Corpus of Electronic Texts Edition

Annals of Ulster otherwise Annala Senait, Annals of Senat (Author: [unknown])

Year U1441

U1441.0

Kal. Ian. i. f., l. u., Anno Domini M. cccc. xl. i.

U1441.1

Mac Domnaill Clainni Ceallaigh (.i. Aedh) do marbadh le clainn Duinn, mic Con Chonnacht Meg Uidhir,

p.148

U1441.2

Creacha mora do dhenum le Mag Uidhir, .i. Tomas Óg, for clainn Annaidh Mic Domnaill & mac do mac Emainn Mic Domnaill do marbadh leis don turus-sin.

U1441.3

Conchobur Óg Mhag Uidhir, do eg in bliadhain-si, iar cur an t-saeghail de, fa buaidh o doman & o deman.

U1441.4

{fol. B 85c}h-Ua Mail Conaire do eg in bliadhain-si: .i. Mailín, mac Tanaidhe, ollam Sil Muiredhaigh re senchus & cenn cadhais & onóra Erenn ína aimsir fein, a ég fa fheil Beraigh & araile.

U1441.5

Piarus Cam h-Ua Luinín d'h-eg in bliadhain-si: .i. sai senchaidhe & fer dana & oirchinnech na h-Arda & Trin Airigh Maelain & fer cadhais & onora moire & fer da tuc Dia aibh & grasa co mór, a eg fa buaidh o doman & o dhemhon & araile.

U1441.6

Mac Donnchaidh Thiri h-Oilella do eg ín bliadhain-si iar m-buaidh aithrighe: .i. Concobur Mac Donnchaidh, feichem coitchenn do cliaraibh Erenn ina aimsir fein e.

U1441.7

Gilla na Naem Mag Sgoloigi, biccair Clain Innsi, obiit 15 Kalendas Maii.

U1441.8

Brian Riabach Mac Gilla Fhinnein & Cathal h-Ua Maileigen do eg 16 Kalendas Decimbris.

U1441.9

Medbh, ingen in Abbaidh Mic Gilla Fhinnein, d'eg.

U1441.10

Gilla Patraig h-Ua Mael Uidhir, abb Clochair, do eg ii. Kalendas Ianuarii.

U1441.11

Isibél, ingen in Airchideochain Moir, obiit 5 Kalendas Ianuarii.

U1441.12

Bean Muman, ingen Meg Dhorchaidh, bean Meg Confraich, obiit 5 Idus Ianuarii.

U1441.13

Muircertach (an t-Airchideochain), mac Cathail Moir Mic Maghnusa, .i. airchideochain

p.150

U1441.14

(Aine, ingen Emainn Meg Samhradhain, d'eg.)