Corpus of Electronic Texts Edition

Annals of Ulster otherwise Annala Senait, Annals of Senat (Author: [unknown])

Year U1467

U1467.0

{fol. A 93d} Kal. Ian. u .f., l. xx. iii., Anno Domini M. cccc. lx. uii.

U1467.1

Ri Oirgiall d'eg in bliadhain-si, .i. Eogan, mac Rughraidhe Meg Mathgamna & Remann, mac Rughraidhe, do righadh ina inadh for Oirgiall.

U1467.2

Toirrdelbach Ruadh, mac h-Ui Neill (.i. mac Enri), d'h-eg in bliadhain-si.

U1467.3

An Gilla Dubh, mac Pilib, mic Con Connacht Meg Uidhir do marbadh le muinntir Donnchaidh, mic Meg Uidhir, an bliadhain-si.

U1467.4

h-Ua Ferghail d'h-eg in bliadhain-si: .i. Domnall Buidhe, mac Domnaill h-Ui Fherghail, .i. taisech na h-Anghaile, d'h-eg.

U1467.5

Maidm mor (.i. Maidm Chroisi Mhaighe Croinn) do thabairt le Mac Uilliam Clainni Ricaird ar Ricard a Búrc, dú inar' marbadh Uilliam Caech a Burc

p.218

U1467.6

Mac Cathmail d'h-eg in bliadhain-si, .i. Eogan, fer einigh & egnuma & araile.

U1467.7

Sluaghadh mór do dhenum leis h-Ua Neill in bliadhain-si, .i. Enrí, mac Eogain, a n-Oirecht h-Ui Chathain. & don turus-sin do marbadh Tomas, mac Pilib Meg Uidhir (scilicet, 9 Kalendas Octobris): .i. fer a aisi dob' ferr tainig da duthaidh ina aimsir fein & araile.

U1467.8

h-Ua Ceallaigh Maine d'eg in bliadhain-si — .i. Aedh, mac Briain h-Ui Ceallaigh — iar forba a aisi & h-Ua Ceallaigh do dhenum do mac Uilliam h-Ui Ceallaigh.

U1467.9

h-Ua Raighilligh d'eg an bliadhain-si, .i. Cathal, mac Eogain, mic Seaain, h-Ui Raighilligh & Toirrdelbach, mac Seaain h-Ui Raighilligh, do righadh ina inadh.

U1467.10

h-Ua Cleircen d'h-eg, .i. Conaing, mac Uilliam, h-Ua Cleircen, sai re senchus & fer tighi aidhedh co coitchinn.

U1467.11

Niall, mac Mic Craith Mic Mathgamna, .i. Oifficel Locha h-Erne & persun Innsi Cain, d'eg in bliadhain-si ii. Kalendas Ianuarii.

U1467.12

Edain, ingen Pilib Meg Uidhir, .i. ben Cormaic Meg Samradhain, d'h-eg.

U1467.13

Donn, mac Cairpri Meg Uidhir, d'h-eg in bliadhain-si.