Corpus of Electronic Texts Edition
Annals of Ulster otherwise Annala Senait, Annals of Senat (Author: [unknown])

Year U1469

U1469.0

Kal. Ian. i. f., l. x.u., Anno Domini M. cccc. lx. ix.

U1469.1

Indsoighidh do denum do clainn Philib Meg Uidhir & d'Emonn, mac Tomais Oig Meg Uidhir, ar clainn Aedha Meg Uidhir a Mibolg & crecha mora do thabairt leo don turus-sin. & mac Donnchaidh, mic Aedha Meg Uidhir, do marbadh leo, .i. Brian Mainech.


p.224

Indsoighidh eile do dhenum do clainn Pilib Meg Uidhir ar clainn Aedha cetna a long & Eogan, mac Aedha Meg Uidhir, do marbadh leo don turus-sin (.i. aidhci feil Cros) & Flaithbertach, a mac & {fol. A 94b} Cormac h-Ua Manchain.

U1469.2

Risdeard Óg h-Ua Raighilligh d'h-eg in bliadhain-si i cinn mís do Shamradh.

U1469.3

Sluaighedh mor do dhenum in bliadhain-si leis h-Ua n-Domnaill, .i. Aedh Ruadh, mac Neill h-Ui Domnaill, a n-Ichtar Connacht. & braighdi Ichtair Connacht do ghabail do don turus-sin & h-Ua Domnaill do breith sluaigh Ichtair Connacht leis a cenn Mic Uilliam a Burc, .i. Ricard, mac Emainn Burc. & a n-dul assin d'innsoighidh ar Clainn Ricaird. & in Machaire Riabhach & Baile in Clair, .i. baile Mic Uilliam, do loscadh leo don turus-sin. & Mac Uilliam & Sil m-Briain do breith orra & {fol. B 88d} mac h-Ui Conchobuir Corcu Mruadh do marbadh leo. & h-Ua Domnaill do toighecht dia tigh don turus-sin fo buaidh cosgair & comaidme.

U1469.4

Ricard, mac Tomais A


p.226

Búrc, do marbadh le clainn t-Sheaain A Burc in bliadhain-si.

U1469.5

h-Ua Gadhra do eg in bliadhain-si, .i. sai gan uiresbaidh, .i. Eogan & a mac, .i. Eogan Óc.

U1469.6

h-Ua Cianain d'eg in bliadhain-si, .i. Tadhg, .i. sai senchaidh & fer tighi aidhedh, ar m-breith buadha o doman & o demhon.

U1469.7

Mac an t-Shabhaisigh, .i. Patraig Og Sabhais, do ghabail le Faitechaibh & tigernus Leithi Cathail do ghabail do Patraig Fait maille re cungnum h-Ui Neill (.i. Enri) & Mic Uibilin. & ar' mhair do Shabhaisechaibh do cur ar innarbadh doibh.

U1469.8

Domnall, mac Briain, mic Pilib, mic in Ghilla Duibh Meg Uidhir & Gilla Isu, mac Cormaic, mic Gilla Isu h-Ui Flannagain, do marbadh le clainn Aedh Mheg Uidhir & le Muinntir Manchain a purt Achaidh Inbhir, 9 Kalendas Septimbris.

U1469.9

Mairgrég, ingen Pilib mic in Gilla Duibh Meg Uidhir, .i. ben Mic Gilla Fhinnein, .i. Taidhg, mic Briain Mic Gilla Fhinnein, d'h-eg in bliadhain-si.

U1469.10

Toirrdelbach, mac Cathail Oig Mic Magnusa Meg Uidhir, d'eg in bliadhain-si.

U1469.11

Tadhg Dubshuilech, mac Mic Craith Meg Uidhir, do marbadh le clainn Aedha Meg Uidhir in bliadhain-si.

U1469.12

Diarmaid Bocht, mac Duinn Cathanaigh Mic Maghnusa Meg Uidhir, obiit.

U1469.13

Tomas Mag Sgoloigi obiit.

U1469.14

Seaan Buidhe, mac Seaain Moir Mheg Raith, .i. comorba Termoinn Dabheoig, d'h-eg in bliadhain-si & comorba do dhenum ina inadh do Dhiarmuid, mac Marcuis, mic Muiris Meg Raith.


p.228