Corpus of Electronic Texts Edition

Annals of Ulster otherwise Annala Senait, Annals of Senat (Author: [unknown])

Year U1483

U1483.0

Kal. Ian. iiii. f., l. xx., Anno Domini M. cccc. lxxx. iii.

U1483.1

Espuc Clochair d'h-eg an bliadhain-si, .i. Ros, mac Tomais Oig Mheg Uidhir: .i. neach dob' ferr egna & crabadh & tech n-aidhedh & dob' ferr aithne ar gach ealadhain da tainig ina aimsir. Ocus a adhlucadh a teampall Achaidh Urchaire iar togha do ann.

U1483.2

Conn h-Ua Neill d'fhuaslucadh an bliadhain-si da athair & da braithribh & in Conn-sin do righadh ar Thir Eogain

p.282

U1483.3

Cogadh mor eter h-Ua Neill & h-Ua n-Domhnaill in bliadhain-si.

U1483.4

Nicolas Pluingced (.i. mac Cristoir) d'h-eg in bliadhain-si d'easgur: .i. Gallmacamh dob' ferr daenacht & aithne & uirighill do bi ina aimsir fein & noch do bo mo íul & araile.

U1483.5

h-Ua Fialain d'h-eg in bliadhain-si, .i. Seaan O Fialain; ollamh clainni Pilib Meg Uidhir re dan & oirchinnech Both in fer cetna.

U1483.6

Uilliam, mac in Espuic Meg Uidhir, .i. abb Leasa Gabail, d'h-eg in bliadhain-si.

U1483.7

O Cianain d'h-eg in bliadhain-si, .i. Ruaidhri, ollam Meg Uidhir re senchus.

U1483.8

O Ferghail d'h-eg an bliadhain-si, .i. Cu Mhara, mac Uilliam h-Ui Ferghail.

U1483.9

An Sradbaile do loscadh an bliadhain-si leis h-Ua n-Domnaill, .i. Aedh Ruadh, mac Neill Gairbh & le h-Aedh Og, mac Aedha Buidhe h-Ui Neill. Ocus an Giustis & Goill do breith orra & Mac Uibhilin & mac Toirrdelbaigh Charraigh h-Ui Conchobuir do buain dibh le Gallaibh do 'n dul-sin.

U1483.10

Eogan Mac Gilla Coisgle d'h-eg, .i. mac cleireach onorach do muinntir Cathail Mic Maghnusa.

U1483.11

Pilib Buidhe, mac Poil Ui Caiside, d'eg in bliadhain-si.

U1483.12

{fol. A 98b}Airgthi mora in bliadhain-si leis h-Ua n-Domnaill, .i. Aedh Ruadh, mac Neill Gairb, ar Seaan, mac Pilib Meg Uidhir & le Domnall h-Ua Neill an la arna mharach.

U1483.13

Maidm Fhaichthi Ciarain in bliadhain-si le h-Art, mac Cuind, mic in Chalbaigh h-Ui Conchobuir, ar Conn, mac Airt, mic Cuind h-Ui Maileachlainn, dú inar' marbadh da mac Ruaidhri Carraigh h-Ui Cearbaill & moran aile maraen riu.

U1483.14

Donnchadh, mac h-Ui Cheallaigh, d'eg in bliadhain-si.

p.284

U1483.15

(Mairgreg, ingen Briain, mic Conchubhair Oig Meg Raghnaill, d'h-eg an bliadhain-si, .i. an ben do bi ag Feidlim Mac Maghnusa.)

U1483.16

h-Ua Cianain Claein Innsi, .i. Gilla na Naem, mac Seaain, mic Gilla na Naem, mic Ruaighri Mhoir h-Ui Cianain, d'eg an bliadhain-si, 1483 Anno Domini.)

U1483.17

(Hoc anno ante festum Brigidae (nata est)
[gap: illegible]
filia Caroli Iuuenis.)