchellaigh, .i. cananach do Muinntir Droma {fol. A 98d} Lethain, d'h-eg in Estate. Brian Mor h-Ua Faircheallaigh, neoch do tinnsgainn cloch angcaire do dhenum ag tempoll mor Droma Lethain, mortuus est in eadem Estate.
Hoc anno obiit Magister Nicholas O Droma & Ydus Iulii.