Corpus of Electronic Texts Edition
Annals of Ulster otherwise Annala Senait, Annals of Senat (Author: [unknown])
Year U1456
U1456.0
{fol. B 87b} Kal. Ian. u. f., l. xx.i., Anno Domini M. cccc.
l. ui.
U1456.1
Sgel mor a n-Erinn an bliadhain-si, .i. h-Ua Neill d'eg, .i. Eogan, mac Neill Oig, mic Neill Moir, .i. athair Enri (.i. h-Ua Neill).
U1456.2
Cogadh mor d'eirghi eter h-Ua Neill & ri Thire Chonaill, .i. Domnall, mac Neill h-Ui Domnaill. O Neill, .i. Enri & Mag Uidhir do dhul, sluagh mor, a n-Inis Eogain & longport do ghabail doibh gairid o chaislen Chuil Mic an Trein. h-Ua Domnaill & Aedh Ruadh h-Ua Domnaill, .i. derbrathair h-Ui Domnaill &
Mac Suibne Fanad do thecht ar tri h-eachaibh asa sluagh fein do breith sgel h-Ui Neill leo & tangadur ar faichthi Cuil Mic an Trein. Clann h-Ui Neill, .i. Toirdelbach Ruadh & Ruaidhri, do thecht an trath-sin gairid on chaislen. & adconncadur an triur marcach & do leanadur iad & do marbadh h-Ua Domnaill
p.188
U1456.3
Donnchadh, mac Gilla na Naem Meg Sgoloigi, .i.
maighister sgoile do bi a Lis Gabail, quieuit.
U1456.4
Nicol Mag Arachain d'h-eg.
U1456.5
Graine, ingen Aedha, mic
Ardghail, buime in abbaidh oig Lesa Gabail, .i. Briain,
mic Gilla Patraig, d'h-eg in bliadhain-si.