Corpus of Electronic Texts Edition

Annals of Ulster otherwise Annala Senait, Annals of Senat (Author: [unknown])

Year U1438

U1438.0

Kal. Ian. iiii. f., l.ii., Anno Domini M. cccc. xxx. uiii.

U1438.1

Concobur Mac Aedhagain do eg in bliadhain-si: .i. ollam Clainni Ricaird, .i. sai breithemnuis & araile .

U1438.2

Donnchadh, mac Sigraigh h-Ui Cuirnin, do eg in bliadhain-si: .i. sai le sencus.

U1438.3

An t-espuc h-Ua Gallcobhuir (.i. Lochloinn) do eg an bliadhain-si.

U1438.4

Pilib, mac {fol. A 88c} Tomais Mheg Uidhir (.i. mac an Gilla Duib), do ghabhail lena braithribh fein: .i. Tomas Og, ri Fer Manach & Ruaidhri & Domnall do dhenum comaenta chuigi & a ghabhail doibh a caisdel Mheg Uidhir.

U1438.5

h-Ua Dalaigh Breifne (.i. Aedh) do eg in bliadhain-si: idon, ollam h-Ui Raighilligh re dan.

U1438.6

Prioir Chille Maighnenn do eg in bliadhain cetna.

U1438.7

Aedh, mac in abaidh Mic Gillu Fhinnein (.i. Aengus), d'eg in bliadhain-si. Gilla Patraig, mac ín abaidh Mic Gilla Fhinnein & Cathal Dub, mac Concobuir Mic Gilla Fhinnein, id est, germani Abbatis, occissi sunt pridie Kalendas Maii.

U1438.8

(Hic natus est Carolus Iuuenis, filius Caroli Iuuenis, nepos, scilicet, Caroli Magni Mic Magnusa, scilicet, Anno Domini 1438, mense Februarii.)

p.144