Corpus of Electronic Texts Edition

Annals of Ulster otherwise Annala Senait, Annals of Senat (Author: [unknown])

Year U1426

U1426.0

Kal. Ian. iii. f., l. xx., Anno Domini M. cccc. xx. ui.

U1426.1

Feidhlim, mac Muircertaigh h-Ui Concobuir, d'h-eg in bliadhain-si.

U1426.2

h-Ua Concobuir Ruadh d'h-eg in bliadhain-si: .i. Toirrdelbach, mac Aedha, mic Fheidhlimthe h-Ui Conchobuir: cocthoir & cosantach Connacht é ar conghleachaibh & ar cathruagaibh & ar aithne & ar eolus; a ég fa buaidh aithrighe.

U1426.3

Concobur h-Ua Briain (.i. mac Mathgamna, mic Muirchertaigh, mic Thoirrdhelbaigh, mic Thaidhg, mic Conchubhair na Sibhdaine h-Ui Bhriain) d'eg in bliadain-si, ri Tuadhmuman. & Tadhg, mac Briain h-Ui Briain, do righadh 'na inadh.

U1426.4

Mac Mathgamna Bodhur, .i. rí Corco Baiscinn, .i. Toirrdelbach, do marbadh & do loscadh lena brathair fein ar greis oidhci.

U1426.5

Concobur Crom, mac Taidhg h-Ui Ruairc, d'h-eg.

U1426.6

Ruaidhri, mac Aedha Meg Aenghusa, do marbadh 'na tigh fein a feall do Brian Mag Aengusa.

U1426.7

Enri Mac h-Ui Neill Buidhe do dhalladh le clainn Mic h-Ui Neill Buidhe.

U1426.8

h-Ua Duibgeannain Cille Ronain d'h-eg: .i. Pilib h-Ua Duibgeannain.

U1426.9

Brian, mac

p.102

U1426.10

Lucía, ingen Mic Donnagain, d'eg.

U1426.11

Gilla Tighernaigh h-Ua Fialain d'h-eg Kalendis Marcii.

U1426.12

Tadhg Og Mac Gilli Finnein & a mac (.i. Aedh) do marbadh 'na tigh fein le h-Art, mac Eogain h-Ui Neill, 15 Kalendas Ianuarii.