Corpus of Electronic Texts Edition

Annals of Ulster otherwise Annala Senait, Annals of Senat (Author: [unknown])

Year U1446

U1446.0

Kal. Ian. uii. f., l. i., Anno Domini M. cccc. xl. ui.

U1446.1

Rughraidhe (.i. mac Ardgail) Mag Mhathgamna, .i. ri Oirghiall d'ég in bliadhain-si: .i. fer einigh & eghnuma.

U1446.2

Diarmaid Ruadh, mac Taidhg h-Ui Concobair, do mharbadh le clainn Toirrdelbaigh h-Ui Conchobuir & araile.

U1446.3

Tadhg Mag Fhlannchadha do marbadh la Cormac, mac h-Ui Fhlannagain.

U1446.4

Brian h-Ua Dubda do marbadh le Tír Amhalghaidh.

U1446.5

Emonn, mac Mic Muiris Ciaraidhe, do marbadh le Cormac, mac Eogain Meg Carrthaigh.

U1446.6

{fol. A 89c}Greas do denum ar Toirrdealbach Mag Uidhir a Muinntir Pheodachain le cloinn Mic Gilla Finnein & bean Thoirrdhealbaigh, .i. ingean Tighernain, mic Taidhg h-Ui Ruairc, do losgadh ann & Colla, mac Con Chonnacht, mic Seaain, mic Con Chonnacht Meg Uidhir, do mharbadh ann, 1446 Anno Domini. & cuid do Shlicht Gilla Finnein do crochadh le Toirrdhealbach trid-sin.

U1446.7

Feidhlim, mac Seaain h-Ui Ruairc, do marbadh le cloinn Lochlainn h-Ui Ruairc.

U1446.8

Donnchadh, mac Airt Mic Diarmata, do marbadh le Branachaibh.

U1446.9

{fol. B 86a}Mac Daibith Ruaidh Puidher d'h-eg: .i. Gallmacamh dob' fherr eínech do Muimnechaibh.

U1446.10

h-Ua Cobhthaigh, .i. Domnall, do marbadh le clainn mic Airt h-Ui Mailechlainn ar Cro Ínis Locha h-Ainnind: .i. sai fhir dana & saí cinn-fhedhna.

U1446.11

Adhamh[lt ], mac Matha (Moir) h-Ui Luinin,

p.158

U1446.12

Fínemhain, ingen Mic Tomais, caillech dubh craibdhech, d'eg.

U1446.13

Eoin h-Ui Leannain, prioir Mainistrech Lesa Gabhail, d'eg 4 Idus Septimbris.

U1446.14

Domnall h-Ua Mailigen, .i. duine bocht, duthrachtach do Dhia, d'h-eg.

U1446.15

Gilla Patraig h-Ua Leannain d'h-eg in bliadhain-si.