Corpus of Electronic Texts Edition
Annals of Ulster otherwise Annala Senait, Annals of Senat (Author: [unknown])

Year U1429

U1429.0

Kal. Ian. uii. f., l. xx.iii., Anno Domini M. cccc. xx. ix.

U1429.1

h-Ua Flannagain Tuaithi Ratha, .i. Gilla Isu, dho marbadh in bliadhain-si le clainn Aedha Meg Uidhir 'n-a thigh fein, ar greis aidhce.

U1429.2

Cocadh mor d'eirghi in bliadhain-si eter h-Ua Ruairc, .i. Tadhg & h-Ua Raighilligh, .i. Eogan. & clann Mathgamna h-Ui Raighillaigh & Gaill na Midhe d'eirghi a n-aghaidh h-Ui Raighilligh & baile h-Ui Ra{fol. A 85d}ighilligh do loscadh leo. h-Ua Raighilligh do thabairt h-Ui Neill chuige & Oirgiall & Fher Manach. & a caeraidhecht do gluasacht do leis h-Ua Neill & leisna maithibh-sin co h-Achaidh Cille Moire. h-Ua Ruairc & clann Mathgamna & Barun Dealbhna & Mac Caba do thecht, sluagh mor, cucu ar Achaidh Cille Moire. An da shluagh do dhul a coinne a cheile ar in Achaidh-sin. h-Ua Neill & a clann & a galloglaich & Fir Mhanach & h-Ua Raighilligh & a braithri do dhul chuca annsin co sona, senamhail & maidm Achaidh Cille Moire do thabairt orra. & Barun Delbhna do ghabail ann & Mac Caba & Enri Mac Caba & Diarmaid h-Ua Ruairc & daine aili nach airmiter sunn do ghabail & do marbadh ann. h-Ua Neill & na maithi-sin do thoighecht co cosgurach dia tighibh don turus-sin.

U1429.3

Donnchadh Mac Gille Fhinnein obiit pridie Kalendas Decimbris.


p.108

U1429.4

(Hoc anno natus est, ut fertur, h-O Dhomnaill, rí Thire Conaill, .i. Aedh Ruadh, mac Neill, mic Toirrdealbaigh, mic Neill Ghairbh h-Ui Dhomnaill.

U1429.5

Pol, mac Gilla na Naem, mic Gilla Caba h-Ui Caiside, .i. liaigh clumar, athasach do bhigh ag Conchubhar Ruadh Mhag Uidir & ag Rugraidhe Mhag Mhathghamhna gu h-onorach, rimhiadhach & fear subhaltach, suairc, d'h-eg an bliadhain, scilicet, 1429 Anno Domini.)