Corpus of Electronic Texts Edition

Annals of Ulster otherwise Annala Senait, Annals of Senat (Author: [unknown])

Year U1465

U1465.0

Kal. Ian. iii. f., l. i., Anno Domini M. cccc. lx. u.

U1465.1

Ben h-Ui Neill (.i. Enri) d'h-eg in bliadhain-si, .i. Gormlaith Caemánach, ingen Mic Murchadha, .i. ingen righ Laighen.

U1465.2

Ben Mic Cathmhail (.i. Eogan) d'h-eg in bliadhain-si, .i. Una, ingen h-Ui Neill (.i. Enri).

U1465.3

Mac Rithbertaigh d'eg in bliadhain-si, .i. Cu Chonnacht, ollam Meg Uidhir re dan.

U1465.4

Tomas, mac Muiris, mic Matha, .i. ab Leasa Ghabail, d'eg 6 Kalendas Iulii.

U1465.5

Art, mac Seaain Mhóir, mic Muiris Meg Raith, d'h-eg, .i. decanach Locha h-Erne.

U1465.6

Aenghus, mac Domnaill Ballaigh Mic Domnaill, do marbadh a nn-Earrach na bliadhna le h-Eoin, mac Alexandair. & Domnall, mac an n-Easbuig Mic Domhnaill, do buail h-e d'en buille cloidhim, .i. Anno Domini 1465, alias, 1465 ¹.

U1465.7

{fol. A 93c}Feall do dhenum do Domnall, mac Taidhg h-Ui Ruairc, ar Mac Conshnama in bliadhain-si, .i. é fein, & a

p.214

U1465.8

Ir Mag Raghnaill d'eg in bliadhain-si.

U1465.9

Enri, mac Briain Ballaigh h-Ui Neill, d'h-egh hoc anno.

U1465.10

Seaan Dubh, mac Donnchaidh, mic Aedha Mag Uidhir, do marbadh le Seaan, mac Pilib Meg Uidhir & le clainn Briain, mic Pilib Mheg Uidhir.

U1465.11

Eoin, mac Alasdair, mic Eoin Mhoir Mic Domnaill, do marbadh le Conn, mac Aedha Buidhe h-Ui Neill, la roimh fheil Michil & moran eile maille ris A.D. 1465, alias, 1465 ².