Corpus of Electronic Texts Edition
Annals of Ulster otherwise Annala Senait, Annals of Senat (Author: [unknown])

Year U1444

U1444.0

Kal. Ian. iiii. f., l. ix., Anno Domini M. cccc. xl. iiii.

U1444.1

Mathgamain h-Ua Briain do dhalladh an bliadhain-si & a athrighadh lena derbrathair fein, .i. Toirrdelbach h-Ua Briain & Toirrdelbach fein do righadh for Tuadhmuman.

U1444.2

Taisech Clainni Cuilein d'h-eg: .i. Sida Cam Mac {fol. B 85d} Con Mara.

U1444.3

Aedh Buidhe h-Ua Neill do marbadh in bliadhain-si: .i. feichemh coitchenn do damaibh Erenn & Alban e: .i. a lot a sechtmuin na Paisi & a eg in Estate huius anni.

U1444.4

Gilla Michil h-Ua Tresaigh d'h-eg.

U1444.5

{fol. A 89b}Eoghan, mac Domnaill mic Muircertaich h-Ui Concubair, do marbhadh um feil Brenainn na bliadhna-sa d'urchur do shaighid.

U1444.6

Maidm Bealaigh Curdhit ar Eogan, mac Neill Oig h-Ui Neill, le cloinn Mic h-Ui Neill Bhuidhe, inar' marbadh Mac Domnaill Galloglach, Consabla h-Ui Neill (Ballaigh), .i. Toirrdelbach, mac Mic Domnaill & inar' gabad braighde imdha eile.

U1444.7

Graine, ingen Domnaill h-Ui Daimin, companach Maigister Deinis Mic Gilla Coisgle, d'h-eg, .i. cananach coradh Clochair, 5 Kalendas Iulii.

U1444.8

Dubchablaigh, ingen Tomais Meg Uidhir, .i. ri Fer

p.154

Manach, d'h-eg in bliadhain-si: .i. ben Eogain Mic Cathmhail, cenn derci & daenachta imorro in ben-sin

U1444.9

Matha Mac Gilla Lasair, .i. an Cleirech Ruadh, d'h-eg 5 Kalendas Nouembris.

U1444.10

Cathal Garbh Mac Gille Fhinnein obiit pridie Kalendas Nouembris.