Corpus of Electronic Texts Edition

Annals of Ulster otherwise Annala Senait, Annals of Senat (Author: [unknown])

Year U1411

U1411.0

Kal. Ian. u. f., l. iiii., Anno Domini M. cccc. x. i.

U1411.1

Siuban, ingen Iarla Desmuman, .i. ben Meg Carrthaigh Moir, .i. Tadhg Mag Carrthaigh, d'eg in bliadhain-si.

U1411.2

Domnall, mac Concobuir h-Ui Briain, .i. adbur h-Ui Briain, do marbadh don Barrach Mhor.

U1411.3

Eogan, mac Murchadha h-Ui Madaghain, .i. ri Sil n-Anmchadha, d'eg.

U1411.4

Cobthach h-Ua Madaghain, .i. adbur righ & espuic ar a dhuthaidh, d'h-ec in bliadhain-si.

U1411.5

Muircertach, mac Con

p.60

U1411.6

Iarla Desmuman d'innarbadh da brathair fein, .i. do Shemus, mac Geroid & gur' chuir se an t-Iarla a h-Erinn amach: .i. Tomas, mac Seaoin Iarla.

U1411.7

h-Ua Suillabhain Mor do gabail in bliadhain-si & a mac do marbadh le Domnall n-Dubh h-Ua Suillabhain a feall.

U1411.8

Mael Mordha h-Ua Raghallaigh (.i. mac Con Connacht, mic Gilla Isu Ruaidh), .i. ri Breifne, d'h-eg in bliadhain-si.

U1411.9

Mailechlainn, mac Briain Meg Tigernain, d'h-eg in bliadhain-si: .i. adhbur taisigh Tellaigh Dunchadha.

U1411.10

{fol. B 79a}Concobur h-Ua Cathusaigh, aircinnech Ferainn Muinntiri Cathusaigh i n-Daim Inis, d'h-eg.

U1411.11

Iohannes Mag Sgoloigi, aircinnech a ferainn fein i Ros Oirrthir, obiit. (Croch Naomh Ratha Both d'ferthainn fhola da chrechtaibh an bliadhain-si & teghmanna & eslainti imda d'fhoiridhin di.)