Corpus of Electronic Texts Edition
Annals of Ulster otherwise Annala Senait, Annals of Senat (Author: [unknown])

Year U1451

U1451.0

{fol. A 90c} Kal. Ian. ui. f., l. xx.ui., Anno Domini M. cccc. l. i.

U1451.1

Mag Uidhir do thoighecht on Roim i tosach na bliadhna-sa, .i. Tomas Og, mac Tomais. & ba failigh imorro Gaill & Gaidhil Erenn & dama & deoraidh archena tria na toighecht a n-Erinn.

U1451.2

{fol. B 86c}Mairgreg, ingen h-Ui Cerbaill, .i. ingen righ Eile, ben h-Ui Concobuir Fhailghi, .i. in Calbach, mac Murchaidh h-Ui Concobuir—bean is ferr tainíc ina h-aimsir í n-Erinn & tuc si da gairm coitcenna da roib re h-iaraidh spreidhe a n-Erinn & a n-Albain—a h-eg fa feil Brigde na bliadhna-sa fa buaidh n-aithrighe. & fuair a mac bas in sechtmain cetna, .i. Feidhlim, mac h-Ui Conchobuir & araile.

U1451.3

Mainistir in Chabhain do losgadh in bliadhain-si (.i. sa fheil Brenainn).
[gap: erasure/extent: 9 lines]


p.172

U1451.4

Mairgreg, ingen Briain, mic Enri h-Ui Neill, .i. ben Ruaidhrí Caich, mic Tomais Moir Mheg Uidhir, d'h-eg 4 Nonas Iulii.

U1451.5

Mac taisigh Muinntiri Peodachain, .i. Eogan, mac Concobair Mic Gilli Fhinnein & Gilla Patraig, mac mic Cathail Buidhe Mic Gilli Fhinnein, do marbadh le Coin Connacht, mac Seaain, mic Con Connacht Meg Uidhir, 6 Idus Februarii.

U1451.6

Brian Balbh, mac Osgair, d'h-eg 5 Kalendas Aprilis.