Corpus of Electronic Texts Edition
Annals of Ulster otherwise Annala Senait, Annals of Senat (Author: [unknown])

Year U1423

U1423.0

Kal. Ian. ui. f., l. x.ui., Anno Domini M. cccc. xx. iii.

U1423.1

Caislen Atha Senaigh do dhenum in bliadhain-si le Niall, mac Toirrdelbaigh h-Ui Domnaill.

U1423.2

Toirrdelbach, mac Neill Gairbh h-Ui Domnaill, .i. ri Tire Conaill, d'eg in bliadhain-si, a m-bert manaigh, iar


p.94

m-buaidh ongtha & aithrighi.

U1423.3

Sluaghadh mor do dhenum leis h-Ua Neill, .i. Domnall & le h- Eogan h-Ua Neill & leis h-Ua n-Domnaill, .i. Níall & le Gaidhelaibh Uladh archena cum Gall. & do-cuadur co Lughmadh an tan-sin & assin cum an t-Sradbhaile & tucadur troid don dul-sin do Gallaibh na Midhe & do Gallaibh Mhachaire Oirgiall & an t-Sradbhaile & d'fher-ínaid righ Saxan. Maidm mor do thabairt leo ar Ghallaibh an tan-sin & do marbadur in ridere do bo cenn troda do Ghallaibh annsin & moran do Ghallaibh ailibh maille fris. & fuaradur edala mora don turus-sin & do-ronadur sith re Gallaibh fós don dul-sin & do fhaghbadur an Sradbaile & Gaill uile fa chis & fa comtachaibh o sin amach & araile.

U1423.4

Muiris, mac Matha, mic Osgair Meg Uidhir, .i. airchideochain Clochair (an t-Aircideochain Mor) & persun Achaid Urchaire & tigherna Claín Indsi & Rossa Oirrter, obiit 6 Kalendas Maii.

U1423.5

Mag Raith Termoinn Dabheoig, .i. Marcus, mac Muiris Meg Raith, d'h-eg in bliadhain-si & {fol. B 82a} comorba do dhenum da brathair ina inadh, .i. do Sheaan Mhor Mhag Raith.