Corpus of Electronic Texts Edition
Annals of Ulster otherwise Annala Senait, Annals of Senat (Author: [unknown])

Year U1410

U1410.0

{fol. A 82b} Kal. Ian. iiii. f., l. xx.iii., Anno. Domini M. cccc. x.

U1410.1

Raghnall Mag Raghnaill, .i. taisech Muinntiri h-Eoluis, d'eg in bliadhain-si. Cumhsgrach Mag Raghnaill do ghabail taisighechta 'na dhiaigh & a ec a cinn caicidhisi ann sin.

U1410.2

Domnall h-Ua Neill, .i. ri Coicidh Uladh, do gabail do Brian Mag Mhathgamna & Brian da thabairt d'Eogan h-Ua Neill in bliadhain-si.

U1410.3

Tadhg, mac Mailechlainn, mic Uilliam, mic Donnchadha Muimnigh h-Ui Ceallaigh, .i. ri h-Ua Maine, d'eg in bliadhain-si.