Corpus of Electronic Texts Edition

Annals of Ulster otherwise Annala Senait, Annals of Senat (Author: [unknown])

Year U1406

U1406.0

Kal Ian. ui. f., l. ix., Anno Domini M. cccc.ui.

U1406.1

Ferghail, mac Cormaic Mic Donnchaidh, .i. adbur righ Thire h-Oilella, d'eg in bliadhain-si.

U1406.2

Gilla na Naem, mac Ruaidhri h-Ui Cianain, .i. sai shenchaidh, d'eg in bliadhain-si i m-Bealach Caille Finntain 'sa n-Enghaile & a adhlucadh a n-Inis Moir Locha Gamna.

U1406.3

Mael Ruanaigh, mac Taidhg Mic Donnchaidh, .i. ri Thire h-Oilella, d'ég in bliadhain-si.

U1406.4

Toirrdelbach, mac Aedha h-Ui Concobuir, .i. lethri Connacht, .i. cenn cogaidh & crodhachta Connacht uile, a marbadh 'sa bliadhain-si a Clainn Connmaigh, ag techt o thigh Mic Fheorais le Cathal n-Dubh h-Ua Conchobuir & le Seaan, mac mic {fol. A 82a}Hoiberd. & do marb h-Ua Conchobuir Seaan ar in lathair cetna {fol. B 78c} d'aen buille cloidhim. Caicidhis ria Nodlaig sin.

p.56