Corpus of Electronic Texts Edition

Annals of Ulster otherwise Annala Senait, Annals of Senat (Author: [unknown])

Year U1445

U1445.0

Kal. Ian. ui. f., l. xx., Anno Domini M. cccc. xl.u.

U1445.1

Sluaghadh mor do dhenum d'h-Ua Domnaill co Sligech & do Pilib Mag Uidhir & do clainn Aedha Meg Uidhir le clainn Eogain h-Ui Concobuir. Sligech do loscadh leo don turus-sin for Toirrdelbach Carrach h-Ua Concobuir, .i. mac Domnaill, mic Muircertaigh h-Ui Concobuir & Mac Donnchaidh Thire h-Oilella do marbadh leo, .i. Tomaltach Mac Donnchaidh, & a toighecht dia tigh don turus-sin fa buaidh cosgair & comaidhme.

U1445.2

Ruaidhri, mac Tomais Meg Uidhir, .i. mac do righ Fher Manach, do eg in bliadhain si (.i. 4 Idus Februarii) do bidg.

U1445.3

Taisech na h-Anghaile (h-Ua Fergail) d'h-eg in bliadhain-si: .i. Uilliam h-Ua Ferghail & araile.

U1445.4

Donnchadh Ballach Mag Samradhain d'eg in bliadhain-si: .i. adbur taisigh Thellaigh Eathach.

U1445.5

Mac Gilla Finnein d'eg in bliadhain-si: .i. Brian Mac Gilla Fhinnein, taisech Muinntiri Peodachain, .i. fer einígh & egnuma & cosanta a tire ar a comursannaibh, obiit 8 Idus
[gap: illegible/extent: 1 word]

1445.6

Mac Goffraigh Ruaidh Meg Uidhir do eg

p.156

U1445.7

Tomas h-Ua Leannain, cananach & sacrisda Mainistrech Lesa Gabail, d'h-eg.