Corpus of Electronic Texts Edition

Annals of Ulster otherwise Annala Senait, Annals of Senat (Author: [unknown])

Year U1477

U1477.0

{fol. A 96d} Kal. Ian. iiii. f., l. xiii., Anno Domini M. cccc. lxx. uii.

U1477.1

Cogadh mor a Tir Conaill an bliadhain-si eter h-Ua n-Domnaill & clainn Nechtain h-Ui Domnaill. Ocus Niall, mac Domnaill h-Ui Domnaill & Feilim, mac Toirrdelbaigh h-Ui Domnaill, do marbadh le clainn Nechtain ar in cogadh-sin & moran dighbala do denamh atorra.

U1477.2

h-Ua Neill (.i. Enri) do dul ar sluaghadh a Tir Aedha & Tir Aedha do milliudh & do loscadh leis & a thecht dia tigh fo buaidh cosgair.

U1477.3

Eachaidh, mac Eogain Meg Mathgamna, do ghabail le Brian, mac Remuinn Meg Mathgamna, a feall.

U1477.4

Aedh, mac Donnchaidh, mic Tomais Meg Uidhir, d'eg in bliadhain-si.

U1477.5

Brian, mac Concobuir Oig Meg Uidhir, .i. fer do bi lan d'einech & do deirc & do daenacht, a eg oidci Nodlaig, fo buaidh Ongtha & aithrighe.

U1477.6

Ruaidhri, mac Emuinn Meg Uidhir, do marbadh le Coin Connacht, mac Remuinn Riabhaigh, mic

p.262

U1477.7

Matha h-Ua Luinin d'eg in bliadhain-si: .i. oirchinneach na h-Arda & sai re sencus & a tuigsi gaca h-ealadhna.

U1477.8

Aillbhe, ingen Aedha Meg Uidhir, ben tuc h-i fein & a maithius bliadhain re m-bas do Mainistir Lesa Gabail, obiit 6 Kalendas Decimbris.

U1477.9

Donn, mac Eogain, mic Aedha Meg Uidhir, do marbadh le Donnchadh Og, mac Donnchaidh, mic Aedha cedna, 5 Kalendas Iulii.

U1477.10

Hic nata est Caterina, filia Caroli Iuuenis, in festo Sancti Patricii.