Corpus of Electronic Texts Edition
Annals of Ulster otherwise Annala Senait, Annals of Senat (Author: [unknown])

Year U1412

U1412.0

Kal. Ian. ui. f., l. x.u., Anno Domini M. cccc. x. ii.

U1412.1

Ricard Baired do techt ar creich i Cuil Cernu & daine uaisli in tire do breith air & a chur cum na Muaidhe & a bhathudh uirre & moran da muinntir do bhathudh & do marbadh.

U1412.2

Tigernan Og, mac Tigernain Moir, mic Ualgairg h-Ui Ruairc, d'h-eg: {fol. A 82c} .i. sai mic righ & adbur righ Breifne gan fhrasabra. & a adlucadh a Sligeach.

U1412.3

Domnall, mac Neill h-Ui Domnaill, d'h-eg.

U1412.4

Cu Connacht Mag Tighernain, .i. taisech Theallaigh

p.62

Dunchadha, do marbadh d'Feraibh Manach ina tigh fein ar Cruachan, ar greis aidhce. & tucadur ár ban & fer & leanam and & do loiscedar baile Meg Tigernain don dul-sin & tangadur dia tighibh slan on turus-sin.

U1412.5

Cocadh mor ag h-Ua Ferghail, .i. Domnall h-Ua Ferghail & a g Gallaibh na Midhe. & Fabur do loscadh leo & daine imda do ghabail & do marbadh leo.

U1412.6

h-Ua Cathain & clann Sheaain h-Ui Domnaill do dhenum innsaighidhi ar h-Ua Domnaill & ceithri fir deg do muinntir h-Ui Domnaill do marbadh.

U1412.7

Dealbh Muire Atha Truim do dhenum mirbuile mor 'sa bliadhain-si.

U1412.8

Aedh, mac Enri h-Ui Neill, d'elogh a h-Ath Cliath arna bheith deich m-bliadhna a laim ann & tuc moran do braighdibh ailib leis.

U1412.9

Eda Leis & mac Iarla Cille Dara do thecmail le cheile a Cill Mo Chelloig & a toitim le cheile.

U1412.10

Sluaighedh mor le Brian, mac Domnaill h-Ui Concobuir, a n-Gailengaibh & a Cera & a Clainn Cuain & a Conmaicne. & ruc leis Clainn Muiris cona caeraidhecht annsa crich. & do tinoileadur Clann Uilliam A Burc & h-Ui Flaithbertaigh & Muinnter {fol. B 79b} Maille, eter Gall & Gaidhel & Clann Goisdelbh & Clann Shiurtain d'Eisreta & Bairedaigh a n-aghaidh Briain & a sluaigh.

p.64

& do loiscedh leis a m-bailti puirt, .i. Caislen in Bharraigh & in Leth Innsi & Loch Mesca & do gherr a n-guirt uile & do chuir Clainn Muiris tar a n-ais 'na tir fein. & do ben Brian sidh a Gallaibh & a Gaidhelaibh Connacht don turus-sin.

U1412.11

Donnchadh, mac Domnaill, Mac Gille Finnein, d'h-eg.