Corpus of Electronic Texts Edition

Annals of Ulster otherwise Annala Senait, Annals of Senat (Author: [unknown])

Year U1453

U1453.0

{fol. B 86d} Kal. Ian. ii. f., l. x.uiii. Anno Domini M. cccc. l. iii.

U1453.1

Mac Carrthaigh Riabhach do eg an bliadhain-si: .i. Donnchadh, feichem coitchenn d'fheraibh Erenn & Alban. & Diarmait an dunaidh do righadh ina inadh & araile.

U1453.2

Mag Mathgamna do eg in bliadhain-si: .i. Aedh Ruadh, mac Rughraidhe, .i. fer cunnaill, craibtech, rob' ferr einech & eghnum dia thir & rob' ferr aitne ar gach eladhain da cluinedh, a eg oidhci Casc ina thigh fein 'sa Lurgain & a adhlacadh a Cluain Eóis. & Feidhlimidh, mac Briain Moir Megh Mathgamna, do righadh ina inadh ar Oirghiallaibh & araile.

U1453.3

Cormac, mac in Gilla Duibh, mic Aedha, mic Pilib, mic Amlaim, mic Duinn Charraigh Meg Uidhir, obiit 16 Kalendas Iulii.