Corpus of Electronic Texts Edition
Annals of Ulster otherwise Annala Senait, Annals of Senat (Author: [unknown])

Year U1455

U1455.0

Kal. Ian. iiii. f., l. x., Anno Domini M. cccc. l. u.

U1455.1

Cumsgrach, mac Conchobair h-Ui Raighilligh, d'h-eg in bliadhain-si.

U1455.2

Cogadh mor d'eirghi eter Pilib, mac Tomais Meg Uidhir, .i. adhbur righ Fer Manach & Mag Shamradhain. Pilib do dhenam fhoslongpuirt ag Beinn Echlabra. Clann Philib do dul, becan fedhna, a Teallach Eathach, .i. Brian & Toirrdelbach. & ní rabadur d'fheaghain ar in {fol. A 91c} sibal-sin acht secht fichit coisidhe & da fher deg marcach. Baile Meg Shamradhain do loscadh leo & an tir uile co h-imslan. Mac Meg Samhradhain do marbadh don turus-sin, .i. Mailechlainn Dubh & mac Eogain Meg Shamradain & moran


p.184

aile dia muinntir. Clann Pilib do thoighecht dia tigh don turus-sin fa buaidh cosgair & comaidhme & araile.

Toirrdelbach cetna, mac Pilib Meg Uidhir, do dhola co Loch Meilghi & crannog Meg Fhlannchadha do ghabail & do airgain leis don turus-sin & a toighecht fein dia thigh fo buaidh cosgair.

U1455.3

h-Ua Neill do rigadh an bliadhain-si for Ulltaibh, .i. Enri, mac Eogain, mic Neill Oig h-Ui Neill, .i. mí re Lughnasadh do shonnradh. h-Ua Cathain & Mag Uidhir & Mag Mathgamna & Clanna Neill uile & Comarba Patraig do dhola leis co Tulach Og & a righadh ann leo co h-onorach do dheoin De & daine & araile.

U1455.4

Maine, mac Mailechlainn Mic Caba, do eg an bliadhain-si, .i. adhbur Consabla in da Breifne & Oirgiall & Fer Manach ar einech & ar eaghnum & araile.

U1455.5

Logadh na n-uile pecadh an bliadhain-si ag ab na h-Uaamha, .i. ag Seon Bul, ag a thabairt amach a Mainistir na h-Uaama, in festo Pentecostes.

U1455.6

h-Ua Caisidi Cuile d'h-eg in bliadhain-si, .i. Diarmait Ruadh, mac Neill Ruaidh, mic Oisep h-Ui Chaiside & araile.

U1455.7

Nualaigh, ingen Cathail Moir Mic Maghnusa, d'h-eg in bliadhain-si.

U1455.8

Biccair Chuile Maine, .i. Conchubar, mac Nicoil, mic


p.186

Murchaidh (.i. in Maigister Mor) Mic Gilla Chalma, d'h-eg hoc anno, scilicet, iii. Idus Aprilis, A.D. 1455.