Corpus of Electronic Texts Edition

Annals of Ulster otherwise Annala Senait, Annals of Senat (Author: [unknown])

Year U1405

U1405.0

Kal. Ian. u. f., l. xx.uii. Anno Domini M. cccc. u.

U1405.1

Gilla Duibin Mac Cruitin do eg in bliadhain-si: .i. ollam h-Ui Briain, .i. sai re sheinm & re senchus & re h-oirrdercus Erenn.

U1405.2

Cerball h-Ua Dalaigh, .i. ollam Corco Mruadh, d'eg.

U1405.3

Uilliam h-Ua Deoradhain, .i.

p.54

U1405.4

Fingin, mac Eogain Meg Carrthaigh, d'eg in bliadhain-si: .i. sai cinnfheadhna.

U1405.5

Donnchadh Ban h-Ua Mail Conaire, .i. ollam Sil Muiredhaigh re seanchus, do eg in bliadhain-si.

U1405.6

Innsoighid do denum do Mac Diarmata Muighi Luirg, .i. do Tadhg Mac Diarmata, ar h-Ua Concobuir n-Donn. h-Ua Concobuir cona ghalloglachaibh do breith orra & eich & daine do marbadh atorra & Mac Diarmata do lot do shoighit don turus-sin & a eg dhe.

U1405.7

Mac Cathmail, .i. taisech Cenel Feradhaigh, do marbadh le Feraibh Manach.