Corpus of Electronic Texts Edition
Annals of Ulster otherwise Annala Senait, Annals of Senat (Author: [unknown])

Year U1424

U1424.0

Kal. Ian. uii. f., l. xx.uii., Anno Domini M. cccc. xx. iiii.

U1424.1

Gilla Isa, mac Briain Meg Tigernain, .i. adhbur taisigh Teallaigh Dunchadha & fer einigh do dhamaibh & do dheoraidhaibh e, & a ég fa buaidh on t-saegal.

U1424.2

Ri h-Ua Maine, .i. Donnchadh, mac Mailechlainn h-Ui Ceallaigh, do marbadh d'en urchur shoighde, ag edraín a muinntire fein ar a cheile.

U1424.3

Cocadh mór eter Muinntir

p.96

Ruairc a n-diaigh Aedha Buidhe h-Ui Ruairc: .i. Tadhg, mac Tigernain h-Ui Ruairc do denum sidha re Muinntir Raighilligh, .i. re h-Eogan, mac Seaain h-Ui Raighilligh & righi na Breifne do Thadhg co h-imshlan.

U1424.4

Mailechlainn Mac Caba, .i. Consabla in da Breifne & Fer Manach & Oirgiall, d'h-eg in bliadhain-si don plaidh. & sgel adh{fol. A 85a}bul, mhor é d'aes ealadhan Erenn.

U1424.5

Gilla Crist h-Ua Feradaigh (.i. mac in Cerda) obiit.

U1424.6

Mael Padraig h-Ua h-Eogain, .i. mac in Maighistir Moir, .i. Matha, mac Conchobuir h-Ui h-Eogain, obiit.