Corpus of Electronic Texts Edition
Annals of Ulster otherwise Annala Senait, Annals of Senat (Author: [unknown])

Year U1414

U1414.0

Kal. Ian. ii. f., l. uii., Anno Domini M. cccc. x. iiii.

U1414.1

Indsoighidh do dhenum do clainn Enri h-Ui Neill ar Eogan h-Ua Neill & Eogan do ghabail doibh a n-gill ris h-Ua Neill do bi ag Eogan i l-laim roime-sin. & do leigedh amach iad araen.

U1414.2

Maidm mor do thabairt do h-Ua Concobuir Fhailghi (.i. don Calbhach) ar Ghallaibh in bliadhain-si, & braighdi imda do ghabail doibh & ár mor do thabairt leis.

U1414.3

Cogadh mor eter Mac Murchadha & Goill na Cunntae Riabcha & mac Mic Murchadha do ghabail doibh, .i. Geralt Caemanach & h-Uí Droghna do loscadh & d'argain doibh. & Donnchadh Caemanach do tabairt ruaga don Chunntae & braighdi imda do ghabail do.

U1414.4

Iarla Desmuman do thecht a n-Erinn an bliadhain-si & nert Saxanach do thecht leis do milliudh na Muman.

U1414.5

Mag Carrthaigh Cairbrech do eg in bliadhain-si, .i. Domnall.

U1414.6

Mainister Shligigh do loscadh a n-Errach na bliadhna-sa co lom le coinnill.

U1414.7

Mael Ruanaigh, mac

p.68

Ferghail Mic Diarmata, .i. righ Muighi Luirg, arna athrighadh do clainn Aedha Mic Diarmata roime-sin & arna innarbadh.

U1414.8

Domnall h-Ua h-Eogain, deaganach Locha h-Eirne & bicair Insi Cain, .i. in Deganach Mael, d'eg in bliadhain-si, tertio Nonas Octobris.