Corpus of Electronic Texts Edition

Annals of Ulster otherwise Annala Senait, Annals of Senat (Author: [unknown])

Year U1449

U1449.0

Kal. Ian. iiii. f., l. iiii., Anno Domini M. cccc. xl. ix.

U1449.1

Eogan, mac Seaain h-Ui Raighilligh, .i. rí an da Breifne, do eg an bliadhain-si ím fheil Patraig: .i. fer do chosain a cricha ar a comursannaibh co comlan. A eg fo buaidh aithrighi & a adhnucal i Mainistir an Chabhain. Da righ do dhenum 'sa Breifne a n-aghaidh a cheile in bliadhain-si: .i. Ferghal, mac Tomais Mhoir {fol. A 90a} h-Ui Raighilligh, do righadh do Ghallaibh & do Domnall, mac Seaain h-Ui Raighilligh, & Seaan, mac Ui Raighilligh, do righadh d'Ua Neill & do Mag Mathgamna & araile.

U1449.2

Donnchadh, mac Tigernain h-Ui

p.164

U1449.3

Brian Og h-Ua Neill do eg in bliadhain-si.

U1449.4

Espuc Clochair do shacrail in bliadhain-si le h-airdespuc Arda Macha a n-Droiched Atha: .i. Rosa, mac Tomais Oig Meg Uidhir (.i. ri Fer Manach). & ider da Nodlaig do-ronadh & ni dernad co minic riam bainnsiughadh la h-espuc bud mo ina 'n bainnsiughadh-sin do-roine Ros Mag Uidhir a n-Droiched Atha & araile.

U1449.5

Mor, ingen Aedha, mic Pilib na Tuaidhe Mheg Uidhir, .i. ben Airt, mic Eogain h-Ui Neill, d'h-eg.

U1449.6

Emonn, mac Briain Bailbh, mic Osgair, do eg Idibus Maii.

U1449.7

Maghnus Buidhe, mac Cairpri, mic Duinn Mheg Uidhir, obiit 5 Kalendas Iunii.

U1449.8

Maghnus Buidhe, mac Gilla Phadraig, mic Mhatha Mic Maghnussa, d'h-eg an bliadhain-si.