Corpus of Electronic Texts Edition

Annals of Ulster otherwise Annala Senait, Annals of Senat (Author: [unknown])

Year U1427

U1427.0

{fol. B 85c} Kal. Ian. iiii. f., l. i., Anno Domini M. cccc. xx. uii.

U1427.1

Gillebert h-Ua Flannagain, tigherna ar trian Tuaithi Ratha, fer clumar, deighbesach, d'h-eg in bliadhain-si.

U1427.2

Caislen Edain Daire i n-Uíb Failge do brisedh le Gallaibh in bliadain-si.

U1427.3

Murchadh, mac Toirrdelbaigh h-Ui Briain, do marbadh a feall da derbrathair fein.

U1427.4

Diarmait h-Ua Mathgamna, .i. rí an Fhuind Iartharaigh, .i. sai deighéinígh nar' eitig nech riamh, a eg an bliadhain-si fa buaidh aithrighi.

U1427.5

Cormac Og Mac Diarmata d'h-eg in bliadhain-si.

U1427.6

{fol. A 85c}Una, ingen Aedha Megh Uidhir, .i. bean h-Ui Ruairc, .i. Taidhg — .i. an ben dob' ferr eineach & crabadh & derc do bi i n-Ichtur Connacht ina h-aimsir fein — a h-eg iar m-buaidh aithrighe.

U1427.7

Aine, ingen Cormuic h-Ui Birn, .i. ben Meg Raghnaill, .i. t-Sheffraigh, d'h-eg in bliadhain-si.

U1427.8

Loard Graidhe do thecht a n-Erinn & Mac Murchadha, .i. ri Laighen, do thabairt leis a Saxanaibh da fhuaslughadh.

U1427.9

Ferghal Mac Tigernain d'h-eg in bliadhain-si: adbur taisigh Tellaigh Dunchadha.

U1427.10

Brian, mac Ferghail Meg Samradhain, .i. mac taisigh Tellaigh Eathach, .i. sai

p.104

U1427.11

Sibhan, ingen in Espuic Mic Cathmhail, ben Muiris, .i. in Airchideochain Mhoir, Mheg Uidhir, obiit 13 Kalendas Februarii; noch ig a raibh tech aidhedh ic Clain Inis & i Ros Oirrtir re se bliadhna deg & da fichit co nosmur, daenachtach, dercech.

U1427.12

Brian h-Ua Daimín, taisech Thire Cennfhada, obiit 8 Idus Ianuarii.

U1427.13

Caiterfhina, .i. ingen Ardghail Mheg Mathgamna, ben h-Ui Neill, .i. Eogain, mic Neill Oig h-Ui Neill, d'h-eg in bliadhain-si i n-Noin Iuin.