Corpus of Electronic Texts Edition

Annals of Ulster otherwise Annala Senait, Annals of Senat (Author: [unknown])

Year U1461

U1461.0

Kal. Ian. u. f., l.x.ui., Anno Domini M. cccc. lx. i.

U1461.1

Aedh Ruadh h-Ua Domnaill & a braithrecha, .i. Eogan & Conn, do dhola o Thir Aedha tar sliabh soir a Tir Conaill. h-Ua Domnaill & a braithri, .i. Toirrdelbach Cairbrech, mac Nechtain h-Ui Domnaill, do thegmail doibh & cumusg do thabairt da cheile doibh. Aedh Ruadh & a braithri do briseadh ar h-Ua n-Domnaill & a ghabail leo. & a derbrathair do marbadh don turus-sin leo, .i. Maghnus h-Ua Domnaill. & do beanadur cos & lamh do h-Ua Domnaill fein. Aedh Ruadh do righadh ar Tir Conaill iar sin leis h-Ua Neill & le comarbadhaibh Tire Conaill co h-aentadhach, do thoil De & daine & araile.

p.204

U1461.2

{fol. B 87b}Feidhlim, mac Eogain mic Neill Oig h-Ui Neill, do eg do bidhg ina leabaidh fein in bliadhain-si: .i. fer einigh & egnuma & cenn damh & deoraidh Erenn & nech is mo ro cennaigh do dhan & d'eladhain & ro bo mo duanaire do bi i n-Erinn ina aimsir. & fa bronach dama Erenn ina dhiaigh dia cumaidh.

U1461.3

h-Ua Concobhuir Connacht do eg in bliadhain-si; .i. Aedh, mac h-Ui Concobuir Duinn.

U1461.4

Tadhg, mac Cormaic, mic Diarmata Meg Carrthaigh, d'h-eg in bliadhain-si.

U1461.5

Aenghus Mag Craith d'eg, .i. sai fir dana.

U1461.6

Cath, no a dó, mor do thabairt eter ri Saxan & Diuice Oderca. An Duic dono do marbadh isin cath si & ri Saxan {fol. A 93a} fein do innarbadh le mac an Duice & é fein do righadh for Shaxanaibh ina ínad & araile.

U1461.7

Maghnus, mac Briain, mic

p.206

U1461.8

Mac Cathmail d'h-eg in bliadhain-si, .i. Brian Mac Cathmail & Mac Cathmail do denum d'Eogan Mac Cathmhail & araile.