Corpus of Electronic Texts Edition

Annals of Ulster otherwise Annala Senait, Annals of Senat (Author: [unknown])

Year U1448

U1448.0

Kal. Ian. ii. f., l. xx.iii., Anno Domini M. cccc. xl. uiii.

U1448.1

Cu Connacht, mac Pilib Meg Uidhir, do eg in bliadhain-si, .i. mí iar m-Belltaine, fo buaidh aithrighe & adhlacudh a tempoll Achaidh Urchaire.

U1448.2

h-Ua h-Uiginn d'eg an bliadhain-si: .i. Tadhg Og, .i. oide sgol Erenn & Alban a n-dan & a foghluim & fer tighi aidhedh do cliaraibh & do dheoradhaibh Erenn co coitcenn. A eg iar m-buaidh aithrighi & Tuathal h-Ua h-Uiginn d'fhollomnughadh ina inadh & araile.

U1448.3

(Brian Mac Gilla Coisgle & Caterina Inni Ceallaigh, a companach, do bathadh ar purt Arda Ui Luinin an bliadhain-si, 8 Idus Februarii.)