Kal. Ian. iii. f., l. x.ii., Anno Domini M. cccc. ix.
Cos Risderd A Burc do brisedh le coin do bi ina rith ar mil & a eg de sin.
Sluaghadh mor in bliadhain-si {fol. B 78d} le clainn Domnaill, mic Muircertaigh h-Ui Concobuir & le Clainn Donnchaidh Thire h-Oilella do chur bidh a caislen Rosa Comain d'ainndeoin Connacht & siat tinoilti a timcell an caislein. & do-cuiredar an biadh annsin d'aindeoin & do-cuadur fein dia tighibh don turus-sin.