Corpus of Electronic Texts Edition
Annals of Ulster otherwise Annala Senait, Annals of Senat (Author: [unknown])
Year U1420
U1420.0
Kal. Ian. ii. f., l. x.iii., Anno Domini M. cccc.
xx.
U1420.1
Caislen Bona Drobaisi do dhenum in bliadhain-si le Brian,
p.84
mac Domhnaill h-Ui Conchobair. Sluagh in Coicidh do thecht
an tan-sin do bhacail na h-oibri. Do cruinnigh Brian sluagh aile 'na n-aghaidh-sin fa a braithribh & fa Mac Donnchaidh & fa h-Ua Ruairc, .i. Tadhg. & nír' lamh in sluagh Ulltach dul tar an Ursgathaigh siar cuca don dul-sin. Conallaighdo beith, moran daine, fa cuan Easa Ruaidh an tan-sin. Clann h-Ui Domnaill do thecht,
marcshluagh, ar in magh, .i. Niall & Domnall & Nectain. Clann Brian h-Ui Conchobuir do dhul, marcshluagh mor cuartaighthi, in tan-sin co Bel Atha Seanaigh & imruaghadh mor d'eirghi atorra. Conallaigh do breith orra annsin & ruaig do thabairt atorra ann do Chairbreachaibh, d'ar' marbadh Seaan, mac Briain h-Ui Concobuir & Aedh Buidhe Mac Donnchaidh & Cathail, mac Diarmata, mic Cormaic, mic Ruaidhri {fol. B 81a}
& Eogan h-Ua Dubhda. Brian h-Ua Conchobuir do dhul & Cairbrigh ar Magh Eine in tan-sin fa na sgelaibh-sin. Eogan h-Ua Concobuir & Toirrdelbach
Carrach {fol. A 84b} do dhul a cenn coic n-oidhce iar sin co h-Es Ruadh. Clann h-Ui Domnaill do beth don taebh tall don Es, a Port na Long, iar n-ol fina. & a fhis-sin d'fhaghbail d'Eogan & a n-índsoighidh doibh & Domnall h-Ua Domnaill, .i. adbur righ Thire Conaill, do marbadh leo & daine eile nach airimter annso. & Niall h-Ua Domnaill do dhul uatha a luing Saxanaigh do bhi ar an cuan in tan-sin. & Eogan d'inntogh don turus-sin co Drobhais cetna &
araile.
U1420.2
Tadhg, mac Fergail h-Ui Eaghra, .i. lethri Luighne, d'h-eg.
U1420.3
Clann t-Sheaain h-Ui Eaghra do thecht ar sluaighedh cona
cairdibh d'innsoighidh clainni h-Ui Eaghra Oirrtheraigh.
p.86
Do bí Eogan, mac Domnaill h-Ui Concobuir, 'na fhir
comairce & coimeda ag clainn Taidhg h-Ui h-Eaghra.
Crecha mora & marbtha daine do denum do clainn t-Sheaain in tan-sin. Eogan do breith orra annsin & na crecha d'iaraidh orra do do thoradh comaind, & do coimed a éinígh. & ní fhuair &, o
nach fuair, do cumnigh ar a uaisli fein & do-chuaidh a toraidhecht na creichi. Clann
t-Sheaain & Clann Muiris do madhmachadh le h-Eogan & le mac Mic Donnchaidh & le clainn Taidhg h-Ui Eaghra. & Mac Muiris do ghabail ann & Emann Mac Muiris do marbadh ann & Seaan, mac Ricaird Mic Muiris & Uilliam, mac Seaain Oig h-Ui Eaghra & Tadhg h-Ua Eaghra & moran eile nach airmither sunn. & creacha do buain dibh annsin le h-adh Eogain.
U1420.4
Uilliam, mac Mailechlainn h-Ui Cheallaigh, .i. adbur aird-righ h-Ua Maine & in t-aen mac uirrigh ro bo mó tren & test & dob' ferr d'fher chogaidh & do bo mhó cuíd oidhchi do bí i n-Erinn ina aimsir fein, a ég ina longport fein iar m-buaidh aithrighe.
U1420.5
Comfhuaslúcudh do dhenum in tan-sin ar Chathal h-Ua Conchobuir do bhi i l-laim ag Mac Ulliam re ré fhada d'{fol. B 81b} aimsir a n-gill re caislen Rosa Comain & ar h-Ua Ceallaigh do bí ag Mac Uilliam Clainni Ricaird & ar h-Ua Conchobuir do bí i l-laim
Uilliam.
U1420.6
Fergus (no, Gilla Fergusa) h-Ua Congalaigh, duthchusach
do Muinntir Rois Oirrthir & fer daenachtach, d'h-eg.
U1420.7
Maighistir Matha h-Ua Banain, persun & oirchinnech
p.88
Daire Maelain, d'h-eg 6 Idus Septimbris.
U1420.8
Goffraigh h-Ua Daimhin d'h-eg 13 Kalendas Iulii & a adhlucadh ag cuirr cle altora
Mainistrech Lesa Gabail.