Corpus of Electronic Texts Edition

Annals of Ulster otherwise Annala Senait, Annals of Senat (Author: [unknown])

Year U1458

U1458.0

Kal. Ian. i. f. l. x.iii., Anno Domini M. cccc. l. uiii.

U1458.1

{fol. B 87b}h-Ua Concobuir Fhailghi d'h-eg in bliadhain-si, .i. in Calbach Ua Concobuir, iar forba a aise uile; .i. fer as mo do bean do Gallaibh Erenn da n-ainndeoin ocus is mo do tinnlaic do damaibh & d'fhiledaibh Erenn archeana. & a mac fein do righadh ína ínadh, .i. Conn h-Ua Concobuir & araile.§

U1458.2

Mag Samradhain do eg in bliadhain-si, iar caithemh a aisi uile re maitius mór, .i. Tomas, mac Ferghail Meg Samradhain.

U1458.3

h-Ua Ruairc d'h-eg in bliadhain-si, .i. Lochlainn, mac Taidhg h-Ui Ruairc, .i. lethri na Breifne, iar caithemh a aisi uile.

U1458.4

Sluaghadh mor do dhenum do h-Ua Neill, .i. Enri & d'h-Ua Domnaill & do Mhag Uidhir i Connachtaibh & tuc braighdi Ichtair Connacht leis don turus-sin. & do loisc baile h-Ui

p.196

U1458.5

Art h-Ua Neill d'h-eg in bliadhain-si, .i. mac Eogain, mic Neill Oig h-Ui Neill, .i. cenn eínígh & egnuma & araile.

U1458.6

Mac Uilliam a Búrc d'h-eg in bliadhain-si, .i. Emann a Búrc.

U1458.7

Sémus Nuindsind d'h-eg in bliadhain-si, .i. mac Baruin Delbhna, .i. cenn fedhna rob' fherr do bi isin Mídhe.

U1458.8

Mac Diarmata Muighi Luirg d'h-eg: .i. Tomaltach, mac Concobair Mic Diarmata, feichemh coitchenn do damaibh Erenn. & a mac d'h-eg in bliadhain-si fós, .i. Cathal Mac Diarmata, .i. adhbur righ Muighi Luirg gan fhrasabhra. & Aedh Mac Diarmata do righadh ina ínadh & araile.

U1458.9

Seffraigh, mac Emainn, mic Tomais h-Ui Ferghail, do marbadh le Seaan, mac h-Ui Fherghail, .i. mac Domnaill, mic Seaain, mic Domnaill h-Ui Fherghail & le clainn Concobair, .i. le Laisech, mac Rosa, & araile: scilicet, 9 Kalendas Augusti.

U1458.10

Una, ingen Tomais Meg Uidhir, obiit.

U1458.11

Gilla Patraig, mac Aedha h-Ui Fhialain, .i. fer fonnmur, binn, subhaltach, d'eg in bliadhain-si, 16 Kalendas Septimbris.

U1458.12

Aedh Dall Mag Diarmata, .i. daillín do ghabadh moran dana & fer cuimne ro moire ar gach ní da chluineadh & co h-airighe ar aesaibh & ar airísaibh na n-daine, obiit 4 Kalendas Septimbris.

U1458.13

Tempoll Achaidh Beithi do loscadh in bliadhain-si & moran do lebraibh maithibh do loscadh ann on Oifficel Mac Mathgamna, .i. o Níall, mac Mic Craith Mic Mathgamna.

p.198