Corpus of Electronic Texts Edition

Annals of Ulster otherwise Annala Senait, Annals of Senat (Author: [unknown])

Year U1460

U1460.0

Kal. Ian. iii. f., l.u., Anno Domini M. cccc. lx.

U1460.1

Mag Samradhain d'h-eg in bliadhain-si, .i. Eogan Mag Samhradhain.

U1460.2

Tomas Nuinnsenn do eg in bliadhain-si, .i. mac Uilliam Nuinnsenn, .i. Gallmacámh sona, sénamail.

U1460.3

An t-espuc h-Ua Briain, .i. espuc Chille Da Lua, do marbadh le Brian an Choblaigh, mac Donnchaidh, mic Mathgamna h-Ui Briain, a n-Inís Cluana Ramfhoda, in bliadhain-si.

U1460.4

Mac Caba do eg an bliadhain-si, .i. Enrí Mac Caba, .i. sai Consabla ar eínech & ar eghnum & ar crabadh. & fa lan Eire da maithius & araile.

U1460.5

Maidm mor do thabairt ar Ghallaibh an bliadhain-si leis h-Ua Concobuir Fhailghi, .i. Conn, mac an Calbaigh, du i torchair Barun Galatruim & moran aile do Ghallaibh nach airmither sunn.

U1460.6

Maidm {fol.A 92d} mor do thabairt ar h-Ua Raighilligh le Ghallaibh in bliadhain-si & h-Ua Raighilligh (.i. Seaan) do marbadh ann 3 Nonas Septimbris & Aedh h-Ua Raighilligh & Eoghan Caech, mac Mathgamna Mic Caba. & ní tainig o Cathal Croibhderg h-Ua Conchobhair sgel Connachtaigh budh mo ina 'n sgel-sin, .i. Seaan, mac Eogain, mic Seaain, mic Pilib, mic Gilla Isa Ruaidh h-Ui Raighilligh. & do bi Eire uile lan do cumaidh an righ-sin an da Breifne & do badur dama & deoraidh Erenn & deibléna bochta co cumthac ina dhiaigh & a n-diaigh a derbrathar, .i. Aedh h-Ua Raighilligh.

p.202

U1460.7

Aedh Ruadh mac Neill h-Ui Domnaill, do légan as a laimdechus do h-Ua Neill, .i. Enrí, in bliadhain-si.

U1460.8

Concobur Ruadh Mac Caba 13 Kalendas Ianuarii obiit.

U1460.9

h-Ua Caiside Cuile d'h-eg in bliadhain-si, .i. Cormac, mac Ruaidhri, mic Tadhg Moir h-Ui Chaisidi.