Corpus of Electronic Texts Edition

Annals of Ulster otherwise Annala Senait, Annals of Senat (Author: [unknown])

Year U1442

U1442.0

{fol. A 89a} Kal. Ian. ii. f., l. xui., Anno Domini M. cccc. xl. ii.

U1442.1

Seaan Mag Uidhir & Donn Mag Uidhir, .i. da mac do Pilib Mag Uidhir, do righ Fer Manach, d'h-eg in bliadhain-si.

U1442.2

Brian, mac Ardghail Meg Mathgamna, .i. ri Oirghiall, do eg in bliadhain-si iar m-buaidh aithrighe.

U1442.3

Mag Uidhir, .i. Tomas Og, do thabairt caislein Innsi Ceithlinn (Innsi Sgeithlinn) do Pilib Mag Uidhir tareis Emainn, mic Tomais Oig, do legan amach.

U1442.4

Enri, mac Eogain h-Ui Neill, do dhul ar Galltacht & Gaill do thabairt leis don turus-sin. & h-Ua Neill, .i. a athair, do toighecht, sluaigh linmura, a comdhail Enri & Gall co caislen na Finne. h-Ua Domnaill do toighecht cuca, .i. Nechtain & sith do dhenum ris h-Ua Neill dó & an caislen do thoirbert d'h-Ua Neill & Cinel Moein uile & cis Indsi h-Eogain. & Enri d'fhagbail barda 'sa caislen. h-Ua Neill & Enri co thoighecht dia tigh don turus-sin & araile.

U1442.5

Cerball h-Ua Corcrain do eg in bliadhain-si.

U1442.6

Donnchadh, mac mic Taidhg, d'h-eg.