Corpus of Electronic Texts Edition

Annals of Ulster otherwise Annala Senait, Annals of Senat (Author: [unknown])

Year U1428

U1428.0

Kal. Ian. u. f. l. x.ii., Anno Domini M. cccc. xx. uiii.

U1428.1

Comhorba Caíllín d'h-eg in bliadhain-si: .i. Roiberd, comorba.

U1428.2

Mac Con Mara d'h-eg in bliadhain-si: .i. taisech Clainni Cuilein; .i. sai derchec, deigheinigh ; .i. mac Con Mic Con Mara. & is e in mac Con-sin tuc sogh & sith a Clainn Cuilein ar tus & do coisc sladaighecht & droch chuinghill 'na dhuthaidh & araile.

U1428.3

Aedh, mac Pilib Mheg Uidhir, do dhul da oilithri co cathair San Sem, .i. mac urrigh dob' ferr einech {fol. B 82d} ína aimsir fein & is mo adubradh a n-Erinn. & a eg in bliadhain-si ar n-glanadh a pecadh a cathair San Sem. & an aidche thainig a n-Erinn fo thir, a eg a Cinn t-Shaile, fa bhuaidh n-aithrighe, 3 Idus Augusti. & Tomas Og, mac Meg Uidhir, do bi faris, da breith assin co Corchaigh & a adlucadh leis innti.

U1428.4

Cormac h-Ua Birn,

p.106

U1428.5

Aedh Og Mhag Uidhir do marbadh le clainn Donnchadha Ballaigh Meg Shamradhain a tigh Mic Gilli Finnein in bliadhain-si.